Katrín Jak­obs­dótt­ir, for­sæt­is­ráð­herra og for­maður Vinstri grænna, seg­ist ekki vera sátt við árangur flokks­ins í sveit­ar­stjórn­ar­kosn­ingum í gær. „Ég vil byrja að segja að ég er ekki sátt við þennan árangur í Reykja­vík. Þegar ég gekk hérna út í gær vorum við með 7,5 pró­sent sem var nærri árangri okkar 2014 og 2010. Ég var ekk­ert ósátt við það að halda þeim árangri,“ segir hún. 

Þetta kom fram í Silfr­inu í morg­un. 

Vinstri græn fengu 4,58 pró­sent atkvæða í Reykja­vík og einn borg­ar­full­trúa en þau fengu 8,33 pró­sent fyrir fjórum árum. 

Katrín segir að sem stjórn­mála­maður þá velti hún reglu­lega fyrir sér stöðu sinni og telur hún ekki að sú staða sé sjálf­gef­in. „Ég er búin að fara víða um land fyrir þessar sveit­ar­stjórn­ar­kosn­ingar og mín nið­ur­staða er sú að ég er ekk­ert að fara að gef­ast upp,“ segir hún. 

Enn fremur telur hún að setja þurfi málin í sam­hengi þegar rætt er um hvort nið­ur­staða kosn­ing­anna sé refs­ing fyrir rík­is­stjórn­ar­sam­starf flokks­ins með Sjálf­stæð­is­flokknum og Fram­sókn­ar­flokkn­um. „Ég held að þetta sé flókn­ara en það. Ef við skoðun fylgi okkar á lands­vísu þá er það allt annað en það fylgi sem við erum að upp­skera í þessum sveit­ar­stjórn­ar­kosn­ing­um,“ segir hún.