Konur gagnrýna dagskrá Lagadagsins – telja #metoo enn eiga erindi

Vegna umræðu í kringum #metoo-byltinguna í réttarvörslukerfinu komu nokkrar konur með tillögu að málstofu fyrir Lagadaginn 2018. Þegar dagskráin var kynnt bólaði ekkert á #metoo.

Metoo - Dómsalur
Auglýsing

Nokkur gagn­rýni hefur látið á sér kræla varð­andi dag­skrá Laga­dags­ins 2018 sem hald­inn verður þann 27. apríl næst­kom­andi á vegum Lög­manna­fé­lags Íslands, Lög­fræð­inga­fé­lags Íslands og Dóm­ara­fé­lags Íslands­. Laga­dag­ur­inn hefur verið hald­inn frá árinu 2008 og verið stærsti við­burður árs­ins meðal lög­fræð­inga með á bil­inu 400 til 500 þátt­tak­end­ur. Nú verður hann hald­inn í tíunda sinn.

Dagný Aradóttir Pind Mynd: Facebook-síða DagnýjarNokkrar konur höfðu sam­band við nefnd sem sér um skipu­lagn­ingu Laga­dags­ins og báðu um að sér­stök mál­stofa yrði við­höfð um #metoo-um­ræðu. Þegar dag­skráin var síðan kynnt bólaði ekk­ert á slíkri umræðu eða mál­stofu og sam­kvæmt heim­ildum Kjarn­ans þá voru svörin á þá leið að mál­efnið myndi ekki trekkja nægi­lega vel að og of langt væri síðan yfir­lýs­ing kvenna innan rétt­ar­vörslu­kerf­is­ins hefði verið til að eiga erindi á við­burð­inn. 

Dagný Ara­dóttir Pind er ein þeirra sem gagn­rýnt hefur dag­skrána. Hún segir að mál­efnið eigi fullt erindi og rætt hafi verið innan stétt­ar­innar síð­ustu mán­uði að mikil þörf væri á því að ræða #metoo enn frek­ar. „Við áttum okkur allar á því hvernig brans­inn er en hann er sögu­lega mjög karllæg­ur,“ segir hún.

Auglýsing

Yfir­lýs­ingin engu breytt

Dagný seg­ist vera ósam­mála þess­ari túlk­un. Hún segir að #metoo-um­ræður skipti enn máli, sér­stak­lega í ljósi þess að margar konur hafi ekki viljað skrifa undir yfir­lýs­ing­una á sínum tíma eða deila sögum vegna smæðar sam­fé­lags­ins. „Svona menn­ingu verður ekki umturn­að, einn, tveir og tíu,“ bætir hún við.

Hún segir að lög­fræð­ingar vilji iðu­lega stíga var­lega til jarðar og ræða hlut­ina út frá ýmsum hlið­um. Þess vegna væri Laga­dag­ur­inn til­val­inn vett­vangur enda mæti hund­ruð lög­fræð­inga á við­burð­inn. Dagný bendir jafn­framt á að #metoo sé enn í umræð­unni víðs vegar um heim­inn og enn sé full þörf á henni innan stétt­ar­inn­ar. „Fyrr eða síðar verður að taka þetta almenni­lega fyr­ir. Það er ekki hægt að hunsa þetta,“ segir hún. Hennar til­finn­ing er nefni­lega sú að yfir­lýs­ingin á sínum tíma hafi engu breytt og að #metoo-um­ræður séu áfram­hald­andi verk­efni í sam­fé­lag­inu öllu.

Skipu­leggj­endur til­búnir að hlusta á gagn­rýni

Eyrún Inga­dótt­ir, starfs­maður félags­deildar hjá Lög­manna­fé­lagi Íslands, segir að gríð­ar­lega mikið af til­lögum hafi borist fyrir Laga­dag­inn. Hún segir ástæð­una fyrir því að ekki hafi verið tekin sú ákvörðun að hafa #metoo-um­ræður á dag­skránni vera að þau hafi talið að umræð­unni væri lokið og að um gam­alt mál væri að ræða.

Hún tekur þó fram að skipu­leggj­endur séu til­búnir að hlusta á gagn­rýni, að þeir séu opnir fyrir breyt­ingum og segir hún að málið sé í athug­un. Hún seg­ist bjart­sýn á að breyt­ingar verði á dag­skrá vegna óánægj­unn­ar.

Eyrún segir að mál­efnið sé mjög þarft en að það reyn­ist hæg­ara sagt en gert að þjóna öllum og að koma öllum þeim til­lögum að sem ber­ast. „Á Laga­deg­inum er verið að fjalla um mjög lög­fræði­leg efni, svo því sé haldið til haga. Og það koma bæði karlar og konur að dag­skránn­i,“ segir hún.

Nú er unnið að því að bæta við einni mál­stofu, að sögn Eyrún­ar. Ef það gengur þá munu verða #metoo-um­ræður á Laga­deg­inum 2018.

CRIPSRi notað til að skoða erfðamengi baktería
Hvaða gen eru það sem bakteríur nýta sér til að verjast sýklalyfjum?
Kjarninn 19. janúar 2019
Viðar Freyr Guðmundsson
Máttlaus áhrif lækkunar hámarkshraða
Leslistinn 19. janúar 2019
Jóhann Bogason
Skömm sé Háskóla Íslands
Kjarninn 19. janúar 2019
Þolendur eiga ekki að þurfa að sitja undir Klausturmönnum
Helga Vala Helgadóttir, formaður stjórnskipunar- og eftirlitsnefndar, segir að Ágúst Ólafur Ágústsson muni ekki koma aftur til starfa í næstu viku. Hún veit ekkert um hvort Bergþór Ólason eða Gunnar Bragi Sveinsson ætli að gera það.
Kjarninn 19. janúar 2019
Koma svo!
Koma svo!
Koma svo - Fyrirgefðu en má ég vera til?
Kjarninn 19. janúar 2019
Tæknispá 2019
Þroskaðra sprotaumhverfi, Elon Musk í kringum tunglið, mannlegar hliðar tækni, hæpheiðar og -dalir og frú Sirrý á íslensku. Þetta er meðal þess sem fram kemur í árlegri tæknispá Hjálmars Gíslasonar.
Kjarninn 19. janúar 2019
Jón Baldvin: Ásakanir „hreinn uppspuni“ eða „skrumskæling á veruleikanum“
Jón Baldvin hefur verið sakaður um kynferðislega áreitni af fjölda kvenna að undanförnu.
Kjarninn 19. janúar 2019
Andlát og skilnaður valda titringi í Seattle-hagkerfinu
Ævintýraleg auðsöfnun stofnenda verðmætustu fyrirtækja heimsins, Microsoft og Amazon, hefur haft mikil áhrif á Seattle svæðið. Skyndilegt andlát Paul Allen og skilnaður Jeff Bezos, hafa valdið titringi í hagkerfi borgarinnar.
Kjarninn 18. janúar 2019
Meira úr sama flokkiInnlent