Fyrsti borgarstjórnarfundurinn á nýju kjörtímabili í dag

Kosið verður í ráð og nefndir og tillögur flokkanna teknar fyrir á fyrsta fundi borgarstjórnar sem haldinn er í dag. Sósíalistaflokkurinn leggur fram sjö tillögur á fundinum.

Dagur B. Eggertsson.
Dagur B. Eggertsson.
Auglýsing

Fyrsti borg­ar­stjórn­ar­fundur á nýju kjör­tíma­bili er hald­inn í Ráð­hús­inu í dag en hann hófst kl. 14. Nýr meiri­hluti Sam­­fylk­ing­­ar, Við­reisn­­­ar, Pírata og Vinstri grænna var kynntur þann 12. júní síð­ast­lið­inn og sam­hliða var meiri­hluta­sátt­­mála þeirra fjög­­urra flokka sem hann mynda dreift.

Á fund­inum verður kosið í ráð og nefndir og til­lögur flokk­anna teknar fyr­ir­. Á dag­skrá fund­ar­ins er Sós­í­alista­flokk­ur­inn með sjö til­lög­ur, Mið­flokk­ur­inn eina, Flokkur fólks­ins eina og Sjálf­stæð­is­flokk­ur­inn eina. ­Jafn­framt verða siða­reglur kjör­inna full­trúa hjá Reykja­vík­ur­borg lagðar fram á fund­inum og und­ir­rit­að­ar.

Hægt er að fylgj­ast með fund­inum í beinni útsend­inu á vef Reykja­vík­ur­borg­ar. 

Sós­í­alista­flokk­ur­inn með sjö til­lögur

Fjallað hefur verið um til­lögur Sós­í­alista­flokks­ins í fjöl­miðlum und­an­farna daga en meðal þeirra er til­laga um afnám þókn­unar fyrir nefnd­ar­setu starfs­manna borg­ar­innar fyrir fundi á vinnu­tíma.

„Það hefur eitt­hvað farið alvar­lega aflaga í stjórn­málum þegar borg­ar­stjóri Reykja­víkur og bæj­ar­stjórar nágranna­sveit­ar­fé­lag­ana eru farnir að taka sér hærri laun en borg­ar­stjórar New York, London og Par­ís,“ sagði Sanna Magda­lena Mörtu­dóttir í til­kynn­ingu frá flokknum sem send var út þann 17. júní síð­ast­lið­inn. „Við ættum að horfast í augu við að þessi laun afhjúpa spill­ingu stjórn­málafor­yst­unnar og við ættum að gera eitt­hvað í því. Fyrsta skrefið ætti að vera að banna þessu fólki að taka þókn­anir fyrir fundi sem það situr í vinnu­tíma sinnar aðal­vinnu og sem eru því aug­ljós­lega hluti af þeim starfs­skyldum sem það fær greitt fyrir af föstu laun­um.“

Auglýsing

Í til­kynn­ing­unni segir jafn­framt að sveit­ar­stjórar á höf­uð­borg­ar­svæð­inu hafi setið fimm fundi stjórnar Slökkvi­liðs höf­uð­borg­ar­svæð­is­ins í fyrra og þegið fyrir það tæpar 11 millj­ónir króna. „Dagur B. Egg­erts­son borg­ar­stjóri er for­maður stjórn­ar­innar og fékk rúmar 205 þús­und krónur á mán­uði að launum eða tæp­lega 2,5 millj­ónir króna yfir árið. Deilt niður á fundi gera það rúm­lega 492 þús­und krónur fyrir hvern fund. Sam­kvæmt fund­ar­gerðum stóðu fund­irnir í einn til tvo tíma. Tíma­kaup Dags er því nærri 330 þús­und krónum að með­al­tali,“ segir í til­kynn­ing­unni.

Sanna Magdalena Mörtudóttir Mynd: Bára Huld BeckEnn fremur leggur Sanna fram til­lögu að Reykja­vík­ur­borg eyði verð­hækk­un­ar­á­hrifum bygg­ing­ar­rétt­ar­gjalds á félags­legar íbúðir og íbúðir sem byggðar eru af óhagn­að­ar­drifnum leigu­fé­lög­um. Hingað til hafi verið lagt 45 þús­und króna bygg­ing­ar­rétt­ar­gjald á hvern fer­metra þess­ara íbúða og komi það að stóru leyti á móti því 12 pró­sent stofn­fram­lagi sem borgin leggur til bygg­ing­ar­sam­vinnu­fé­laga. „Því má segja að borgin leggi lítið sem ekk­ert til upp­bygg­ingar íbúða sem ætl­aðar eru fólki sem getur ekki keypt eða leigt á hinum óhefta mark­að­i,“ segir Sanna. „Það sem borgin leggur til fer að mestu í að borga gjöld til borg­ar­inn­ar, til dæmis lóða- og bygg­ing­ar­rétt­ar­gjöld.“

Sanna telur að flatt 45 þús­und króna bygg­ing­ar­rétt­ar­gjald sé órétt­lát skatt­heimta. Af verði 70 fer­metra íbúð­ar, sem kostar 25 milljón króna, sé bygg­ing­ar­rétt­ar­gjaldið rúm­lega 3,1 milljón króna eða 12,6 pró­sent af verð­inu. Gjaldið vegi miklum mun minna í verði lúxus­í­búða. Svo dæmi sé tekið séu nýkomnar í sölu dýrar lúxus­í­búðir við Tryggva­götu. Það kosti 166 fer­metra íbúð 143 millj­ónir króna. Af því sé bygg­ing­ar­rétt­ar­gjaldið tæpar 7,5 millj­ónir króna eða rúm­lega 5 pró­sent af verð­inu.

