Brugg­húsið BrewDog mun opna á Íslandi snemma í sumar á horni Frakka­stígs og Hverf­is­götu. BrewDog er skoskt hand­verks­brugg­hús sem bruggar og selur gæða­bjór. Þór­hallur Við­ars­son er fram­kvæmd­ar­stjóri BrewDog Reykja­vík og segir hann að það hafi staðið til í nokkurn tíma að fá BrewDog til Íslands.

„Það er nokkuð síðan að BrewDog gaf það út opin­ber­lega að þeir hefðu auga­stað á að opna bar á Ísland­i.“ segir Þór­hall­ur. Að komu BrewDog til Íslands standa Þór­hall­ur, Eyþór Mar Har­alds­son, mat­reiðslu­maður og Róbert Ólafs­son eig­andi For­rétta­bars­ins.

„Það voru nokkrir búnir að hafa þetta á teikni­borð­inu í nokkurn tíma, ég kem svo inn í ferlið í byrjun febr­ú­ar.” segir Þór­hall­ur. Ásamt þeim Þór­halli, Eyþóri og Róberti standa fjár­festar og bjórá­huga­menn að opn­un­inni.

BrewDog var stofnað árið 2007 í Skotlandi af James Watt og Martin Dickle. Þeir hafa farið nokkuð sér­staka leið við að byggja fyr­ir­tækið upp, en starf­semin bygg­ist á hóp­fjár­mögn­un. BrewDog hefur slegið heims­met í hóp­fjár­mögnun en nú eiga yfir 70 þús­und hlut­hafar í fyr­ir­tæk­inu. Fyr­ir­tækið hefur verið á lista Sunday Times yfir 100 ört vax­andi fyr­ir­tæki í heim­inum sex ár í röð, enda hefur fyr­ir­tækið vaxið á ógnar hraða síð­ustu ár. Þór­hallur segir að það séu undir tíu manns sem koma að fjár­mögnun stað­ar­ins hér á landi.

Mikil áhersla lögð á bjór og mat

Stað­ur­inn verður ekki aðeins bar heldur einnig veit­inga­hús. „Það er verður lögð mikil áhersla á bjór og mat, og pörun þar á milli.“ segir Þór­hall­ur. Þeir stefna á að vera með ívið stærri og flott­ari veit­inga­stað en tíðkast á börum BrewDog í öðrum lönd­um.

„Við setjum stefn­una hærra hvað varðar mat og úrval og verðum með bæði kjöt, fisk, græn­met­is­rétti og vegan­rétt­i.“ segir Þór­hall­ur.

Á BrewDog verða 20 bjórar á krana en stefnt verður að því að hafa 40 pró­sent af þeim krönum undir gesta­bjóra, eða bjóra sem ekki eru brugg­aðir af BrewDog. Þór­hallur segir að hluti af þeim verði fyrir íslenska bjóra en mikil gróska hefur verið í brugg­menn­ingu hér á landi síð­ast­liðin ár.

 „Við viljum setja fók­us­inn á öll þessi litlu brugg­hús sem eru ekki kom­inn á þann stað að hafa mikla dreif­ing­u.“ segir Þór­hall­ur. ­Mikil velta verður á bjórúr­val­inu segir Þór­hallur og þó fólk komi í hverri viku eigi að vera eitt­hvað nýtt í boði hverju sinni.

BrewDog á og rekur 46 bari víðs­vegar um heim­inn og á árinu 2017 brugg­uðu þau yfir 343 þús­und hektólítra af bjór. Fyr­ir­tækið bruggar bjór­inn ekki aðeins í Skotlandi þar sem höf­uð­stöðv­arnar eru í Ellon, heldur hófst fram­leiðsla í Ohio í Banda­ríkj­unum á árinu 2017. Þeir Watt og Dickle stefna á að opna einnig verk­smiðju í Ástr­alíu á næstu miss­er­um.