Ungt fólk mótmælir spillingu í Rússlandi

Nýverið tóku tugþúsundir Rússa þátt í mótmælum gegn spillingu. Mótmælin voru viðbrögð við myndbandi sem sýndi víðfeðmt spillingarnet forsætisráðherra Rússlands. Forstöðumaður samtakanna, sem er líka forsetaframbjóðandi, hefur verið handtekinn.

Alexei Navalny, sem er forsetaframbjóðandi, hefur verið handtekinn í kjölfar birtingar á myndbandinu.
Alexei Navalny, sem er forsetaframbjóðandi, hefur verið handtekinn í kjölfar birtingar á myndbandinu.
Auglýsing

Í byrjun mars birtu sam­tök­in Ant­i-Corr­uption Founda­tion nið­ur­stöður skýrslu sinnar í YouTu­be-­mynd­bandi sem útskýrir í smá­at­riðum hvernig for­sæt­is­ráð­herra Rúss­lands og leið­togi hins ráð­andi Yed­inaya Rossiya-flokks (e. United Russia), Dmi­try Med­vedev, hefur sett saman net af fyr­ir­tækjum og stofn­unum til þess að geta tekið við fjár­styrkjum frá helstu auð­mönnum lands­ins, hinum svoköll­uðu olí­görkum, og notað pen­ing­ana til að kaupa lysti­snekkj­ur, vín­ekrur og fast­eignir bæði innan og utan Rúss­lands. Sam­tökin upp­götv­uðu netið með því að rann­saka gögn sem var lekið af hakk­ara­sam­tök­unum Anonymous International og þá einna hel­st kvittun fyrir hlaupa­skóm sem Med­vedev hafði látið kaupa fyrir sig.





Alex­ei Navalny er for­stöðu­mað­ur Ant­i-Corr­uption Founda­tion og einn vin­sæl­asti stjórn­mála­maður stjórn­ar­and­stöð­unnar í Rúss­landi. Hann nýt­ur sér­stak­lega mik­illa vin­sælda meðal ungs fólks og not­ast að mestu við sam­fé­lags­miðla til að tala máli sínu enda eru flestir hefð­bundnir fjöl­miðlar í Rúss­landi, og þá sér­stak­lega sjón­varps­stöðvar í land­in­u, undir sterkum áhrifum stjórn­valda. Í kjöl­far birt­ingu skýrsl­unnar og mynd­bands­ins, ásamt vin­sældum ann­ars mynd­bands sem sýnir sam­skipti skóla­stjóra við nem­endur í borg­inni Bryansk sem virð­ast leiðir á stjórn­ar­háttum núver­andi rík­is­stjórn­ar, til­kynnti Navalny að sunnu­dag­ur­inn síð­ast­lið­inn væri dagur aðgerða gegn spill­ingu í Rúss­land­i. 



Um sex­tíu þús­und manns mót­mæltu á götum úti – ekki ein­ungis í Moskvuheldur einnig í borgum á víð og dreif um landið á borð við Vla­di­vostokNovosi­birsk og Krasn­odar sem eru almennt taldar íhalds­sam­ari og hlynnt­ari stjórn­völdum en höf­uð­borgin – þrátt fyrir að ekki hafi verið sótt um form­leg leyfi til að halda mót­mæl­in. Fjöl­margir mót­mæl­end­ur voru hand­teknir, þar á með­al Navalny sem hlaut sekt og 15 daga fang­els­is­dóm fyrir hlut­deild sína í mót­mæl­un­um.



Áhyggju­efni fyrir stjórn­völd



Þó að mót­mælin hafi verið gegn spill­ingu en ekki endi­lega gegn stjórn­völd­um, eða fyrir auknu lýð­ræði í land­inu, ætti það að valda rík­is­stjórn Pútín áhyggjum að einum manni hafi verið kleift að efna til fjölda­mót­mæla ungs fólks, sem hefur alist upp með rík­is­stjórn­ir Pútíns og Yed­inaya Rossiya-flokks­ins, á skömmum tíma með notkun sam­fé­lags­miðla sem stjórn­völd hafa tak­mark­aða stjórn á. 

Auglýsing

Eins og ungt fólk um allan heim nota ungir Rússar netið til að fá fréttir og upp­lýs­ingar en sjón­varps­notk­un þeirra er mjög tak­mörkuð. Þeg­ar Pútín var fyrst svar­inn inn í emb­ætti árið 2000 not­uðu ein­ungis um 2% Rússa netið reglu­lega en í dag er sú tala um 70%, og nálægt 100% meðal ungs fólks. Mót­mælin gefa í skyn að stór hluti ungs fólks í Rúss­landi vilji breyt­ingar af ein­hverju tagi og hefur rík­is­stjórn Pútíns því mikið verk að vinna til að koma til móts við þær vænt­ingar enda hefur valda­tíð Pútíns ein­kennst af áherslu á stöð­ug­leika. Hinn póli­tíski veru­leiki í Rúss­landi í dag er frá­brugð­inn þeim sem ein­kennd­i landið í kjöl­far falls Sov­ét­ríkj­anna og virð­ist vera að Navalny snerti taug meðal ungs fólks sem er orðið leitt á því sem fyrir þeim virð­ist vera spillt kerfi sem veiti tak­mark­aða fram­tíð­ar­sýn.



