Konur í atvinnulífinu styðja styttingu vinnuvikunnar - heildarsamtök atvinnulífsins ekki

Samtök atvinnulífsins leggjast gegn frumvarpi Björns Levís Gunnarssonar Pírata um styttingu vinnuvikunnar. Samtök kvenna í atvinnulífinu eru hins vegar hlynnt breytingunni.

23-april-2014_13980550081_o.jpg
Auglýsing

Sam­tök atvinnu­lífs­ins leggj­ast gegn frum­varpi Björns Levís Gunn­ars­sonar Pírata um stytt­ingu vinnu­vik­unn­ar. Sam­tök kvenna í atvinnu­líf­inu eru hins vegar hlynnt breyt­ing­unni.

­Björn Leví, ásamt öðrum í þing­liði Pírata, hefur lagt fram frum­varp til laga um stytt­ingu vinnu­vik­unnar, úr 40 klukku­stundum í 35 klukku­stund­ir. Þannig verði að jafn­aði unnar 7 klukku­stundir á dag í dag­vinnu frá mánu­degi til föstu­dags, í stað 8 klukku­stunda. Frum­varpið hefur verið lagt fram nokkrum sinnum áður.

Vinnum mikið - fram­leiðum lítið

Í grein­ar­gerð með frum­varp­inu kemur fram að í OECD skýrslum sem mæli jafn­vægi á milli vinnu og frí­tíma sé Ísland í 33. sæti af 38 þjóð­um. Í tölum OECD um með­al­árs­fjölda vinnu­stunda er Ísland í 25. sæti árið 2016 með 1.883 vinnu­stundir á móti 1.363 vinnu­stundum í Þýska­landi þar sem vinnu­tím­inn mælist stystur og 1.410 í Dan­mörku sem er með næst­stystan vinnu­tíma.

Auglýsing

„Fram­leiðni á Íslandi er undir með­al­tali OECD-landa, þrátt fyrir langan vinnu­dag og mun verra vinnu- og einka­lífs­hlut­fall en þjóðir sem eru með meiri fram­leiðni en Íslend­ingar og þrátt fyrir að Ísland er ríkt af auð­lind­um. Í Frakk­landi, þar sem vinnu­vikan hefur verið 35 stundir síðan árið 2000, er fram­leiðni tals­vert hærri en á Ísland og er landið mun ofar í mati á jafn­vægi milli vinnu og frí­tíma. Dan­mörk, Spánn, Belgía, Hol­land og Nor­egur eru efst á þessum lista. Í þessum löndum er vinnu­tím­inn styttri en á Íslandi en fram­leiðnin meiri og greidd hærri laun nema á Spáni. Ekki er því hægt að útskýra meiri fram­leiðni né hærri laun með löngum vinnu­degi. Þvert á móti bendir margt til þess að styttri vinnu­dagur leiði til meiri fram­leiðni og auk­inna lífs­gæða,“ segir í grein­ar­gerð­inni.

Aukði jafn­vægi milli vinnu og einka­lífs

Í umsögn Félags kvenna í atvinnu­líf­inu segir að félagið styðji frum­varpið með þeim rök­semdum sem fram koma í grein­ar­gerð­inni. Brýnt sé að tryggja að vinnu­fram­lag verði hið sama þrátt fyrir styttan vinnu­tíma og ávinn­ing beggja, það er atvinnu­rek­enda og launa­þega. Félagið segir að einnig þurfi að end­ur­skil­greina vinnu­tíma dag­vinnu og yfir­vinnu á þann hátt að vinnu­fram­lag verði ekki ein­göngu bundið við á hvaða tímum dags eða á hvaða dögum vinnu­fram­lag sé innt af hendi. Félagið segir núgild­andi kerfi barn síns tíma og ekki vel til þess fallið að aðlaga íslenskan vinnu­markað að nýjum störfum fram­tíð­ar­inn­ar.

Þá segir FKA að æski­legt sé að atvinnu­rek­endum og laun­þegum verði gef­inn kostur á að semja sín á milli um styttri vinnu­tíma í kjara­samn­ings­við­ræðum eins og venju­bundið sé.

