Höfum við ekki tíma til að sinna námi barnanna okkar?

Auglýsing

Íslenskir grunn­skóla­nem­endur koma lang­verst allra á Norð­ur­lönd­unum úr PISA-könn­un­inni svoköll­uðu. Brott­fall úr skóla er miklu meira hér en í nágranna­lönd­unum og feiki­legur munur er á getu nem­enda af erlendum upp­runa og þeirra sem fæð­ast hér­lendis þegar kemur að árangri í skóla. Þetta er meðal þess sem kom fram í skýrslu sem Nor­ræna ráð­herra­nefndin gaf út nýver­ið.

Þessar tölur eru slá­andi og staðan grafal­var­leg. Sér­stak­lega þegar við bæt­ist að yfir­vof­andi er alvar­legur kenn­ara­skort­ur. Hann var til umfjöll­unar í nýlegum þætti Kveiks, þar sem kom fram að kenn­ara­nemum hefur fækkað það mikið hér­lendis frá því að kenn­ara­nám var lengt í fimm ár að spár gera ráð fyrir að eftir tólf ár verði ekki hægt að fá mennt­aða kenn­ara í helm­ing stöðu­gilda í grunn­skólum Reykja­vík­ur. Þar var haft eftir for­seta kenn­ara­deilda Háskóla Íslands að skóla­kerfið gæti orðið óstarf­hæft á næstu tíu til 20 árum.

Aukin stétta­skipt­ing

Lilja Dögg Alfreðs­dóttir mennta­mála­ráð­herra hefur sagt að ofan­greindur kenn­ara­skortur sé ein stærsta áskor­unin sem hún standi frammi fyrir í emb­ætti og að von sé á aðgerðum strax í haust.

Auglýsing

En það er aug­ljós­lega bara einn angi vanda­máls­ins. Þrátt fyrir að Ísland reki dýr­ustu grunn­skóla í heimi þá er frammi­staða kerf­is­ins afleit, og tölu­vert undir með­al­tali OECD-­ríkj­anna. Það er því aug­ljóst að staðan verður ekki ein­ungis skýrð vegna þess að skortur sé á fjár­magni til mála­flokks­ins.

Davíð Þor­láks­son, for­stöðu­maður sam­keppn­is­sviðs Sam­taka atvinnu­lífs­ins, benti á það í útvarps­þætt­inum Sprengisandi um liðna helgi að þessi staða geti leitt af sér aukna stétta­skipt­ingu sem geri það að verkum að lífs­gæði stórra hópa verði lak­ari. Í ljósi þess að staðan er verri á lands­byggð­inni en á höf­uð­borg­ar­svæð­inu og allra verst hjá börnum af erlendum upp­runa virð­ast það vera mjög rétt­mæta áhyggj­ur.

Til við­bótar blasir við að lægra mennt­un­ar­stig leiðir til þess að sam­keppn­is­hæfni þjóð­ar­innar veður lak­ari. Það mun hafa bein áhrif á efna­hags­lega vel­sæld og fram­leiðni.

Mestu sam­fé­lags­breyt­ingar sög­unnar

Arnór Guð­munds­son, for­stjóri Mennta­stofn­un­ar, lét hafa eftir sér í fréttum RÚV að skól­arnir væru ekki einir ábyrgir fyrir þess­ari stöðu. Þjóð­fé­lagið allt og heim­ilin í land­inu beri líka ábyrgð.

Tvennt ber að horfa sér­stak­lega á því því sam­hengi. Í fyrsta lagi að nán­ast engin umræða er um það að erlendum rík­is­borg­urum sem setj­ast að á Íslandi hefur fjölgað meira á und­an­förnum árum en nokkru sinni fyrr. Á síð­asta ári einu saman fluttu 7.910 fleiri slíkir til lands­ins en frá því. Það var fjölgun um 25 pró­sent. Frá lokum árs­ins 2011 hefur fjöldi útlend­inga hér­lendis nán­ast tvö­faldast, án þess að gripið hafi verið til stór­felldra aðgerða til að auka aðlögun barna þeirra að skóla­kerf­inu. Spár gera ráð fyrir því að fjölg­unin haldi áfram á sama hraða. Háspá Hag­stof­unnar gerir til að mynda ráð fyrir því að rúm­lega 25 þús­und útlend­ingar bæt­ist við til loka árs 2021. Aug­ljóst er,miðað við nið­ur­stöður sem fram eru settar í skýrslu Nor­rænu ráð­herra­nefnd­ar­inn­ar, að sú aðlögun er gjör­sam­lega að mis­takast. Geta nem­enda af erlendum upp­runa er miklu lak­ari en hjá sam­bæri­legum hópum á hinum Norð­ur­lönd­un­um.

