Ísland með í könnun PISA um fjármálalæsi

Um er að ræða valkvæðan hluta könnunarinnar fyrir 15 ára nemendur en tilgangurinn er að meta hæfni nemenda til að beita fjármálalegri þekkingu sinni og leikni í raunverulegum aðstæðum, þar með talið að taka fjármálalegar ákvarðanir.

klébergsskóli
Auglýsing

Ísland verður með fjár­mála­læs­is­hluta PISA könn­un­ar­innar árið 2021. Um er að ræða val­kvæðan hluta könn­un­ar­innar fyrir 15 ára nem­endur en til­gang­ur­inn er að meta hæfni nem­enda til að beita fjár­mála­legri þekk­ingu sinni og leikni í raun­veru­legum aðstæð­um, þar með talið að taka fjár­mála­legar ákvarð­an­ir.



Í til­kynn­ingu frá mennta- og menn­inga­mála­ráðu­neyt­inu er haft eftir Lilju Alfreðs­dóttur ráð­herra að fjár­mála­læsi sé grunn­færni sem sé mik­il­væg í sam­fé­lagi okk­ar. „Ljóst er að gott fjár­mála­læsi skilar sér í betri ákvarð­ana­töku ein­stak­linga í fjár­málum og stuðlar að fjár­mála­stöð­ug­leika. Ég tel brýnt að íslensk ung­menni taki þátt í fjár­mála­læsi í PISA-könn­unni og því hefur þessi ákvörðun verið tek­in,“ segir Lilja.



PISA er umfangs­mikil alþjóð­leg lang­tíma­rann­sókn á vegum OECD á hæfni og getu 15 ára nem­enda í lesskiln­ingi, læsi á nátt­úru­fræði og læsi á stærð­fræði. Auk þess­ara kjarna­greina geta löndin valið um að taka þátt í nokkrum við­bót­ar­könn­unum sem eru annað hvort í formi spurn­inga­lista eða prófs. Fjár­mála­læsi er eitt af þessum val­kvæðu sviðum og hefur verið í boði síðan árið 2012. 15-18 lönd hafa tekið þátt í þeim hluta PISA-könn­un­ar­inn­ar.

Auglýsing


PISA könn­unin sem nær til yfir 80 þjóða er eina alþjóð­lega sam­an­burð­ar­rann­sóknin á frammi­stöðu mennta­kerf­is­ins sem fram fer hér á landi. Könn­unin er lögð fyrir á þriggja ára fresti með mis­mun­andi áherslur hverju sinni.

Meira úr sama flokkiInnlent