Félagið segir að lokum að draga verði fram í dags­ljósið jákvæð keðju­verk­andi áhrif sem fel­ast í styttri vinnu­viku, og þar megi til dæmis nefna styttri við­veru­tíma ungra barna á leik­skólum og aukið jafn­vægi á milli vinnu og einka­lífs.

Lögin til óþurftar og ætti að fella þau brott

Í umsögn Sam­taka atvinnu­lífs­ins er fyrri afstaða sam­tak­anna, frá því frum­varpið var lagt fram árið 2016, ítrek­uð. Sam­tökin lýsa full­kominni and­stöðu við frum­varp­ið. Segja þau vinnu­tíma samn­ings­at­riði í kjara­samn­ingum og óeðli­legt að Alþingi hafi afskipti af þessum mik­il­væga hluta þeirra. Lögin sjálf, um 40 stunda vinnu­viku, séu barn síns tíma og þjóni engum til­gangi. Í þeim felist hins vegar mik­ill ósveigj­an­leiki sem tak­marki svigrrúm samn­ings­að­ila til breyt­inga og skaði sam­keppn­is­hæfni íslensks atvinnu­lífs. „Lögin eru því til óþurftar og Alþingi ætti að fella þau brott.“

SA segir vinnu­tíma hér á landi hafa styst um 4 klukku­stundir á viku á und­an­förnum tveimur ára­tugum og um 12 til 14 klukku­stundir sé horft til und­an­geng­inna fjög­urra ára­tuga. Þessi mikla breyt­ing sé til marks um bætt lífs­kjör þar sem svig­rúm hafi skap­ast fyrir mun styttri vinnu­tíma en áður. Aukin fram­leiðni í atvinnu­líf­inu hafi knúið þessa þróun áfram. Því svig­rúmi sem fram­leiðni­aukn­ing hafi skapað til bættra lífs­kjara hafi verið skipt milli beinnar kaup­mátt­ar­aukn­ingar og styttri vinnu­tíma. „Rök­stuðn­ingur með frum­varp­inu er illa grund­aður í ljósi þeirra afdrifa­ríku afleið­inga sem sam­þykkt þess hefði og hin stutta grein­ar­gerð frum­varps­ins ein­kenn­ist af órök­studdum alhæf­ingum og mis­skiln­ing­i,“ segja sam­tök­in.

Þannig verði að miða við virkan vinnu­tíma á Íslandi, en ekki greiddan vinnu­tíma, sem feli í sér neyslu hlé og séu eigin tíma starf­manna. „Al­geng­asti umsam­inn virkur viku­legur vinnu­tími í kjara­samn­ingum er 37 stundir (40 greiddar stundir að frá­dregnum 2 klst. og 55 mín­útum í greidd neyslu­hlé). 37 stund­irnar eru meg­in­reglan hjá verka­fólki, iðn­að­ar­mönnum og opin­berum starfs­mönn­um. Hjá félags­mönnum versl­un­ar­manna­fé­laga sem stunda afgreiðslu­störf er virkur vinnu­tími 36,5 stundir og 36,25 stundir hjá skrif­stofu­mönn­um. Flestir vakta­vinnu­samn­ingar eru með ákvæði um styttri virkan vinnu­tíma en 37 stundir á viku, margir þeirra mun styttri.“

SA segja að ef frum­varpið yrði sam­þykkt á Alþingi myndi lög­boð­inn virkur vinnu­tímai stytt­ast úr 37 stundum í 32 og tíma­kaup, eða laun fyrir unna vinnu­stund, hækka í einu vet­fangi um 14 pró­sent. „Launa­kostn­aður atvinnu­lífs­ins myndi aukast mun meira því ólík­legt er að heild­ar­vinnu­tími myndi stytt­ast við lög­fest­ing­una. Greiddum yfir­vinnu­stundum myndi því fjölga álíka mikið og dag­vinnu­stund­unum fækk­aði. Ef það yrði raunin myndi launa­kostn­aður atvinnu­lífs­ins aukast um 26-28% í einu vet­fang­i,“ segja Sam­tök atvinnu­lífs­ins. Slíkt myndi hafa miklar og afdrifar afleið­ingar á gengi krón­unnar og verð­bólgu.

