Bloomberg birti í dag grein þar sem frétta­stofan færði rök fyrir því að dóms­mála­ráðu­neyti Banda­ríkj­anna ætti að skoða fjár­mögnun FL Group vegna hugs­an­legra tengsla við Rúss­land. 

Í frétt­inni segir frá Felix Sater, fyrr­ver­andi rekstr­ar­stjóra fast­eigna­sam­stæð­unnar Bayrock Group og dæmdum fjár­glæfram­anni með teng­ingar við rúss­nesk glæpa­sam­tök. Þrátt fyrir það hafi Don­ald Trump, Banda­ríkja­for­seti haldið tengslum við Sater þar sem Bayrock og Trump hafi meðal ann­ars staðið að baki bygg­ingu Trump Soho hót­els­ins í Man­hatt­an. 

Einn stærsti bak­hjarl Bayrock var FL Group, fjár­fest­inga­fé­lag í eigu Jóns Ásgeirs Jóhann­es­son­ar, en Bloomberg segir Sater hafa nýtt sér þenslu­á­standið á Íslandi árið 2007 og sann­fært FL Group í að fjár­festa í Bayrock. 

FL Group er lýst sem hluti af hinum íslensku útrás­ar­vík­ing­um, sem sumir hverjir áttu að hafa veitt óábyrg lán, verið með við­skipta­tengsl milli hverja aðra og fram­leitt afvega­leið­andi fjár­hags­upp­lýs­ing­ar. Einnig eru ummæli Jóns Ásgeirs í við­tali við RetailWeek rifjuð upp þar sem hann lýsir sér frekar sem rokk­stjörnu heldur en við­skipta­manni. Félagið hafi síðan orðið gjald­þrota fyrst allra stórra fyr­ir­tækja á Íslandi í októ­ber 2008. 

Bloomberg spurði Ólaf Þór Hauks­son, fyrr­ver­andi sér­stakan sak­sókn­ara, og Evu Joly úti í meintar teng­ingar FL group við styrkjum frá rúss­neskum sjóð­um. Hvorug þeirra sögð­ust hafa orðið var við neitt slíkt, enda höfðu þau ekki ein­beitt sér að greiðslum og samn­ingum erlend­is. 

Hins vegar segir annar ónafn­greindur starfs­maður sem var tengdur rann­sóknum í kjöl­far banka­hruns­ins á Íslandi að rúss­neskur pen­ingur hafi lík­lega farið í gegnum bank­ana hér, en það sé umræðu­efni sem Íslend­ingar forð­is­t. 

Boris Ber­ezov­sky, einn stærstu auð­jöfra Rúss­lands, fannst teng­ingin milli Rúss­lands og Íslands aug­ljós. Árið 2009 sagði hann í við­tali við SkyTV að Ísland væri besta dæmi um hugs­an­legan stað þar sem Pútín Rúss­lands­for­seti og vinir hans stund­uðu pen­inga­þvætti. Ísland á að hafa verið hluti af kerfi sem var búið til af Pútín og öðrum hátt settum rúss­neskum emb­ætt­is­mönnum til að kaupa eignir utan Rúss­lands, að sögn Ber­ezov­sky. Hægt er að skoða við­talið í Youtu­be-­klippu hér að neð­an, talið berst að Íslandi eftir tvær mín­útur og 40 sek­únd­ur. 

Jody Kriss, inn­herji Bayrock, sagði Björgólf Þór Björg­ólfs­son einnig hafa viljað fjár­festa í Bayrock Group. Fyr­ir­tækið hafi hins vegar ákveðið að velja frekar FL Group vegna þess hve náið fyr­ir­tækið var Pútín. 

Í nið­ur­lagi frétt­ar­innar seg­ir: „Jafn­vel þótt Pútín hafi ekki haft neitt að gera með FL, þá var FL tengt Bayrock með 50 millj­óna dala fjár­fest­ingu. Og Bayrock var við­skipta­vinur núver­andi Banda­ríkja­for­seta. Í ljósi þess gæti verið snið­ugt fyrir dóms­mála­ráðu­neyti Banda­ríkj­anna að skoða hvaðan pen­ingar Bayrock og FL group komu.“