Google hefur verið sektað um 2,4 millj­arðar evra, um 278 millj­arða króna, af Evr­ópu­sam­band­inu fyrir að mis­nota mark­aðs­ráð­andi stöðu sína á leit­ar­vél­ar­mark­aði til að byggja upp net­sölu­starf­semi fyr­ir­tæk­is­ins. Frá þessu er greint á vef The Guar­dian. 

Rann­sókn máls­ins hefur staðið yfir í sjö ár. Sam­keppn­is­yf­ir­völd Evr­ópu­sam­bands­ins hafa gefið Google 90 daga til að hætta hinni ólög­mætu starf­semi. Geri fyr­ir­tækið það ekki muni dag­sektir upp á fimm pró­sent af dag­legri veltu Alp­habet, móð­ur­fé­lags Goog­le, leggj­ast á til við­bót­ar. 

The Guar­dian hefur eftir Margrethe Vest­a­ger, fram­kvæmda­stjóra sam­keppn­is­mála innan Evr­ópu­sam­bands­ins, að við upp­bygg­ingu á net­sölu­starf­semi sinni hafi Google ekki ein­ungis reynt að ná í við­skipta­vini með því að bjóða bestu vör­una. Google hafi einnig notað yfir­burði sína á leit­ar­vél­ar­mark­aðnum til að gera sínum net­sölu­lausnum hátt undir höfði og gera minna úr lausnum sam­keppn­is­að­ila. 

Google neitar sök í mál­in­u.