Meiri­hluti stjórnar Neyt­enda­sam­tak­anna (NS) harmar að traust ríki ekki milli for­manns og ann­arra í stjórn. Unnið er í að leysa málin og er stjórn sam­mála for­manni um að ekki stóð til í að standa í karpi í fjöl­miðl­u­m. 

Þetta kemur fram í ítar­legri yfir­lýs­ingu stjórna­manna Neyt­enda­sam­tak­anna, að und­an­skildum Ólafi Arn­ar­syni, for­manni, en meiri­hluti stjórnar sagði honum upp störfum vegna ósættis um fjár­mál, en Ólafur hefur hafnað því að hafa farið á bak við stjórn­ina eða gert nokkuð rangt.

Í yfir­lýs­ing­unni segir meðal ann­ars að Ólafur hafi leynt stjórn­ina upp­lýs­ingum og skuld­bundið sam­tökin um efni fram.

Ítar­leg yfir­lýs­ing NS fer hér orð­rétt að neð­an:

„Meiri­hluti stjórnar harmar þær rang­færsl­ur, sem komið hafa fram í frétta­flutn­ingi um sam­skipti í stjórn félags­ins og sér sig knúna til að senda frá sér yfir­lýs­ingu.  

Í fyrri yfir­lýs­ingu segir að megin ástæða þess að stjórn lýsti yfir van­trausti á for­mann hafi verið sú að fjár­hags­staða sam­tak­anna leyfði ekki þær skuld­bind­ingar sem for­maður stofn­aði til og fóru langt fram úr þeim heim­ildum sem for­maður hafði sam­kvæmt ráðn­ing­ar­samn­ingi. Ákvarð­anir voru ýmist teknar fram­hjá stjórn eða með því að halda frá stjórn mik­il­vægum upp­lýs­ing­um.

Neyt­enda­sam­tökin eru öflug hópsam­tök sem standa á traustum grunni. En eins og í öllum rekstri þá þarf að stíga var­lega til jarðar í að efla þau og styrkja. Huga þarf að jafn­vægi í tekjum og útgjöldum og byggja breyt­ingar á mark­vissri áætl­ana­gerð.

Starfs­kjara­nefnd

Á fyrsta fundi nýrrar stjórnar kom for­maður fram með til­lögu, sem sam­þykkt var af stjórn, um að setja af stað starfskjarna­nefnd, sem hefði það hlut­verk að fara yfir launa­mál starfs­fólks NS og for­manns. Þann 27. jan­úar skil­aði starfs­kjara­nefnd áliti sínu.

Álit starfs­kjara­nefndar var ekki sent með fund­ar­boði til stjórnar þegar ráðn­ing­ar­mál voru afgreidd 15. febr­úar 2017.  Það er þvert á lög sam­tak­anna og lof­orð for­manns um að álitið yrði borið undir stjórn.

Þess ber að geta að álit starfs­kjara­nefndar er ekki á nokkurn hátt bind­andi fyrir stjórn.

Launa­mál

Stjórn gerði þau mis­tök að veita vara­for­manni umboð til að und­ir­rita hefð­bund­inn ráðn­ing­ar­samn­ing við for­mann, án þess að nákvæmt efni samn­ings hefði verið lagt fyrir stjórn. Í fund­ar­gerð kemur fram að gerður yrði hefð­bund­inn samn­ingur við for­mann. Þegar rætt var um hefð­bund­inn samn­ing, var talað um að hann væri í sam­ræmi við launa­kjör og starfs­skyldur fyrr­ver­andi for­manns. 

Í ljós kom að samn­ing­ur­inn reynd­ist ekki vera hefð­bund­inn í þeim skiln­ingi. Í kjöl­farið fékk for­maður und­ir­mann sinn til að leið­rétta laun sín aft­ur­virkt, án vit­neskju og heim­ildar stjórn­ar. Að mati meiri­hluta stjórnar er alvar­leg­ast að for­maður lét und­ir­mann sinn greiða sér því sem nemur tæp­lega þriggja mán­aða launum fyr­ir­fram (að frá­dregnum sköttum og launa­tengdum gjöld­um), án vit­neskju og heim­ildar stjórn­ar.