Ótíma­bært inn­grip

Alþýðu­sam­band Íslands segir skipu­lag vinnu­tíma flókið mál, sem bæði er átt við í lögum og kjara­samn­ing­um. ASÍ er þeirrar skoð­unar að breyt­ing á lögum um 40 stunda vinnu­viku, feli í sér ótíma­bært inn­grip í heild­ar­end­ur­skoðun aðila vinnu­mark­aðar um skipu­lag vinnu­tíma.

Við gerð kjara­samn­inga á almennum vinnu­mark­aði árið 2015 var gerð bókum um við­ræður um skipu­lag vinnu­tíma þar sem meðal ann­ars kom fram að aðilar stefni að breyt­ingum á skil­greindum vinnu­tíma og nálgist þannig skipu­lag sem algeng­ast er á Norð­ur­lönd­um. Meg­in­mark­mið breyt­ing­anna sé að stuðla að fjöl­skyldu­vænum vinnu­mark­aði með styttri heild­ar­vinnu­tíma, sem jafn­framt geti falið í sér hag­ræð­ingu og ein­földum launa­kerfa á öllum vinnu­mark­aðn­um. Fjallað verði um upp­töku „virks vinnu­tíma“ og end­ur­skoðun álags­tíma­bila og álags­greiðslna vegna vinnu utan dag­vinnu­tíma­bils. „Álags­greiðslur vegna vinnu utan skil­greinds dag­vinnu­tíma­bils eru hærri hér á landi en almennt ger­ist á Norð­ur­lönd­unum og hefur það m.a. þau áhrif að dag­vinnu­laun eru lægra hlut­fall heild­ar­launa. Meg­in­mark­mið breyt­inga verður að auka hlut dag­vinnu­launa í heild­ar­launum og hvetja til umræðu á vinnu­stöðum um bætt skipu­lag vinnu­tíma og aukna fram­leiðni,“ segir í bók­un­inni.

Bætt skipu­lag geti einnig stuðlað að styttri vinnu­tíma og þar með fjöl­skyldu­vænni vinnu­mark­aði. Vinnu­hópar voru skip­aðir af aðilum sam­komu­lags­ins til að vinna að und­ir­bún­ingi bryet­inga á vinnu­tíma­á­kvæðum kjara­samn­inga, sem ekki hafa lokið vinnu sinni.

For­eldrar leik­skóla­barna og umboðs­maður barna styðja frum­varpið

Sam­tök for­eldra leik­skóla­barna í Reykja­vík, styður stytt­ingu vinnu­vik­unn­ar. Í umsögn þeirra kemur fram að styttri vinnu­dagur myndi gagn­ast yngstu börn­unum mest, dag­vist­un­ar­tími þeirra myndi stytt­ast og sam­vera með for­eldrum aukast. Styttri vinnu­dagur gæti líka boðið upp á meiri sveigj­an­leika á vinnu­mark­aði og það gæti stytt dag­vist­un­ar­þörf barna enn meir. „Þetta er enn meira aðkallandi nú, á tímum mann­eklu í dag­vistun barna hjá dag­for­eldrum og leik­skól­um, en var fyrir tveimur árum. Ýmsar rann­sókn­ir, inn­lendar og erlend­ar, benda á að börn þurfa mikla teng­ingu við þau sem næst þeim standa, á unga aldri. Tengl­sa­myndun yrði því meiri milli for­eldra og barna sem fengju bæði meiri tíma saman og meiri gæða­tíma því þau væru ekki eins þreytt, í lok styttri vinnu­dags, og nú er. Til­rauna­verk­efni um stytt­ingu vinnu­tíma hafa gefið góða raun fyrir starfs­fólk leik­skóla hjá Reykja­vík­ur­borg. Dregið hefur úr veik­indum og starfs­ánægja auk­ist. Ánægt starfs­fólk leik­skóla hefur jákvæð áhrif á börn á leik­skól­um, með meiri stöð­ug­leika,“ segir í umsögn­inni.

