Yfir­kjör­stjórn Reykja­víkur sakar Sýslu­mann­inn á höf­uð­borg­ar­svæð­inu, Þórólf Hall­dórs­son, um mis­tök við með­ferð kæru sem barst vegna vænt­an­legra borg­ar­stjórn­ar­kosn­inga. Kemur þetta fram í bréfi yfir­kjör­stjórnar til sýslu­manns. 

RÚV greindi frá þessu í gær­kvöldi, og er bréfið birt á vef RÚV.

For­saga máls­ins er sú, að Dóra Björt Guð­jóns­dótt­ir, odd­viti Pírata í Reykja­vík, sendi in kæru til sýslu­manns 8. maí, þar sem fundið er að því að Frels­is­flokk­ur­inn hafi fengið lista­bók­stafnum Þ úthlut­að. Staf­ur­inn var áður lista­bók­stafur Pírata, en þeir skiptu yfir í P fyrir kosn­ing­arnar 2016.

Í umfjöllun RÚV segir að Dóra Björt hafi fundið að þessu, meðal ann­ars þar sem þetta gæti valdið rugl­ingi og leitt til þess að fólk myndi greiða röngum flokki atkvæði sitt. 

Þá segir enn fremur í umfjöllun RÚV að sýslu­maður hafi skipað nefnd þriggja lög­manna til að fjalla um kæruna, eins og kveðið er á um í lögum um kosn­ingar til sveit­ar­stjórna. Tveimur dögum síð­ar, 11. maí, óskaði nefndin eftir umsögn yfir­kjör­stjórn­ar­innar í Reykja­vík sem svar­aði með bréfi 16. maí.

Telur yfir­kjör­stjórn­in, að skipan nefnd­ar­innar hafi verið mis­tök og að ákvarð­anir kjör­stjórna séu ekki kær­an­leg­ar. Er vísað til dóma Hæsta­rétt­ar, og bent á að kæra þurfi fram­kvæmd kosn­inga, og þá til­tekna hluta þeirra, en ekki ein­staka ákvarð­anir kjör­stjórna.

Í bréf­inu segir meðal ann­ar­s: „­Með vísan til alls þess sem greinir að framan telur yfir­kjör­stjórn það yfir allan vafa hafið að sýslu­manni hafa orðið á mis­tök við með­ferð kærunnar frá önd­verð­u.“

Þá segir enn fremur að sýslu­maður hafi ekki gætt að skýrum ákvæðum laga og að honum beri að leið­rétta mis­tökin með því að aft­ur­kalla skipun nefnd­ar­innar og vísa kærunni frá.