Leiga á bíl

Stjórn sam­þykkti til­lögu for­manns um leigu á bif­reið fyrir starfs­fólk og for­mann NS. Stjórn setti skýran fyr­ir­vara (bæði í tölvu­pósti og á stjórn­ar­fundi) um að fjár­hags­staða NS þyrfti að leyfa slíkt. Stjórn sam­þykkti að leita ann­arra leiða um val á bif­reið og leigu­leiðum en for­maður ákvað að fara. Fram komu nokkrar athuga­semdir við  fund­ar­gerð m.a. um fyr­ir­vara og hefur upp­færð fund­ar­gerð ekki verið borin upp til sam­þykkt­ar.  Þegar stjórn fékk loks upp­lýs­ingar um stöðu sam­tak­anna kom í ljós að fjár­hags­staða þeirra leyfði ekki leigu á bif­reið og því skýrt að grund­völlur umboðs­ins var aldrei fyrir hendi. Þá hefur starfs­fólk NS hefur aldrei haft aðgang að bif­reið­inni. Stjórn NS hefur sam­þykkt að segja upp leigu á bif­reið­inni.

Smá­forrit

For­maður gekk til samn­inga um rekstur smá­forrits með þeim orðum að það yrði að kostn­að­ar­lausu fyrir sam­tök­in. Síðar kom í ljós að smá­forritið er kostn­að­ar­samt. For­maður hafði ekki umboð til að ganga til fjár­hags­skuld­bind­inga vegna smá­forrits­ins.

Rekst­ara­á­ætlun

Stjórn hefur ítrekað kallað eftir rekstr­ar­á­ætlun frá og með fyrsta stjórn­ar­fundi. Óskað hefur verið eftir að í þeirri áætlun fram komi fram fjár­hags­leg staða sam­tak­anna, sem og áætl­anir um aukin útgjöld og áætl­anir um tíma­setn­ingu auk­inna tekna. Þessi umleitan hefur ekki borið árang­ur. Fjár­mála­stjóri sendi stjórn drög þann 2. apríl  2017 en engin end­an­leg áætlun hefur verið send til stjórn­ar.

Umboð for­manns

For­maður var kos­inn til tveggja ára á þingi sam­tak­anna í októ­ber 2016. Í lögum sam­tak­anna segir ekk­ert til um hvort for­maður eigi að vera laun­aður starfs­mað­ur, þiggja laun eða ekki. Það er því alfarið ákvörðun stjórnar að ákveða laun og starfs­hlut­fall. Þingið kýs for­mann en ekki starfs­fólk NS.

Trún­að­ar­brestur

Þegar í ljós kom að for­maður hafði ítrekað leynt stjórn upp­lýs­ingum og skuld­bundið sam­tökin um efni fram, lýsti yfir­gnæf­andi meiri­hluti stjórnar yfir van­trausti á sitj­andi for­mann. Stjórn axlar ábyrgð og vinnur hörðum höndum við að vinda ofan af mál­inu. Það hefur meðal ann­ars verið gert með því að sam­þykktar hafa verið nýjar starfs- og siða­regl­ur. Einnig hefur verið skipað fjár­mála­ráð sem sam­anstendur af þremur stjórn­ar­mönn­um.    

Sam­þykkt af öllum stjórn­ar­mönnum Neyt­enda­sam­tak­anna nema for­manni:

Ása St. Atla­dóttir  

Björn Þór Karls­son

Dom­in­ique Plé­del Jóns­son

Fríða Vala Ásbjörns­dóttir

Gunnar Alex­ander Ólafs­son

Guðni Gunn­ars­son

Katrín Þor­valds­dóttir

Ragnar Unn­ars­son

Sig­urður Más­son

Stefán Hrafn Jóns­son

Stella Hrönn Jóhanns­dóttir

Þórey S. Þór­is­dótt­ir.“