Umboðs­maður barna tekur í sama streng í sinni umsögn og telur áherslur frum­varps­ins um stytt­ingu vinnu­tíma vera í sam­ræmi við rétt barna að fá að njóta sam­vista við for­eldra sína og umhyggju og umönn­unar þeirra. Að mati umboðs­manns barna er gríð­ar­lega mik­il­vægt að búa til sem flest tæki­færi til jákvæðra sam­vista for­eldra og barna sem stuðla að betri sam­skiptum og tengsl­um. „Á vinnu­mark­aði eru víða gerðar kröfur um mikil afköst og mikla við­veru starfs­manna og mörgum for­eldrum reyn­ist því erfitt að sam­ræma atvinnu- og fjöl­skyldu­líf með til­heyr­andi álagi og streitu. Langur vinnu­dagur for­eldra hefur jafn­framt í för með sér langa við­veru barna í leik- og grunn­skól­um, með til­heyr­andi álagi á börn­in, sem þá njóta jafn­framt færri gæða­stunda með for­eldrum sín­um.“ Umboðs­maður barna fagnar því frum­varp­inu og vonar að það verði sam­þykkt.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Eitt og annað ... einkum danskt
Eitt og annað ... einkum danskt
Hygge
Kjarninn 9. ágúst 2022
Rúmlega þriðjungur heimila á ekkert eftir í veskinu í lok mánaðar
Næstum átta af hverjum tíu í lægstra tekjuhópnum nær ekki að leggja neitt fyrir, gengur á sparnað eða safnar skuldum í yfirstandandi dýrtíð. Hjá efsta tekjuhópnum geta næstum níu af hverjum tíu enn lagt fyrir, sumir umtalsvert.
Kjarninn 9. ágúst 2022
Eilífðarefnin finnast í regnvatni alls staðar um heiminn. Uppruni þeirra er oftast á vesturlöndum en það eru fátækari íbúar heims sem þurfa að súpa seyðið af því.
Regnvatn nánast alls staðar á jarðríki óhæft til drykkjar
Okkur finnst mörgum rigningin góð en vegna athafna mannanna er ekki lengur öruggt að drekka regnvatn víðast hvar í veröldinni, samkvæmt nýrri rannsókn.
Kjarninn 8. ágúst 2022
Fleiri farþegar fóru um Flugstöð Leifs Eiríkssonar í júlí síðastliðinum en í sama mánuði árið 2019.
Flugið nær fyrri styrk
Júlí var metmánuður í farþegaflutningum hjá Play og Icelandair þokast nær þeim farþegatölum sem sáust fyrir kórónuveirufaraldur. Farþegafjöldi um Keflavíkurflugvöll var meiri í júlí síðastliðnum en í sama mánuði árið 2019.
Kjarninn 8. ágúst 2022
Verðfall á mörkuðum erlendis er lykilbreyta í þróun eignarsafns íslenskra lífeyrissjóða. Myndin tengist fréttinni ekki beint.
Eignir lífeyrissjóðanna lækkuðu um 361 milljarða á fyrri hluta ársins
Fallandi hlutabréfaverð, jafn innanlands sem erlendis, og styrking krónunnar eru lykilþættir í því að eignir íslensku lífeyrissjóðanna hafa lækkað umtalsvert það sem af er ári. Eignirnar hafa vaxið mikið á síðustu árum. Í fyrra jukust þær um 36 prósent.
Kjarninn 8. ágúst 2022
Uppþornað stöðuvatn í norðurhluta Ungverjalands.
Enn ein hitabylgjan og skuggalegur vatnsskortur vofir yfir
Það er ekki aðeins brennandi heitt heldur einnig gríðarlega þurrt með tilheyrandi hættu á gróðureldum víða í Evrópu. En það er þó vatnsskorturinn sem veldur mestum áhyggjum.
Kjarninn 8. ágúst 2022
Þrjár af hverjum fjórum krónum umfram skuldir bundnar í steypu
Lektor í fjármálum segir ekki ólíklegt að húsnæðisverð muni lækka hérlendis. Það hafi gerst eftir bankahrunið samhliða mikilli verðbólgu. Alls hefur hækkun á fasteignaverði aukið eigið fé heimila landsins um 3.450 milljarða króna frá 2010.
Kjarninn 8. ágúst 2022
Fylgistap ríkisstjórnarflokkanna minna en nær allra annarra stjórna eftir bankahrun
Einungis ein ríkisstjórn sem setið hefur frá 2009 hefur mælst með meira fylgi tíu mánuðum eftir að hún tók við völdum en hún fékk í kosningunum sem færði henni þau völd. Sú ríkisstjórn beið afhroð í kosningum rúmum þremur árum síðar.
Kjarninn 8. ágúst 2022
Meira úr sama flokkiInnlent