Fram­kvæmda­stjórn Evr­ópu­sam­bands­ins hefur hótað kredit­korta­fyr­ir­tæk­inu Visa sektum fyrir mögu­leg brot á sam­keppn­is­lög­um. Þetta kemur fram í frétt Reuters.

Mögu­leg brot Visa snúa að sér­stökum færslu­gjöldum sem fyr­ir­tækið bætir við á öllum færslum á Evr­ópska efna­hags­svæð­inu hjá kredit­kortum sem gefin eru út utan Evr­ópu. Líta má á færslu­gjöldin sem eins konar ferða­manna­skatt, þar sem ferða­menn utan Evr­ópu borga hærra gjald fyrir allar færslur en Evr­ópu­bú­ar. 

Fram­kvæmda­stjórn Evr­ópu­sam­bands­ins hefur sent kredit­korta­fyr­ir­tæk­inu svo­kallað sekt­ar­blað (charge sheet) sem Visa þarf að svara innan tveggja mán­aða. 

Ger­ist Visa sek um að hafa brotið sam­keppn­is­lög gæti fyr­ir­tækið þurft að borga sektir sem nema allt að 10% veltu korta­fyr­ir­tæk­is­ins á alþjóða­vísu, eða um 820 millj­arða Banda­ríkja­dala ef miðað er við veltu fyr­ir­tæk­is­ins árið 2016.

Fram­kvæmda­stjórnin hefur áður gert athuga­semdir við færslu­gjöld Visa, en fyrir þremur árum ákvað kreditorta­fyr­ir­tækið að leggja niður færslu­gjöld milli banka í kjöl­far rann­sóknar Evr­ópu­sam­bands­ins.