Konur í Sádí-­Ar­abíu munu fá leyfi til að taka bíl­próf og keyra bíl í júní á næsta ár. Um þetta var til­kynnt í land­inu í dag, en fram til þessa hafa konur ekki haft leyfi til að keyra bíl sam­kvæmt lögum lands­ins. Skipun um þessa breyt­ingu hefur þegar verið und­ir­rituð af Salman kon­ungi.

Í þessu kon­ungs­veldi búa konur við við­var­andi frels­is­skerð­ingar af ýmsu tagi, meðal ann­ars þegar kemur að ferða­mát­um, klæðn­aði og atvinnu­rétt­ind­um. Þessi ákvörðun nú þykir mik­ill sigur í rétt­inda­bar­áttu kvenna í land­inu, en staðan er þó enn óra­fjarri því sem þekk­ist á vest­ur­löndum eða í flest öllum ríkjum heims­ins. 

Sam­kvæmt umfjöllun The Guar­dian vöktu ummæli eins trú­ar­leið­tog­ans í land­inu, sem starfar sem klerk­ur, mikla athygli en hann hélt því fram að eggja­stokkar kvenna myndu skemm­ast ef konur myndu fara að keyra um göt­urnar í Sádí-­Ar­ab­íu. Þá lét hann þau orð falla einnig að það gæti skapað vanda fyrir karl­menn í umferð­inni ef konur færu allt í eingu að keyra bíla. 

Engin rök fylgdu með þessum orð­um, en þau féllu í grýttan jarð­veg hjá þeim sem berj­ast fyrir auknum rétt­indum kvenna í land­in­u. 

Í Sádí-­Ar­abíu ræður ríkjum vell­auðug kon­ungs­fjöl­skylda, sem nýtur góðs af olíu­auð­lindum lands­ins. Í land­inu búa tæp­lega 33 millj­ónir manna.