Bjarni Bene­dikts­son gekk á fund for­seta Íslands í morgun og baðst lausnar fyrir sig og sitt ráðu­neyti. Guðni Th. Jóhann­es­son, for­seti Íslands, féllst á það og óskaði eftir því að rík­is­stjórnin myndi starfa í starfs­stjórn þar til ný rík­is­stjórn verði mynd­uð.

­Bjarni óskaði ekki eftir því að Guðni myndi stað­festa þing­rof. Alþingi starfar þess vegna áfram fram að kosn­ing­um. Ný rík­is­stjorn verður ekki mynduð fyrr en eftir kosn­ing­ar, sem Bjarni hefur lagt til að fari fram 4. nóv­em­ber næst­kom­andi. Bjarni von­ast til þess að geta samið um þá dag­setn­ingu við þing­flokka á Alþingi.

Spurður hvort honum sé stætt í rík­is­stjórn segir Bjarni að það sé venjan að ráð­herrar eru beðnir um að sitja áfram. Ráð­gjafa­ráð Við­reisnar hefur ályktað um að Við­reisn geti ekki starfað í rík­is­stjórn þar sem Bjarni og Sig­ríður And­er­sen gegna ráð­herra­emb­ætti. Bjarni seg­ist ekki sækja umboð sitt til ráð­gjafa­ráðs­ins.

„Menn verða að rísa undir þeirri skyldu að starfa áfram,“ segir Bjarni. Spurður um hvað þeir Guðni hafi rætt sagði Bjarni: „Við áttum bara mjög fínan fund, ræddum um stjórn­málin og þessa atburði sem hafa verið á und­an­förnum árum.“

Spurður hvort þetta mál hafi haft per­sónu­leg áhrif á Bjarna og fjöl­skyldu hans, þar sem faðir hans hefur verið til umfjöll­unar vegna þess að hann vott­aði með­mæli fyrir dæmdan barn­a­níð­ing. „Það getur ekk­ert mál komið upp á milli okkar feðganna, sem truflar okkar trúnað og traust,“ svar­aði Bjarni.

„Mín von­brigði eru ekki per­sónu­leg von­brigði. Ég er ekki í stjórn­málum til þess að upp­fylla per­sónu­legan metn­að. Mín von­brigði eru ein­fald­lega brosnar vonir fyrir það ráðu­neyti sem ég var að skila inn umboði fyrir nún­a.“

Þétt dag­skrá á Bessa­stöðum

Guðni Th. Jóhann­es­son, for­seti Íslands, tekur á móti öllum for­mönnum stjórn­mála­flokka sem eiga sæti á Alþingi í dag. Næstur for­mann­ana er Katrín Jak­obs­dóttir sem á tíma hjá for­seta klukkan 13 í dag.

• 11:00 – Bjarni Bene­dikts­son, for­maður Sjálf­stæð­is­flokks­ins
• 13:00 – Katrín Jak­obs­dótt­ir, for­maður Vinstri hreyf­ing­ar­innar græns fram­boðs
• 13:45 – Birgitta Jóns­dótt­ir, for­maður þing­flokks Pírata
• 14:30 – Sig­urður Ingi Jóhanns­son, for­maður Fram­sókn­ar­flokks­ins
• 15:15 – Bene­dikt Jóhann­es­son, for­maður Við­reisnar
• 16:00 – Ótt­arr Proppé, for­maður Bjartrar fram­tíðar
• 16:45 – Logi Már Ein­ars­son, for­maður Sam­fylk­ing­ar­innar