Bif­reið var ekið inn í hóp gang­andi veg­far­enda í Fins­bury Park­-hverf­inu, við Seven Sisters Road, í norð­ur­hluta London skömmu eftir mið­nætt­i. 

Í til­kynn­ingu frá lög­regl­unni í London er atvikið sagt alvar­legt og að margir hafi slasast. Ekki er vitað á þess­ari stundu hvort ein­hver lét líf­ið, eða hvernig það komi til að bif­reið­inni var ekið á hóp fólks.

Sam­kvæmt umfjöllun BBC og The Independent eru lög­reglan og sjúkra­flutn­inga­menn að störfum á vett­vangi. Ekki hafa komið fram upp­lýs­ingar að um hryðju­verk hafi verið að ræða, en sam­kvæmt lýs­ingum fjöl­miðla og fólks á vett­vangi, í gegnum sam­fé­lags­miðla, þá eru aðstæð­urnar „skelfi­leg­ar“ á vett­vangi og fjöldi fólks alvar­lega slas­að­ur. Hópur múslíma var að koma frá bæna­stund úr mosku í nágrenn­inu þegar atvikið varð.

Einn hefur verið hand­tek­inn.

Upp­fært 9:17: Tveir eru mjög al­var­­lega særðir eft­ir árás­ina. Einn lést og tíu særð­ust þegar 48 ára gam­all maður ók send­i­bif­­reið inn í hóp fólks á gang­­stétt skammt frá mosku. Öll fórn­­­ar­lömb árás­­ar­inn­ar eru mús­lím­­ar. Um hryðju­verka­árás, sem beind­ist gegn múslim­um, er að ræða, að sögn lög­reglu­yf­ir­valda í London.