Aðrar til­lögur borg­ar­full­trúa Sós­í­alista­flokks­ins fjalla um stofnun félags strætófar­þega, um stofnun félags skjól­stæð­inga vel­ferð­ar­sviðs, um stofnun félags leigj­enda hjá Félags­bú­stöð­um, um könnun á umfangi útvist­unar og áhrifum hennar á kjör launa­fólks og um breyt­ingar á sam­þykkt um stjórn Reykja­vík­ur­borgar og fund­ar­sköp borg­ar­stjórn­ar.

Flokkur fólks­ins leggur fram til­lögu um rekstr­ar­út­tekt á Félags­bú­stöð­um, Mið­flokk­ur­inn til­lögu um nið­ur­fell­ingu bygg­ing­ar­rétt­ar­gjalds og Sjálf­stæð­is­flokk­ur­inn um aðgerðir í hús­næð­is­mál­um.

Þór­dís Lóa for­maður borg­ar­ráðs

Fram hefur komið í fréttum að Dagur B. Egg­erts­­son odd­viti Sam­­fylk­ingar muni halda áfram sem borg­­ar­­stjóri Reykja­vík­­­ur. Þór­­dís Lóa Þór­halls­dóttir odd­viti Við­reisnar verður for­­maður borg­­ar­ráðs og Pawel Bar­toszek annar maður á lista Við­reisnar verður for­­seti borg­­ar­­stjórnar í 3 ár en Dóra Björt Guð­jóns­dóttir odd­viti Pírata mun gegna því hlut­verki í eitt ár. Hún verður einnig for­­maður í sam­ein­uðu mann­rétt­inda- og lýð­ræð­is­ráði. Líf Magneu­dóttir odd­viti vinstri grænna verður vara­­for­­maður borg­­ar­ráðs og for­­maður nýs ráðs umhverf­is- og heil­brigð­is­­mála. Sig­­ur­­borg Ósk Har­alds­dóttir annar full­­trúi Pírata verður for­­maður sam­­göngu- og skipu­lags­ráðs.

Skúli Helga­­son hjá Sam­­fylk­ingu verður áfram for­­maður skóla- og frí­­stunda­ráðs og Heiða Björg Hilm­­is­dóttir einnig hjá Sam­­fylk­ingu verður for­­maður vel­­ferð­­ar­ráðs. Þá verður Pawel for­­maður menn­ing­­ar- og íþrótta­ráðs fyrsta árið en Hjálmar Sveins­­son tekur svo við.



Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Úlfar Þormóðsson
Uppvakningar
Kjarninn 25. júní 2022
Ingrid Kuhlman
Að hlakka til einhvers er næstum jafn gott og að upplifa það
Kjarninn 25. júní 2022
Niðurhal Íslendinga stóreykst milli ára
Íslendingar notuðu 25 prósent meira gagnamagn á farsímaneti í fyrra en árið áður og 21 prósent meira gagnamagn í gegnum fastanet. Tæplega 76 prósent notenda á fastaneti eru nú með ljósleiðaratengingu, en þeir voru þriðjungur 2016.
Kjarninn 25. júní 2022
Af kosningavöku Framsóknarflokksins í fyrrahaust.
Framsókn hirti kjósendur í stórum stíl frá hinum stjórnarflokkunum og Miðflokki
Fylgisaukning Framsóknar í síðustu kosningum var tekin frá samstarfsflokkunum í ríkisstjórn og klofningsflokki. Átta hverjum tíu kjósendum Sjálfstæðisflokks voru úr kjarnafylginu. Framboð Sósíalista hafði neikvæð áhrif á fylgi Vinstri græna og Pírata.
Kjarninn 25. júní 2022
Hraðtíska nær nýjum hæðum með tilkomu tískurisans Shein
Kínverska fatafyrirtækið Shein hefur vaxið gríðarlega á undanförnum árum og er í dag eitt stærsta tískuvörufyrirtæki í heimi. Umhverfissinnar benda á að fötin séu úr svo litlum gæðum að oft séu þau aðeins notuð í eitt skipti áður en þau enda í ruslinu.
Kjarninn 25. júní 2022
Auður Önnu Magnúsdóttir
Af hverju nýta Íslendingar raforkuna sína svo illa?
Kjarninn 25. júní 2022
Sjö molar um seðlabankavexti úti í heimi
Verðbólga veldur því að vaxtalækkanir faraldursins eru að ganga til baka, víðar en hér á Íslandi. Kjarninn tók saman nokkra fróðleiksmola um þróun mála í ríkjum bæði nær og fjær.
Kjarninn 25. júní 2022
Flokkur Sigurðar Inga Jóhannssonar andar ofan í hálsmál flokks Bjarna Benediktssonar samkvæmt síðustu könnunum.
Framsókn mælist næstum jafn stór og Sjálfstæðisflokkurinn
Stjórnarflokkarnir hafa tapað umtalsverðu fylgi á kjörtímabilinu. Sjálfstæðisflokkurinn nær mun verr til fólks undir fertugu en annarra á meðan að Framsókn nýtur mikilla vinsælda þar. Vinstri græn mælast með þriðjungi minna fylgi en í síðustu kosningum.
Kjarninn 24. júní 2022
Meira úr sama flokkiInnlent