Ungur maður á upp­leið



Það ber að nefna að hluti af ætl­un Navalny með mót­mæl­unum er að styrkja fram­boð sitt til for­seta Rúss­lands í kosn­ingum sem eiga að fara fram á næsta ári. Ólík­legt verður að segj­ast að Pútín verði ekki end­ur­kjör­in, sam­kvæmt nýlegri skoð­ana­könnun hins frjálsa rann­sókn­ar­set­urs Levada Center nýt­ur Pútín stuðn­ings 84% lands­manna, en sam­an­borið við mót­mæli í Rúss­landi í aðdrag­anda síð­ustu for­seta­kosn­inga árið 2012 virð­ist vera ákveðið kyn­slóða­rof að þró­ast meðal rúss­neskra kjós­enda.



Flestir mótmælenda síðastliðinn sunnudag voru ungt fólk. MYND: EPANavalny hefur lagt mikla áherslu á að höfða til ungra kjós­enda út um allt Rúss­land og þannig skapað tengsl á milli stjórn­ar­and­stöðu­hópa í höf­uð­borg­inni og gras­rót­ar­innar í öðrum borgum og á lands­byggð­inni. Óvíst er hins vegar hvort rúss­neskir dóm­stólar munu leyfa Navalny að bjóða sig fram eftir því sem hann á yfir höfði sér fimm ára skil­orðs­bund­inn dóm fyrir fjársvik; hann hlaut dóm­inn eftir að mál gegn honum var tekið upp á ný eftir að fyrr­ver­andi úrskurður gegn honum var felldur niður af hæsta­rétti lands­ins og lýst sem ólög­legum af Mann­rétt­inda­dóm­stóli Evr­ópu. Ef Navalny verður ekki leyft að bjóða sig fram er ekki ólík­legt að það muni styrkja hugs­an­legt fram­boð hans til for­seta árið 2024 en þá mun Pútín, sam­kvæmt núver­andi stjórn­ar­skrá, ekki geta boðið sig fram aftur til end­ur­kjör­s. 



Sam­kvæmt Levada Center vita ein­ungis 47% af Rússum í dag hver Navalny er en honum er meinað að koma fram í sjón­varpi og er hann að miklu leyti álit­inn með tor­tryggni af eldri kjós­end­um. Eftir því sem lýð­fræðin og notkun sam­fé­lags­miðla vinna með Navalny gætu kosn­ing­arnar 2024 verið raun­hæf­ari mögu­leiki.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Býst við að 19 þúsund manns flytji hingað á næstu fimm árum
Mannfjöldaspá Hagstofu gerir ráð fyrir að fjöldi aðfluttra umfram brottfluttra á næstu fimm árum muni samsvara íbúafjölda Akureyrar.
Kjarninn 24. janúar 2021
Guðlaugur Þór Þórðarson, utanríkisráðherra.
Áfram gakk – En eru allir í takt?
Fulltrúar atvinnulífsins taka vel í skýra stefnumörkun utanríkisráðherra í átt að eflingu utanríkisviðskipta. Þó er kallað eftir heildstæðari mennta- og atvinnustefnu sem væri grundvöllur fjölbreyttara atvinnulífs og öflugri útflutningsgreina.
Kjarninn 24. janúar 2021
Pylsuvagn á Ráðhústorginu árið 1954.
Hundrað ára afmæli Cafe Fodkold
Árið 1921 hafði orðið skyndibiti ekki verið fundið upp. Réttur sem íbúum Kaupmannahafnar stóð þá, í fyrsta sinn, til boða að seðja hungrið með, utandyra standandi upp á endann, varð síðar eins konar þjóðareinkenni Dana. Og heitir pylsa.
Kjarninn 24. janúar 2021
Helga Vala Helgadóttir, þingmaður Samfylkingarinnar.
„Birtingarmynd af eindæma skilningsleysi stjórnvalda“
Þingmaður Samfylkingarinnar segir að félags- og barnamálaráðherra hafi tekist að hækka flækjustigið svo mikið varðandi sérstakan styrk til íþrótta- og tómstundastarfs barna frá tekjulágum heimilum að foreldrar geti ekki nýtt sér styrkinn.
Kjarninn 23. janúar 2021
Jón Baldvin Hannibalsson
Fimm hundruð milljarða spurningin – Í næstu kosningum
Kjarninn 23. janúar 2021
Freyja Haraldsdóttir
Baráttunni ekki lokið á meðan fólk gleymist og situr eftir
Freyja Haraldsdóttir segist vera þakklát fyrir að vera bólusett og að heilbrigðisyfirvöld hafi sett hópinn sem hún tilheyrir í forgang. Hún bendir þó á að fatlað fólk með aðstoð heima hafi gleymst í bólusetningarferlinu.
Kjarninn 23. janúar 2021
Húsnæðismarkaðurinn hefur verið á fleygiferð undanfarna mánuði. Ódýrt lánsfjármagn er þar helstu drifkrafturinn.
Bankar lána metupphæðir til húsnæðiskaupa og heimilin yfirgefa verðtrygginguna
Viðskiptabankarnir lánuðu 306 milljarða króna í ný húsnæðislán umfram upp- og umframgreiðslur í fyrra. Fordæmalaus vöxtur var í töku óverðtryggðra lána og heimili landsins greiddu upp meira af verðtryggðum lánum en þau tóku.
Kjarninn 23. janúar 2021
Guðmundur Andri Thorsson, þingmaður Samfylkingarinnar.
„Mig langar að halda áfram“
Guðmundur Andri Thorsson ætlar að bjóða fram krafta sína fyrir Samfylkinguna fyrir næstu kosningar.
Kjarninn 23. janúar 2021
Meira eftir höfundinnOddur Stefánsson
Meira úr sama flokkiFréttaskýringar
None