Óska­bein ehf., einn stærsti eig­andi Vátrygg­inga­fé­lags Íslands (VÍS), hefur flutt fjár­mögnun sína á eign­ar­hlut sínum í trygg­ing­ar­fé­lag­inu frá Kviku banka til Arion banka. Þetta var gert vegna kröfu Fjár­mála­eft­ir­lits­ins (FME) um að fjár­mögn­unin yrði færð í ljósi þess að VÍS er nú stærsti eig­andi Kviku og fer með virkan eign­ar­hlut.

Til­kynnt var um sölu og kaup á stærstum hluta bréfa Óska­beins í VÍS til Kaup­hallar í dag. Alls er um að ræða 90 millj­ónir hluti, en alls á Óska­bein rúm­lega 135 millj­ónir hluti. Virði þeirra hluta sem voru seldir og keyptir aftur er rúmur millj­arður króna. Bæði kaupin og salan fóru fram klukkan 11:20 í dag.

Í athuga­semdum við sölu­til­kynn­ing­una segir að breyt­ing á „fjár­mögnun bréfa í eigu Óska­beins ehf. vegna virks eign­ar­hlutar VÍS í Kviku Banka. Sala bréfa til Arion, sam­hliða er gerður fram­virkur samn­ingur um kaup Óska­beins á bréf­un­um, sjá aðra til­kynn­ingu um fram­virk við­skipti send út á sama tíma.“

Í til­kynn­ingu vegna kaupa á sama magni bréfa segir að kaup­við­skiptin séu gerð með fram­virkum samn­ingi sem sé með gjald­daga eftir eitt ár, þann 8. júní 2018.

VÍS stærsti eig­andi Kviku

Tveir af stærstu hlut­höfum VÍS, hjónin Svan­hildur Nanna Vig­fús­dóttir og Guð­mundur Örn Þórð­ar­son ann­ars vegar og félag Sig­urðar Bolla­sonar og við­skipta­fé­laga hans hins veg­ar, keyptu 15 pró­sent hlut í fjár­fest­inga­bank­anum Kviku í lok árs 2016. Félög þeirra, K2B fjár­fest­ingar (sem á átta pró­sent í Kviku) og Grandier ehf. (sem á sjö pró­sent), eru nú á meðal stærstu eig­enda bank­ans. Grandier seldi sinn hlut í VÍS fyrir nokkrum dögum síð­an.

Þann 5. jan­úar 2017, rúmum mán­uði eftir að þau kaup gengu í gegn, var til­kynnt um að VÍS hefði keypt 21,8 pró­sent hlut í Kviku og sé nú stærsti eig­andi bank­ans. Alls nemur heild­ar­eign­ar­hlutur félags­ins nú tæp­lega 25 pró­sent­um.

Einn stærsti eig­andi VÍS er félagið Óska­bein sem á 5,89 pró­sent hlut. Það félag er m.a. í eigu Andra Gunn­ars­son­ar, Fann­ars Ólafs­sonar og Gests Breið­fjörð Gests­son­ar. Þeir keyptu hlut­inn meðal ann­ars með lánum frá Kviku banka. Gestur situr í stjórn VÍS. Í ljósi þess að VÍS er nú orðið virkur eig­andi í Kviku, en þeir sem eiga yfir tíu pró­sent hlut í bönkum telj­ast  virkir eig­end­ur, var gerð krafa um að Óska­bein færði fjár­mögnun sína úr bank­an­um.