Björt Ólafs­dótt­ir, umhverf­is- og auð­linda­ráð­herra, und­ir­rit­aði í dag frið­lýs­ingu Jök­ulsár­lóns og umfangs­mik­illa svæða sem liggja að lón­inu. Um leið er svæðið fellt inn í Vatna­jök­uls­þjóð­garð.

Þetta kemur fram í til­kynn­ingu frá umhverf­is­ráðu­neyt­inu. Stað­fest­ingin á frið­lýs­ing­unni fór fram á bökkum Jök­ulsár­lóns í dag.

Nokkur styr hefur staðið um þessa frið­lýs­ingu enda tekur hún til jarð­ar­innar Fells í Suð­ur­sveit og nær­liggj­andi þjóð­lenda. Ríkið gekk frá kaupum á Felli í vet­ur. „Jörðin Fell nær yfir Jök­ulsár­lón að hluta og á landa­merki að þjóð­lendum vestan vegna lóns­ins og norð­austur af Felli. Með frið­lýs­ing­unni nú eru þessi svæði felld inn í Vatna­jök­uls­þjóð­garð, alls um 189 fer­kíló­metr­ar. Er Vatna­jök­uls­þjóð­garður þar með 14.141 fer­kíló­metrar að flat­ar­máli,“ segir í til­kynn­ingu umhverf­is­ráðu­neyt­is­ins.

Sér­staðan mik­il­væg

Ástæður þess að talið var nauð­syn­legt að frið­lýsa svæðið og fella inn í þjóð­garð­inn er sér­staða svæð­is­ins. „Það er mótað af fram­gangi og hopun jökla og ein­kenn­ist af sér­stæðum jök­ul­öld­um,“ segir enn fremur í til­kynn­ingu ráðu­neyt­is­ins. „Ein helsta nátt­úruperla svæð­is­ins er Jök­ulsár­lón sem er stærsta og þekktasta jað­ar­lón á land­in­u.“

Innan Vatna­jök­uls­þjóð­garðs­ins verður stjórnun og verndun svæð­is­ins betur sam­ræmd, m.a. hvað varðar umgengni og öryggi ferða­manna. Ráðu­neytið segir að framundan séu krefj­andi verk­efni við upp­bygg­ingu inn­viða og land­vörslu á svæð­inu.

Enn­fremur er frið­lýs­ingin liður í því að koma Vatna­jök­uls­þjóð­garði á nátt­úru­minja­skrá UNESCO.

Frið­lýsta svæðið er merkt rauðum ramma