Stjórnarandstaðan undirbýr vantrauststillögu á Sigríði

Stjórnarandstöðuflokkarnir ræða nú sín á milli um möguleika þess að leggja fram vantrauststillögu á Sigríði Á. Andersen dómsmálaráðherra, vegna framgöngu hennar í Landsréttarmálinu svokallaða. Þetta herma heimildir Kjarnans.

Sigríður Á. Andersen
Auglýsing

Stjórnarandstöðuflokkarnir ræða nú sín á milli um möguleika þess að leggja fram vantrauststillögu á Sigríði Á. Andersen dómsmálaráðherra, vegna framgöngu hennar í Landsréttarmálinu svokallaða. Þetta herma heimildir Kjarnans.

Allir stjórnarandstöðuflokkarnir eru nú að íhuga málið eftir fund þingflokksformanna stjórnarandstöðunnar í morgun. Formenn og þingflokksformenn stjórnarandstöðunnar munu funda um málið, líklega á morgun, og taka ákvörðun um hvort tillagan verður lögð fram síðar um daginn og þá tekin fyrir á fimmtudag. Eða hvort hún verður lögð fram á fimmtudag og þá ekki tekin fyrir fyrr en mánudaginn 19. mars, þar sem næsta vika er nefndavika. 

Ástæða þess að flokkarnir íhuga að bíða með að leggja tillöguna fram er sú að tveir þingmenn Vinstri grænna, þau Rósa Björk Brynjólfsdóttir og Andrés Ingi Jónsson, eru á leið úr landi á næstu dögum. Bæði tvö lýstu sig andvíg ríkisstjórnarsamstarfi Vinstri grænna með Sjálfstæðisflokki og Framsókn þegar stjórnin var mynduð í nóvember. Stjórnarandstöðuflokkarnir leggja ríka áherslu á að þau Rósa og Andrés séu bæði viðstödd atkvæðagreiðsluna um vantraust.

Auglýsing

Bréfs Umboðsmanns Alþingis var beðið sérstaklega en hann skilaði því til stjórnskipunar- og eftirlitsnefndar á föstudag. Greint var frá efni bréfsins í forsíðufrétt Fréttablaðsins í morgun og fór sú framsetning fyrir brjóstið á ýmsum í stjórnarandstöðunni, samkvæmt viðmælendum Kjarnans. 

Lestu um bréf umboðsmanns hér.

Þar kom fram að hann myndi ekki hefja frumkvæðisrannsókn á málinu í ljósi yfirstandandi umfjöllunar dómstóla og Alþingis um málið. Hann gerði hins vegar nokkrar veigamiklar athugasemdir við málsmeðferðina, meðal annars þá að hann teldi að sá tveggja vikna frestur, sem ráðherra hefur ítrekað borið við að hafi haft áhrif á möguleika hennar til að rannsaka málið, hafi ekki átt við í því tilfelli.

Að auki benti hann sérstaklega á skyldu sérfræðinga ráðuneytisins til að veita ráðherra ráðgjöf, til að tryggja að ákvarðanir hans séu lögum samkvæmt og að öll stjórnsýsla ráðherra og ráðuneytis sé í samræmi við ólögfesta réttmætisreglu stjórnsýsluréttar. Ráðherra hafi í þessu tilviki verið veitt sú ráðgjöf. Eins og kunnugt er vöruðu minnst þrír sérfræðingar ráðuneytisins Sigríði ítrekað við því að breytingar á lista Landsréttardómara og sá ófullnægjandi rökstuðningur sem þeim breytingum fylgdi gæti verið brot á stjórnsýslulögum, eins og síðar kom á daginn.

Kjarninn hefur greint ítarlega frá þeirri réttarfarslegu óvissu sem uppi er vegna skipana Sigríðar á fjórum dómurum við Landsrétt, sem voru ekki taldir meðal þeirra hæfustu að mati dómnefndar. Tveir þeirra sem urðu af dómarasæti vegna þessarar ákvörðunar hafa þegar fengið miskabætur vegna þess sem Hæstiréttur taldi brot Sigríðar á stjórnsýslulögum og hinir tveir hafa báðir höfðað mál og gætu átt kröfu á tugmilljóna skaðabótum takist þeim að sýna fram á tjón sitt.