Ábyrgð heim­il­anna

Hitt atriðið snýr að ábyrgð heim­il­anna. Þröstur Freyr Gylfa­son, sér­fræð­ingur hjá fjár­mála- og efna­hags­ráðu­neyt­inu, benti á í stöðu­upp­færslu á Face­book um síð­ustu helgi að mögu­lega væri ástæð­una fyrir lökum náms­ár­angri íslenskra barna að finna í því að for­eldrar á hinum Norð­ur­lönd­unum hafi betra svig­rúm til að styðja við nám barna sinna. „Finnar vinna að með­al­tali 230 færri vinnu­stundir á ári, Svíar 262, Norð­menn 459 og Danir 473 færri vinnu­stundir á ári að með­al­tali heldur en Íslend­ing­ar,“ sagði Þröstur Freyr.

Í ljósi þess að stytt­ing vinnu­viku, eða minnkun yfir­vinnu, virð­ist ætla verða á odd­inum í kom­andi kjara­samn­ingum stórra stétta væri rétt að horfa til þessa. Ef for­eldrar hafa meiri tíma með börn­unum sínum þá aukast mögu­leikar þeirra til að styðja við þau í námi.

Og sam­fé­lagið allt hagn­ast um leið.

Blockchain mun breyta fjölmiðlum
Blockchain býður upp á mikla möguleika fyrir fjölmiðla, segir Matt Coolidge í viðtali við Frey Eyjólfsson.
Kjarninn 19. júní 2018
Aðalgeir Þorgrímsson
Hlaupandi forstjóri og 6.596 bankar
Kjarninn 19. júní 2018
Svandís Svavarsdóttir, heilbrigðisráðherra.
Velferðarráðuneytinu skipt upp í tvennt
Forsætisráðuneytið mun leggja fram þingsályktunartillögu í haust um skiptingu velferðarráðuneytisins í tvö ráðuneyti.
Kjarninn 19. júní 2018
Viðar Halldórsson
Ísland 1 – Argentína 0 – Tölfræðin sem við viljum alltaf vinna
Kjarninn 19. júní 2018
Marta Guðjónsdóttir, Vigdís Hauksdóttir og Sanna Magdalena Mörtudóttir á fyrsta fundi borgarstjórnar 19. júní 2018.
Friðurinn úti í borgarstjórn eftir innan við klukkustund
Borgarstjórnarfulltrúar minnihlutans kalla eftir óháðri rannsókn vegna trúnaðarbrests og leka í Ráðhúsinu í upphafi fyrsta fundar borgarstjórnar Reykjavíkur. Málið sé prófraun.
Kjarninn 19. júní 2018
Róhingjar á flótta.
Aldrei verið fleiri á flótta í heiminum
Tæpar 70 milljónir manna voru hrakin frá heimilum sínum og rúmar 25 milljónir þeirra teljast flóttamenn. Báðar tölur eru þær hæstu sem mælst hafa í mörg ár.
Kjarninn 19. júní 2018
Dagur B. Eggertsson.
Fyrsti borgarstjórnarfundurinn á nýju kjörtímabili í dag
Kosið verður í ráð og nefndir og tillögur flokkanna teknar fyrir á fyrsta fundi borgarstjórnar sem haldinn er í dag. Sósíalistaflokkurinn leggur fram sjö tillögur á fundinum.
Kjarninn 19. júní 2018
Elisabeth Moss í hlutverki Hjáfreð í Handmaid's Tale
Ágúst Ólafur líkir stefnu Trump við Handmaid's Tale
Þingmenn Samfylkingarinnar og Viðreisnar fordæma innflytjendastefnu Bandaríkjastjórnar sem leitt hefur til aðskilnaðar flóttamannabarna frá foreldrum sínum.
Kjarninn 19. júní 2018
Meira úr sama flokkiLeiðari