Tencent tekur fram úr Facebook

Kínverska tæknifyrirtækið Tencent hefur tekið fram úr Facebook í markaðsvirði og er nú meðal fimm stærstu fyrirtækja í heimi. Ör vöxtur Tencent og Alibaba á síðustu árum sýnir að kínverski tækniiðnaðurinn hefur tekið stakkaskiptum.

Starfsemi Tencent er marghliða en þróun fyrirtækisins tengist mjög náið vexti millistéttarinnar og snjallsímavæðingarinnar í Kína.
Starfsemi Tencent er marghliða en þróun fyrirtækisins tengist mjög náið vexti millistéttarinnar og snjallsímavæðingarinnar í Kína.
Auglýsing



Í lok nóv­em­ber fór mark­aðsvirði Tencent yfir fimm hund­ruð millj­arða mark­aðsvirð­is­þrösk­uld­inn og rétt tók fram úr Face­book, 523 millj­arðir banda­ríkja­dalir á móti 522 millj­arða mark­aðsvirði Face­book. Með því varð Tencent fyrsta kín­verska tækni­fyr­ir­tækið í hópi fimm verð­mæt­ustu fyr­ir­tækja í heimi eftir 127 pró­sent vöxt á þessu ári og fylgir net­versl­un­ar­ris­inn Ali­baba fast á eft­ir. Þá er Tencent eina af fimm verð­mæt­ustu fyr­ir­tækjum í heimi sem er skráð í Hong Kong-­kaup­höll­inni.



Starf­semi Tencent er marg­hliða en þróun fyr­ir­tæk­is­ins síð­ustu tvo ára­tugi frá stofnun þess er sam­ofin gríð­ar­lega hraðri efna­hags­þró­un, vaxtar milli­stéttar og snjall­síma­væð­ing­ar­innar í Kína.

Auglýsing



Úr eft­ir­hermun í frum­kvöðla­starf­semi



Lengi vel voru kín­versk tækni­fyr­ir­tæki í hugum margra Vest­ur­landa­búa ódýrar eft­ir­hermur fág­aðri keppi­nauta í Japan og Banda­ríkj­un­um. Í mörg ár hefur raunin hins vegar verið önn­ur; kín­versk fyr­ir­tæki eru fremst í flokki þegar kemur að þróun ofur­tölva, raf­rænna greiðslu-, sam­skipta og sam­göngu­for­rita, og gervi­greind. 



Gott dæmi um þessa þróun er vöxtur sam­skipta­for­rits­ins WeChat (eða Weixin) sem er í eigu TencentWeChat hefur tæpan millj­arð not­end­ur, að mestu leyti í Kína, og hefur tek­ist að vaxa á mun víð­feðm­ari hátt en sam­bæri­leg for­rit á borð við WhatsAppFace­book Messen­ger og iMessageWeChat er ekki bara spjall­for­rit sem leyfir not­endum að senda ókeypis skeyti, hringja ókeypis sím­töl og þar fram eftir göt­unum þó að grunn­ur­inn að vin­sældum þess byggi á því og for­vera WeChat, spjall­borðs­ins QQ, sem enn má finna á flestum heim­il­is­tölvum í Kína. 

WeChat sem er í eigu Tencent. WeChat hefur tæpan milljarð notendur, að mestu leyti í Kína.WeChat hefur tek­ist það sem flest sam­skipta­for­rit hafa átt erfitt með; að fá not­endur til að tengja greiðslu­kort sín við for­rit­ið. Kín­verskir neyt­endur not­ast meira við snjall­síma en tölvur þegar kemur að net­notkun og fer um helm­ingur vef­versl­unar fram í gegnum snjall­síma. Í gegn­um WeChat er hægt að borga fyrir vörur og þjón­ustu jafnt á net­inu sem í búð­um, borga reikn­inga, panta leigu­bíl, panta mat, panta tíma hjá lækni, kaupa utan­lands­ferð og sinna mannauðs­stjórnun svo eitt­hvað sé nefnt. Með öðrum orðum snertir for­ritið flesta fleti fólks í dag­legu lífi.



Tencent fær stóran hluta tekna sinna frá sölu tölvu­leikja - fyr­ir­tækið er stærsti tölvu­leikja­út­gef­andi í heimi ef miðað er við tekjur - en fjár­festar binda miklar vonir við að hægt sé að finna nýjar tekju­lindir í "vist­kerfi" fyr­ir­tæk­is­ins því margir armar þess væru van­nýttir eins og er. Sam­kvæmt fjár­fest­inga­bank­an­um Gold­man Sachs mun net­versl­un­ar­geir­inn í Kína tvö­fald­ast frá núver­andi stærð í 2020 og þá verða met­inn á um 1,7 trilljón­ir ­Banda­ríkja­dali.



Hnatt­væð­ing kín­versku tæknirisanna



Tencent og Ali­baba hafa keypt og fjár­fest í ara­grúa af fyr­ir­tækjum víðs vegar um heim til þess að efla sam­keppn­is­stöðu sína. Til að mynda keypti Tencent finnska tölvu­leikja­fyr­ir­tæk­ið Supercell á 8,6 millj­arða banda­ríkja­dali í fyrra, á meðan að Ali­baba hefur meðal ann­ars keypt stærsta net­versl­un­ar­fyr­ir­tæki Suð­aust­ur-Asíu, Lazada, á einn millj­arð banda­ríkja­dali.