Þá hefur Vilhjálmur H. Vilhjálmsson krafist þess fyrir Landsrétti að einn dómaranna, sem valdir voru án þess að teljast meðal þeirra hæfustu, víki sæti vegna vanhæfis á grundvelli þess með hvaða hætti staðið var að skipun dómarans. Því var hafnað af dómaranum sjálfum og hefur sú niðurstaða verið kærð til Hæstaréttar. Gert er ráð fyrir því að Hæstiréttur skili niðurstöðu sinni í málinu í þessari viku. Vilhjálmur hefur lagt fram sambærilegar kröfur í málum tveggja annarra Landsréttardómara, og eru þau nú í meðförum dómstólsins. Fari svo að dómaranum verði gert að víkja er ljóst að engum þessara fjögurra dómara er sætt áfram í sínu embætti og munu allar þeirra embættisfærslur vera í lausu lofti. Þá er ekki ólíklegt að jafnvel þótt Hæstiréttur telji dómarann ekki þurfa að víkja, að málinu verði skotið áfram til Mannréttindadómstóls Evrópu, sem gæti tekið nokkur ár að komast að niðurstöðu. Hvernig sem fer er ljóst að réttaróvissan verður umtalsverð.

Dómarinn sem um er rætt er Arnfríður Einarsdóttir, eiginkona Brynjars Níelssonar þingmanns Sjálfstæðisflokksins, sem steig úr oddvitasæti sjálfstæðismanna í Reykjavíkurkjördæmi suður, fyrir Sigríði Á. Andersen og samkvæmt kæru Vilhjálms til Hæstaréttar, varð þar með af möguleikanum á ráðherrasæti.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Þorsteinn Már Baldvinsson er forstjóri Samherja og sonur hans, Baldvin Þorsteinsson, er yfir Evrópuútgerð Samherja.
Norskur ráðherra segist ekki sjá ástæðu til að hjálpa Samherja að safna meiri kvóta
Norsk stjórnvöld hafa gripið formlega til aðgerða vegna tilraunar Samherja til að komast yfir aukin fiskveiðikvóta þar í landi. Reglur verða hertar og fjárfestingar erlendra aðila í sjávarútvegi þar í landi verða bundnar sérstakri heimild.
Kjarninn 9. maí 2021
Women Empowerment – bók eftir Eddu Falak
„Kynþokki er allavega og við ættum ekki að vera hræddar við að sýna hann“
Edda Falak safnar nú fyrir bók sem ber nafnið „Women Empowerment“ á Karolina Fund.
Kjarninn 9. maí 2021
Mótmælandi steytir hnefa í borginni Cali en þar hafa átök milli mótmælenda og lögreglu orðið hve hörðust í mótmælunum sem staðið hafa yfir frá því 28. apríl í Kólumbíu.
Mótmæla harðræði lögreglu í Kólumbíu
Mótmæli hafa staðið yfir í Kólumbíu í á aðra viku. Upphaflega voru það breytingar á sköttum sem fólk mótmælti en síðar varð það harðræði lögreglu sem dró fólk af stað. Félagasamtök segja að hátt á fjórða tug mótmælanda hafi látist vegna aðgerða lögreglu.
Kjarninn 9. maí 2021
Odd Emil Ingebrigtsen, sjávarútvegsráðherra Noregs.
Norski sjávarútvegsráðherrann segir að Samherji sé með „laskað mannorð“
Sjávarútvegsráðherra Noregs segist gruna að Samherji sé að reyna að komast í kringum reglur um eignarhald erlendra aðila á norskum fiskveiðikvóta og hefur gripið til aðgerða. Hann felur ekki neikvæðni sína í garð Samherja.
Kjarninn 9. maí 2021
Jón Gnarr
Af þrælmennum
Kjarninn 9. maí 2021
Borgarstjórar skyldaðir til handabanda
Umræður um handabönd hafa, og það ekki í fyrsta sinn, ratað inn í danska þingið. Þingmenn vilja skylda borgarstjóra landsins til að taka í höndina á nýjum ríkisborgurum, en handabandið er skilyrði ríkisborgararéttar.
Kjarninn 9. maí 2021
Ari
„Vægi loftslagsmálanna minnkar ekki þessa dagana“
Þingmaður VG segir að ef Íslendingar standi við það sem þeir hafa samþykkt af áætlunum um loftslagsmál og geri aðeins betur hafi þeir að minnsta kosti staðið við sinn skerf í málaflokknum.
Kjarninn 8. maí 2021
Brynjar Níelsson, þingmaður Sjálfstæðisflokksins.
Býður sig fram í 2. sæti – stefnir á að verða í framvarðasveit flokksins í Reykjavík
Brynjar Níelsson ætlar að bjóða fram krafta sína fyrir Sjálfstæðisflokkinn fyrir næstu kosningar en hann hefur verið á þingi síðan 2013.
Kjarninn 8. maí 2021
Meira úr sama flokkiInnlent