Skoska þingið mun í dag hafna útgöngu Bret­lands úr Evr­ópu­sam­band­inu í atkvæða­greiðslu í skoska þing­inu. Slík atkvæða­greiðsla hefur ekk­ert vægi þegar kemur að því að virkja 50. grein Lissa­bon-sátt­mál­ans um að hefja útgöngu­ferlið, en samt segir Nicola Stur­ge­on, fyrsti ráð­herra Skotlands, að atkvæða­greiðslan í dag sé ein sú mik­il­væg­asta í sögu skoska þings­ins. 

Ástæðan er sú að ef stjórn­völd í London halda áfram að hunsa stjórn­völd í Skotlandi og heldur áfram Brex­it-­leið­angrinum án þess að hafa Skota með í ráðum verður þjóð­ar­at­kvæða­greiðsla um sjálf­stæði Skotlands þeim mun lík­legri. 

Skoski þjóð­ar­flokk­ur­inn, sem Stur­geon leið­ir, mun allur greiða atkvæði gegn því að hefja útgöngu­ferl­ið. Það munu þing­menn Græn­ingja og frjáls­lyndra demókrata líka gera. Þing­menn Verka­manna­flokks­ins ætla að greiða atkvæði gegn útgöng­unni en hafa sett inn við­auka sem úti­lokar að haldin verði önnur þjóð­ar­at­kvæða­greiðsla um sjálf­stæði Skotlands. Ein­göngu þing­menn Íhalds­flokks­ins munu greiða atkvæði með því að hefja útgöngu­ferlið með virkjun 50. grein­ar­inn­ar. 

„Al­menn­ingur í Skotlandi kaus með afger­andi hætti að vera áfram í Evr­ópu­sam­band­inu – og aðeins einn af 59 þing­mönnum Skotlands í breska þing­inu hefur stutt að virkja 50. grein­ina,“ segir Nicola Stur­geon við Scotsman. „Um­ræð­urnar eru tæki­færi fyrir þjóð­þingið okkar til að ítreka skoðun skosku þjóð­ar­innar og gera það ljóst að sem þjóð erum við á móti þessu hörmu­lega harða Brexit sem er nú unnið að meðal íhalds­manna í West­min­st­er.“ 

Stur­geon segir málið vera próf­stein á það hvort hlustað sé á rödd Skotlands og hvort hægt sé að virða óskir Skota. Meiri­hluti Skota, 62%, greiddi atkvæði um að vera áfram innan Evr­ópu­sam­bands­ins. Evr­ópu­sam­bandið hafði líka veru­leg áhrif á fyrstu þjóð­ar­at­kvæða­greiðslu Skota um sjálf­stæði, þar sem þeim var tjáð að þeir gætu ekki verið áfram sjálf­krafa aðilar að Evr­ópu­sam­band­inu sem sjálf­stætt rík­i. 

Ráð­herr­ann hefur sagt að önnur atkvæða­greiðsla um sjálf­stæði sé nán­ast óhjá­kvæmi­leg núna, eftir að ljóst varð að Brex­it-­á­ætl­anir stjórn­valda í London bera með sér útgöngu af innri mark­aði ESB.