Fjár­festir­inn Peter Thi­el, sem er meðal þekkt­ustu tækni­fjár­festa heims­ins, hefur fjár­fest fyrir mörg hund­ruð millj­ónir Banda­ríkja­dala í Bitcoin að und­an­förnu. Frá þessi greinir Wall Street Journal, en Thiel veðjar á að Bitcoin muni festa sig í sessi og hækka í verði eftir því sem tím­inn líð­ur.

Fjár­fest­ing­arnar hafa farið fram í gegnum sjóði fyr­ir­tæk­is­ins Found­ers Fund sem Thiel stýr­ir, og voru meðal stærstu fjár­fest­ing­ana um mitt síð­asta ár. Gríð­ar­leg hækkun á virði Bitcoin var meðal stærstu tíð­inda árs­ins 2017 á mörk­uð­um, en virðið stendur nú í rúm­lega 15 þús­und Banda­ríkja­döl­um, eða um 1,6 millj­ónum króna. 

Hækk­unin í dag var um 10 pró­sent en sveifl­urnar á virði Bitcoin hafa verið miklar og hrað­ar. Fjallað hefur verið ítar­lega um Bitcoin á vef Kjarn­ans að und­an­förnu.

Frá því í júní í fyrra, þegar Thiel er sagður hafa stór­aukið fjár­fest­ingar sín­ar, var virði Bitcoin um 1.200 Banda­ríkja­dal­ir, en það fór svo stig­vax­andi eftir því sem leið á árið. 

Thiel er einn þeirra sem hagn­að­ist veru­lega á fjár­fest­ingum í Face­book og var meðal fyrstu fjár­festa til að leggja félag­inu til umtals­vert fjár­magn. Hann er einnig meðal hlut­hafa Tesla og hefur stutt Elon Musk í hans frum­kvöðla­verk­efn­um. 

Hann er fimm­tugur að aldri og áhrifa­mik­ill í tækni­fjár­fest­ingum í Síli­kondaln­um. Þá er hann umdeild­ur, ekki síst vegna stuðn­ings við Don­ald Trump Banda­ríkja­for­seta, en hann hélt meðal ann­ars erindi á fundi Repúblik­ana í aðdrag­anda kosn­ing­ana í nóv­em­ber 2016 og hvatti til þess að Banda­ríkja­menn breyttu stjórn­mál­un­um.

Heild­ar­eignir Thiel voru metnar á 2,5 millj­arða Banda­ríkja­dala, eða sem nemur um 270 millj­örðum króna, í byrjun síð­asta ár, sam­kvæmt lista For­bes.