Þá hef­ur Tencent breytt nálgun sinni í sam­keppni WeChat við Face­book og Apple. Fyrir örfáum árum var áhersla lögð á að kom­ast inn í vest­ræna mark­aði með öfl­ugri aug­lýs­inga­her­ferð með knatt­spyrnu­mann­inn Lionel Messi sem and­lit fyr­ir­tæk­is­ins. Það hefur ekki tek­ist nægi­lega vel til og hef­ur Tencent nú í auknum mæli ákveðið að fjár­festa í mörk­uðum þar sem ekk­ert eitt fyr­ir­tæki hefur enn haslað sér völl full­kom­lega, einna helst á Ind­land­i. Tencent hefur ásamt tævanska fyr­ir­tæk­inu Foxconn fjár­fest í ind­verska spjall­for­rit­inu Hike Messen­ger, og ásamt Microsoft og eBay í ind­verska net­versl­un­ar­fyr­ir­tæk­inu Flip­kart.



Sam­keppni tækni­fyr­ir­tækja í Banda­ríkj­unum og Kína virð­ist vera sterk­ari en nokkru sinni fyrr og eru góðar hug­myndir og útfærslur teknar upp og hermdar eftir af öllum aðil­um. Þó er aðdrag­andi núver­andi stöðu að ein­hverju leyti afleið­ing tak­markanna í aðgengi vest­rænna tækni­fyr­ir­tækja að kín­verska mark­aðnum í gegnum fjöl­mörg ár. Eftir því sem að vef­svæði á borð við GoogleYouTube og Face­book hafa lengi verið bönn­uð, eða þau ákveðið að hætta starf­semi sökum umfangs­mik­illar rit­skoð­unar í Kína, sam­hliða ríkrar áherslu rík­is­ins á upp­bygg­ingu kín­verska tækni­geirans, hafa kín­versk fyr­ir­tæki náð að festa sig í sessi eins og raun ber vitni.

Andlát og skilnaður valda titringi í Seattle-hagkerfinu
Ævintýraleg auðsöfnun stofnenda verðmætustu fyrirtækja heimsins, Microsoft og Amazon, hefur haft mikil áhrif á Seattle svæðið. Skyndilegt andlát Paul Allen og skilnaður Jeff Bezos, hafa valdið titringi í hagkerfi borgarinnar.
Kjarninn 18. janúar 2019
Furða sig á skýrslu um hvalveiðar við Ísland
Forsætisráðherra segir skýrslu um hvalveiðar við Ísland sérkennilegt útspil. Stjórn Hvalaskoðunarsamtaka Íslands gagnrýnir skýrsluna harðlega.
Kjarninn 18. janúar 2019
Meirihluti Íslendinga vill seinka klukkunni – Kjósendur Miðflokksins eru því andvígastir
Munur er á viðhorfi til klukkunnar eftir því hvaða stjórnmálaflokk fólk myndi kjósa. Kjósendur Viðreisnar eru hlynntastir því að klukkunni yrði seinkað en kjósendur Miðflokksins andvígastir.
Kjarninn 18. janúar 2019
Sólveig Anna Jónsdóttir, formaður Eflingar.
Efling hafnar tillögum SA um vinnutímabreytingu
Stjórn, trúnaðarráð og samninganefnd Eflingar hafna tillögum SA um að víkka út ramma dagvinnutíma, að taka út launaða kaffitíma og að lengja uppgjörtímabil yfirvinnu. Þau telja að framkvæmd þessara tillagna yrði mikil afturför fyrir kjör almennings.
Kjarninn 18. janúar 2019
Skuldabréfaeigendur WOW samþykkja breytingar á skilmálum
Stærsta fyrirstaðan fyrir því að Indigo Partners klári aðkomu sína að WOW air hefur verið rutt úr vegi. Skuldabréfaeigendur hafa samþykkt að breyta skilmálum.
Kjarninn 18. janúar 2019
Nýr gagnagrunnur um þróun lífskjara á Íslandi
Forsætisráðherra opnaði vefinn Tekjusagan.is í dag sem er nýr gagnagrunnur stjórnvalda. Gagnagrunnurinn gerir almenningi kleift að skoða með aðgengilegum hætti breytingar á lífskjörum einstakra hópa á 25 ára tímabili, frá árinu 1991 til 2017.
Kjarninn 18. janúar 2019
Hagar reka meðal annars Bónus.
Jóni Ásgeiri hafnað í stjórnarkjöri í Högum
Ný stjórn var kjörin í Högum í dag. Þeir fimm sem tilnefningarnefnd mælti með voru kjörin. Jón Ásgeir Jóhannesson sóttist eftir stjórnarsetu en náði ekki kjöri.
Kjarninn 18. janúar 2019
Tæknivarpið
Tæknivarpið
Tæknivarpið – Rafíþróttir á Íslandi og stórleikir í Höllinni
Kjarninn 18. janúar 2019
Meira eftir höfundinnOddur Stefánsson
Meira úr sama flokkiFréttaskýringar