Stjórnir fimm líf­eyr­is­sjóða hafa lagt fram kæru til hér­aðs­sak­sókn­ara þar sem óskað er eftir það að emb­ættið taki til rann­sóknar nokkur alvar­leg til­vik sem grunur leikur á að feli í sér refsi­verð brot af hálfu Magn­úsar Ólafs Garð­ars­son­ar, fyrrum fram­kvæmda­stjóra og stjórn­ar­manns United Sil­icon hf., og eftir atvikum ann­arra stjórn­enda, stjórn­ar­manna og starfs­manna félags­ins. Áður hafði stjórn United Sil­icon og Arion banki, stærsti kröfu­hafi félags­ins, sent kærur vegna gruns um refsi­verða hátt­semi Magn­úsar til yfir­valda. Þetta er því þriðja kæran sem berst vegna gruns um brot hans.

­Sjóð­irnir sem um ræðir eru Frjálsi líf­eyr­is­sjóð­ur­inn, Festa, Eft­ir­launa­sjóður íslenskra atvinnu­flug­manna, Líf­eyr­is­sjóður starfs­manna Bún­að­ar­banka Íslands og Brú-líf­eyr­is­sjóð­ur.

Í til­kynn­ingu frá sjóð­unum seg­ir: „Kærendur telja að blekk­ingum hafi verið beitt og átt hafi verið við áætl­anir og upp­lýs­ingar í þeim til­gangi að fegra stöðu félags­ins og leyna þeim kerf­is­bundnu auðg­un­ar­brotum sem virð­ast hafa verið stunduð í skjóli félags­ins. Ítar­legar athug­anir á bók­haldi félags­ins bendi til þessa. Grunur sé um skjala­fals, fjár­svik í tengslum við kaup á bún­aði, inn­heimtu til­hæfu­lausra reikn­inga og mis­notkun á fjár­fest­ing­ar­leið Seðla­banka Íslands.  Þá telja kærendur að í ljósi þess sem nú er komið fram að rann­saka þurfi hvort fjár­munir félags­ins United Sil­icon hf. hafi mögu­lega verið nýtt­ir, með ólög­mætum hætti, til að fjár­magna aðkomu Magn­úsar Garð­ars­son­ar, eða aðila honum tengd­um, að verk­efn­in­u.“

Hægt er að lesa kæruna í heild sinni hér.

Kæran er lögð fram að feng­inni nið­ur­stöðu lög­fræði­á­lits Stef­áns Árna Auð­ólfs­son­ar, lög­manns hjá LMB Mandat, um stöðu sjóð­anna vegna fjár­fest­inga sem tap­ast við gjald­þrot United Sil­icon. sjóð­irnir ósk­uðu eftir lög­fræði­á­lit­inu til þess að fá úr því skorið til hvaða aðgerða sjóð­irnir gætu gripið til að verja hags­muni sjóð­fé­laga. „Með kærunni er leitað atbeina emb­ættis hér­aðs­sak­sókn­ara vegna hags­muna þess­ara aðila í tengslum við lög­reglu­rann­sókn á meintu mis­ferli í rekstri félags­ins United Sil­icon hf. Kæran fylgir í kjöl­far kæru félags­ins sjálfs og Arion banka á hendur fram­kvæmda­stjór­an­um. Sjóð­irnir telja að mögu­leg brot hans snúi að hluta til með öðrum hætti að hags­munum þeirra en félags­ins sjálfs og bank­ans.  Kærendur telja einnig að þeir hafi sjálf­stæða hags­muni af því að kæra hin grun­uðu brot.“

 

Í kærunni er bent á að for­svars­menn kís­il­verk­smiðj­unnar hafi sóst eftir veru­legu fjár­magni frá kærendum auk þess sem miklir almanna­hags­munir hafi verið tengdir upp­bygg­ing­unni í Helgu­vík. „Svo virð­ist sem fyrrum stjórn­ar­menn, sem flestir voru tengdir fyrr­ver­andi fram­kvæmda­stjóra, sem og nán­ustu sam­starfs­menn, hafi lítið sinnt athafna- og aðgæslu­skyldum sínum svo sem hvað varðar aðskilnað starfa og upp­á­skrift reikn­inga.“

Í kærunni segir að miðað við fram­komnar upp­lýs­ingar þá virð­ist sem stjórn United Sil­icon hafi „falið Magn­úsi Ólafi Garð­ars­syni nær ótak­markað umboð til að ráð­stafa fjár­munum og til að skuld­binda félag­ið. Því verður að fara fram á rann­sókn á þeim þætti máls­ins.“