Stjórn banda­ríska fim­­leika­­sam­­bands­ins ætl­­ar að segja af sér í heild sinni, sam­tals 18 manns. Fimm höfðu þegar sagt af sér vegna máls­ins, að lokum var tekin sú ákvörðun að öll stjórnin myndi hætta.

Ástæðan er yfir­hylm­ing og þöggun innan sam­bands­ins vegna kyn­ferð­is­brota Larry Nass­ar, fyrr­ver­andi læknis fim­leika­lands­liðs­ins, en hann hefur nú verið dæmdur fyrir kyn­ferð­is­brot gegn tugum fim­leika­stúlkna. Hann var í vik­unni dæmdur í 40 til 175 ára fang­elsi. 

Ólymp­íu­nefnd Banda­ríkj­anna, USOC, hafði sett fim­leika­sam­band­inu afar­kosti um að annað hvort myndi stjórnin öll hætta, fyrir 31. jan­ú­ar, eða ólymp­íu­nefndin sjálf tæki málin í sínar hend­ur. 

Á meðal þeirra sem hafa tjáð sig um brot Nass­ar, og sem hann braut gegn, var stór­stjarnan Simone Biles, sem er fimm­faldur Ólymp­íu­meist­ari og þykir ein allra besta fim­leika­kona ver­ald­ar. Hún hefur tjáð sig mikið um rétt­ar­höldin og hrósað þeim sem hafa stigið fram og lýst brot­unum frammi fyrir dóm­ara, þar á meðal eru tugir fim­leika­kvenna frá Michig­an, þar sem Nassar starf­aði um tíma.