Aleksei Navanly, höf­uð­and­stæð­ingur rík­is­stjórnar Vla­dimir Pútín í Rúss­landi, var hand­tek­inn á heim­il­inu sínu í kjöl­far þess að hann boð­aði til fjölda­mót­mæla í dag, á þjóð­há­tíð­ar­degi Rússa. Lög­reglan hefur hand­tekið meira en 100 manns vegna mót­mæl­anna nú þeg­ar.

Þann fyrsta júní boð­að­i  Navalny til mót­mæla í dag í þætti á Youtu­be-­síð­unni sinni  þar sem til­gang­ur­inn væri að sýna styrk stjórn­ar­and­stöð­unnar og stuðn­ing við for­seta­fram­boð hans árið 2018. Mót­mælin voru boðuð í 200 borgum og bæjum víðs vegar um land­ið. Dag­ur­inn í dag var ekki val­inn fyrir til­vilj­un, en hann er Dagur Rúss­lands, þjóð­há­tíð­ar­dagur Rússa. 

Mót­mælin voru vel sótt, en talið er að sam­tals hafi margir tugir þús­unda safn­ast saman víðs vegar um Rúss­land. Sam­kvæmt frétta­veit­unni Radi­oF­reeE­urope hafa að minnsta kosti 100 verið hand­teknir fyrir aðild sína að mót­mæl­un­um. 

Þetta er ekki í fyrsta skipti sem Navalny hefur kom­ist í kast við rúss­nesk yfir­völd, en hann var einnig hand­tek­inn í kjöl­far mót­mæla sem hann stofn­aði til í apríl á þessu ári.  Einnig hefur hann tvisvar verið dæmdur fyrir fjár­drátt í mála­ferlum sem Mann­rétt­inda­dóm­stóll Evr­ópu hefur gert athuga­semdir við. Ekki hefur verið sótt um leyfi hjá yfir­völdum fyrir mót­mæl­unum og eru þau því ólög­leg sam­kvæmt rúss­neskum lög­um. 

Navalny og yfir­völd í Kreml hafa eldað grátt silfur saman í nokkurn tíma. Fyrr á þessu ári afhjúpaði hann spill­ingu for­sæt­is­ráð­herr­ans, Dmi­try Med­vedev, með Youtu­be-­mynd­bandi þar sem hann sýndi m.a. lúxu­s­eignir ráð­herr­ans með myndefni úr drónum. Stjórn­völd hafa svarað með þungum dómum á tveimur mót­mæl­endum og áróð­urs­mynd­böndum gegn Navalny sem sýnd hafa verið í háskól­um.

Kona Aleksei, Yulia Naval­ny, sagði frá því á twitt­er-að­gangnum sínum að mót­mælin eigi að halda áfram óbreytt þrátt fyrir hand­töku manns­ins síns.