Nicola Sturgeon
Auglýsing

Nicola Sturgeon, fyrsti ráðherra Skotlands, gagnrýnir Theresu May, forsætisráðherra Bretlands, harðlega fyrir ræðuna sem May hélt fyrr í dag um útgöngu Bretlands úr Evrópusambandinu. 

Skotland kaus ekki þá leið sem birtist í áætlunum May um útgöngu ríkisins úr ESB og áætlun Bretlands er ekki í hag skosku þjóðarinnar, segir Sturgeon meðal annars í yfirlýsingu á Facebook-síðu sinni. „Þrátt fyrir öll fallegu orðin þá er orðið ljóst að Bretland stefnir í hart Brexit, sem gæti haft í för með sér efnahagslegar hörmungar. Ákvarðanir eru ekki teknar rökrétt með hagsmuni landsins í huga, heldur af þráhyggju harða hægrisins í Íhaldsflokknum,“ segir Sturgeon. 

Hún segir einnig vera að koma betur og betur í ljós málið sem liggur til grundvallar í útgöngu Bretlands, og það sé spurningin um það hvernig ríki Bretland ætli að vera. Forsætisráðherrann hafi sýnt á spilin í lok ræðu sinnar þegar hún talaði um möguleikann á því að Bretland verði láglauna- og lágskattaríki með lítil ríkisafskipti. Afleiðingarnar verði þær að allir, nema kannski þeir ríkustu, verði verr settir en nú er. 

Auglýsing

„Skosk stjórnvöld settu fram málamiðlunartillögur fyrir jól sem myndu vernda hagsmuni Skotlands – og við gerðum það ljóst að það mikilvægasta sé aðild að innri markaðnum þegar kemur að efnahagslegum og frekari þjóðarhagsmunum Skotlands.“ Á meðan verið sé að ræða þessar tillögur, og Theresa May hafi síðast í dag lofað að skoða tillögur Skota, hafi stjórnvöld ekki sýnt fram á það með neinum hætti að verið sé að hlusta á skosk stjórnvöld eða að hagsmunir Skotlands séu teknir til greina. 

„Það verður að breytast ef það á að vera einhver trú á því að hægt sé að tryggja hagsmuni Skotlands innan Bretlands. Og ef Bretland ætlar ekki að vera áfram á innri markaðnum, eins og forsætisráðherrann segir nú, þá verður að skoða tillögur okkar um hvernig hægt er að leyfa Skotum að vera þar áfram alvarlega.“ 

Skosk stjórnvöld muni því áfram taka ákvarðanir með yfirveguðum og ábyrgum hætti, en það verði að vera morgunljóst að stjórnvöld í Bretlandi geti ekki beitt sér gegn vilja og hagsmunum Skotlands, og neita öllum tilraunum til málamiðlana. 

„Það virðist vera sem íhaldsstjórnin í Westminster haldi að hægt sé að gera Skotlandi hvað sem er og komast upp með það. Hún verður að skilja hversu rangt hún hefur fyrir sér í því. Bresk stjórnvöld mega ekki komast upp með að taka okkur út úr Evrópusambandinu og innri markaðnum, án þess að skeyta um áhrifin á hagkerfið okkar, störfin, lífsgæði og orðspor okkar sem opins, frjálslynds lands, án þess að Skotland hafi möguleika á því að velja á milli þess og annars konar framtíðar.“ Með ummælum sínum í dag hafi Theresu May tekist að gera valið líklegra fyrir Skota, þeir verði að hafa möguleika á sjálfstæði. 

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Þorgerður Katrín Gunnarsdóttir, formaður Viðreisnar, í forystusætinu á RÚV í gærkvöldi.
Það liggur ekki fyrir hvort Ísland geti gert tvíhliða samning til að tengja krónu við evru
Staðreyndavakt Kjarnans skoðar fullyrðingu Þorgerðar Katrínar Gunnarsdóttur um það sé mögulegt fyrir Ísland að gera samkomulag við Seðlabanka Evrópu um að tengja krónuna við evru.
Kjarninn 23. september 2021
Sigríður Ólafsdóttir
Draumastarf og búseta – hvernig fer það saman?
Kjarninn 23. september 2021
Árni Stefán Árnason
Dýravernd: Í aðdraganda kosninganna er blóðmeraiðnaðurinn svarti blettur búfjáreldis – Hluti II
Kjarninn 23. september 2021
Segist hafa reynt að komast að því hvað konan vildi í gegnum tengilið – „Við náðum aldrei að ræða við hana“
Fyrrverandi formaður KSÍ segir að sambandið hafi frétt af meintu kynferðisbroti landsliðsmanna í gegnum samfélagsmiðla. Formleg ábending hafi aldrei borist.
Kjarninn 23. september 2021
Bjarni Benediktsson, fjármála- og efnahagsráðherra og formaður Sjálfstæðisflokksins, og Katrín Jakobsdóttir, forsætisráðherra og formaður Vinstri grænna.
Fleiri kjósendur Sjálfstæðisflokks vilja Katrínu sem forsætisráðherra en Bjarna
Alls segjast 45,2 prósent kjósenda Sjálfstæðisflokksins að þeir vilji fá formann Vinstri grænna til að leiða þá ríkisstjórn sem mynduð verður eftir kosningar.
Kjarninn 23. september 2021
Hugarvilla að Ísland sé miðja heimsins
Þau Baldur, Kristrún og Gylfi spjölluðu um Evrópustefnu stjórnvalda í hlaðvarpsþættinum Völundarhús utanríkismála.
Kjarninn 23. september 2021
Völundarhús utanríkismála Íslands
Völundarhús utanríkismála Íslands
Völundarhús utanríkismála Íslands – Þáttur 4: Byggir Evrópustefna íslenskra stjórnvalda á áfallastjórnun?
Kjarninn 23. september 2021
Rósa Björk Brynjólfsdóttir
Kosningarnar núna snúast um loftslagsmál
Kjarninn 23. september 2021
Meira úr sama flokkiErlent
None