Katrín ber fullt traust til Sigríðar

Katrín Jakobsdóttir forsætisráðherra segist bera fullt traust til allra ráðherra í ríkisstjórninni. Stjórnarandstaðan spurði hana út í stöðu Sigríðar Andersen dómsmálaráðherra og þá réttaróvissu sem skapast hafi í íslensku réttarkerfi vegna Landsréttar.

Helga Vala Katrín Jakobsdóttir Þórhildur Sunna
Auglýsing

Katrín Jak­obs­dóttir for­sæt­is­ráð­herra seg­ist bera fullt traust til allra ráð­herra í rík­is­stjórn­inni.

Stjórn­ar­and­staðan spurði for­sæt­is­ráð­herra ítrekað út í stöðu Sig­ríðar And­er­sen dóms­mála­ráð­herra og þá réttaró­vissu sem skap­ast hefur í íslensku rétt­ar­kerfi í kjöl­far ákvarð­ana Sig­ríðar í Lands­rétt­ar­mál­inu í óund­ir­búnum fyr­ir­spurnum á Alþingi í dag.

Helga Vala Helga­dóttir for­maður stjórn­skip­un­ar- og eft­ir­lits­nefndar og þing­maður Sam­fylk­ing­ar­innar spurði Katrínu Jak­obs­dóttur for­sæt­is­ráð­herra út í mál­ið. Hún sagði nú fimm mál til með­ferðar í dóms­kerf­inu vegna ákvarð­ana dóms­mála­ráð­herra; tvö fyrir hér­aðs­dómi, eitt í Hæsta­rétti og tvö fyrir Lands­rétti.

Auglýsing

Hún spurði ráð­herra hvort hún hefði engar áhyggjur af stöðu dóms­kerf­is­ins, áhyggjur af því að það sé laskað og verði áfram laskað nema gripið verði á ein­hvern hátt í taumana af hálfu for­sæt­is­ráð­herra. Helga spurði Katrínu einnig hvort dóms­mála­ráð­herra njóti trausts for­sæt­is­ráð­herra sem yfir­maður dóms­mála á Íslandi.

Katrín svar­aði því til að málin sem Helga Vala vís­aði til væru séu enn til umfjöll­unar fyrir dóm­stólum og að hún vildi ekki tjá sig um mál sem svo væri ástatt um. Hún sagð­ist bera almennt traust til dóm­stól­anna og taldi enga ástæðu til að grípa í taumana með neinum hætti hvað varði dóms­kerfið í land­inu.

„Hvað varðar traustið á dóms­mála­ráð­herra hæst­virtum þá ber ég fullt traust til allra ráð­herra,“ sagði Katrín.

Helga Vala sagði það athygl­is­vert að heyra að dóms­mála­ráð­herra njóti fulls trausts hjá for­sæt­is­ráð­herra, þegar hann hafi tví­vegis verið dæmdur í Hæsta­rétti fyrir emb­ætt­is­færslur sín­ar. „Sem fyrrum lög­maður hef ég veru­legar áhyggjur af þess­ari stöðu, skaða­bóta­skylda íslenska rík­is­ins getur orðið slík að ég held að for­sæt­is­ráð­herra ætti líka að hafa áhyggjur af þess­ari stöð­u.  

Þór­hildur Sunna Ævars­dóttir þing­maður Pírata lagði sitt lóð á vog­ar­skál­arnar og óskaði eftir við­brögðum for­sæt­is­ráð­herra, þar sem end­an­leg nið­ur­staða um hegðun dóms­mála­ráð­herra lægi fyr­ir, burt séð frá mála­rekstri sem nú er í gangi í dóms­kerf­inu. Hæsti­réttur hafi þannig upp­lýst þegar um öll helstu atriði. Dóms­mála­ráð­herra hafi þannig brotið gegn stjórn­sýslu­lögum og efa­semdir um hæfi Lands­rétt­ar­dóm­ar­anna muni plaga dóm­stól­inn næstu árin og spurði Katrínu hvernig hún hygð­ist bregð­ast við fyr­ir­séðri réttaró­vissu í dóms­kerf­inu næstu árin.

Katrín svar­aði því aftur að henni fynd­ist mik­il­vægt að dóms­valdið fái að ljúka máls­með­ferð sinni áður en fram­kvæmda­valdið færi að tjá sig um mál­ið.

Katrín Jak­obsdóttir lýsti yfir fullum stuðningi við dómsmálaráðherra þrátt fyrir að hún hafi tvívegis verið dæmd í Hæ...

Posted by Helga Vala Helga­dóttir on Monday, March 5, 2018


Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Sýknað og refsing milduð í Glitnismáli
Löng málsmeðferð leiddi til þess að refsing var skilorðsbundin. Tveir af fimm áfrýjuðu fyrri niðurstöðu til Landsréttar.
Kjarninn 6. desember 2019
Nú sé kominn tími til að bregðast við
Ný skýrsla Umhverfisstofnunar Evrópu er komin út.
Kjarninn 6. desember 2019
Bjarki Þór Grönfeldt
Rauði múrinn gliðnar
Kjarninn 6. desember 2019
Jón Atli Benediktsson
Jón Atli sækist eftir því að vera áfram rektor HÍ
Embætti rektors hefur verið auglýst laust til umsóknar fyrir tímabilið 1. júlí 2020 til 30. júní 2025.
Kjarninn 6. desember 2019
Þorsteinn Víglundsson, þingmaður Viðreisnar er fyrsti flutningsmaður frumvarpsins.
Jafnréttismiðuð fyrirtæki greiði lægra tryggingagjald
Þingmenn úr þremur flokkum hafa lagt til að fyrirtæki með jafnara kynjahlutfall í stjórnunarstöðum greiði lægra tryggingagjald. Markmiðið er að fjölga konum í stjórnunarstöðum og þar með draga úr óleiðréttum launamun kynjanna.
Kjarninn 6. desember 2019
Hafa aldrei lánað meira til húsnæðiskaupa en í október
Tvö met voru sett í útlánum lífeyrissjóða til sjóðsfélaga sinna í október 2019. Í fyrsta lagi lánuðu þeir 26 prósent meira en þeir höfðu gert í fyrri metmánuði og í öðru lági voru útlánin 45 prósent fleiri en nokkru sinni áður innan mánaðar.
Kjarninn 6. desember 2019
Pexels
Íslendingar kaupa sífellt meira á alþjóðlegum netverslunardögum
Gífurleg aukning hefur orðið í fjölda póstsendinga hjá Póstinum í kjölfar stóru alþjóðlegu netverslunardaganna á síðustu árum. Alls hefur fjöldi innlendra sendinga aukist um 140 prósent frá árinu 2015.
Kjarninn 6. desember 2019
Íbúðalánasjóður getur gjaldfellt lán eða breytt lánskjörum hjá þeim sem ætla að græða
Íbúðalánasjóður hefur gripið til aðgerða gagnvart félögum sem rekin eru með arðsemissjónarmiði en hafa tekið lán hjá sjóðnum sem ætluð eru fyrir óhagnaðardrifin leigufélög.
Kjarninn 6. desember 2019
Meira úr sama flokkiInnlent