Margir af stærstu fjöl­miðlum heims­ins slá upp sigri Íslands á Tyrkjum í gær, 0-3, og segja að Ísland gæti orðið fámennsta landið í sög­unni til að tryggja lands­liði þátt­töku­rétt í úrslita­keppni HM. 

Ísland er í efsta sæti rið­ils­ins með 19 stig, tveimur stigum meira en Króa­tía, þegar aðeins ein umferð er eftir í riðla­keppn­inni. Ef Ísland vinnur Kósóvó, sem er í neðsta sæti rið­ils­ins með eitt stig og engan unn­inn leik til þessa, þá er far­seð­ill­inn á HM í Rúss­landi tryggð­ur. 

Fari svo að Íslandi tak­ist að sigra og tryggja þátt­töku­rétt­inn, þá verður Ísland fámenn­asta þjóðin til að tryggja sér þátt­töku­rétt í úrslita­keppni bæði EM og HM, en eins og kunn­ugt er þá komst Ísland alla leið í átta liða úrslit á EM í Frakk­landi í fyrra. 

Í umfjöllun Was­hington Post, Reuters, BBC, Skysports, og fleiri miðla, er sér­stak­lega ein­blínt á þá stað­reynd að Ísland sé smá­þjóð sem sé að ná eft­ir­tekt­ar­verðum árangri. 

Ísland var mun betri aðil­inn í leiknum gegn Tyrkj­um. Jóhann Berg Guð­munds­son skor­aði fyrsta mark­ið, Birkir Bjarna­son annað markið og Kári Árna­son það þriðja. Varn­ar­leik­ur­inn var ógn­ar­sterkur og sókn­ar­leik­ur­inn bein­skeytt­ur. Tyrki áttu aldrei mögu­leika gegn sterku liði Íslands.