Fylgj­endur Rúriks Gísla­sonar lands­liðs­manns á Instagram eru komnir yfir hálfa millj­ón. Áhugi á leik­mann­inum er eig­in­lega ótrú­legur en áður en hann kom inn á sem vara­maður fyrir Jóhann Berg Guð­munds­son var fylgj­enda­fjöldi hans á sam­skipta­miðl­inum um 30 þús­und. Mest megnis er um kven­kyns aðdá­endur að ræða sem hafa tekið eftir Rúrik í leikn­um.

­Sig­urður Svans­son, sér­fræð­ingur í sam­fé­lags­miðlum og einn eig­anda Sahara, seg­ist ekki sjá neitt sem bendir til þess að þessi ótrú­lega aukn­ing sé byggð á öðru heldur en úti­liti Rúriks. Rúrik er nátt­úru­lega fjall­mynd­ar­leg­ur. En hann hefur alveg verið að birta efni á Instagram áður en það hefur ekki farið á flug þar til nú sem er alveg frekar magnað þar sem hann er búinn að vera svo­lít­inn tíma í lands­lið­inu. Hann er kannski að skora hærra hjá konum í Suð­ur­-Am­er­ík­u.“

Sig­urður segir ýmis tæki­færi fólgin í þessum mikla fjölda nýrra fylgj­enda fyrir Rúrik. „Maður flokkar þetta í nokkra flokka. Það getur verið ótrú­lega stórt tæki­færi fyrir hann að nýta sér þennan með­byr til að landa stærri styrkt­ar­samn­ingn­um. Það þekkjum við í gegnum áhrifa­valda mak­raðs­setn­ingu. Áður fyrr þurfti að vera ótrú­lega góður í fót­bolta og þannig fengu menn stærstu samn­ing­ana. En núna er alveg tæki­færi fyrir „minna þekkta“ leik­menn að fá aug­lýs­inga­sam­inga ef að þeir eru að sinna sam­fé­lags­miðl­unum sínum vel og eru með gott fylg­i.“

Sig­urður segir miðl­ana einnig tæki­færi fyrir fólk til að reyna að stjórna umræð­unni í kringum sig sjálft. „Fjöl­miðlar eru kannski að fylgj­ast með sam­fé­lags­miðlum hjá þessum stjörnum og pikka upp fréttir það­an, þannig að þetta getur verið tól til að stjórna umræð­unni lík­a.“

Sítt hár gerir góða hluti

Sig­urður hefur fylgst grannt með þróun mála hjá strák­unum okkar frá því á leiknum á laug­ar­dag­inn. „Þetta sprakk 17 .júní, þá var Rúrik með 318 þús­und fylgj­end­ur, frá því þá er þetta hækku um eitt­hvað í kringum 55 pró­sent. Þar á eftir kemur Birkir [Bjarna­son] með í kringum 14-15 pró­senta aukn­ingu. Ég rek það til að síða hárið á þeim er að gera góða lukku á HM, ætli það verði ekki trend hjá litlum íslenskum fót­bolta­strákum eftir mót­ið.“

Sig­urður segir alla lands­liðs­menn­ina vera að auka jafnt og þétt við sig fylgj­enda­fjölda hut­falls­lega. „En það á eng­inn breik í Rúrik. Gylfi Sig er til dæmis lang þekkt­asti fót­bolta­maður Íslend­inga með í kringum 182-4 þús­und fylgj­end­ur. Hann er ekki búinn að taka sama stökk­ið.“

Sig­urður von­ast til að Rúrik sé ekki endi­lega of með­vit­aður um þessa rosa­legu þróun á sam­fé­lags­miðl­unum hans núna. „Ég veit ekki hversu mikið aðgengi hann hefur að sím­anum sínum þarna úti, ég vona að hann hafi ekki of mik­ið. En ég vona að hann nýti tæki­færið síð­ar. Þetta gæti verið ótrú­legt tæki­færi fyrir hann til að hoppa út á annan markað miðað við hvað það er mik­ill áhugi í kringum hann.“

En hvar endar þetta? Sig­urður segir frá að hann hafi heyrt af því að breskir veð­bankar séu búnir að opna fyrir veð­mál um að Rúrik kom­ist yfir milljón fylgj­endur á meðan HM er í gangi. „Ef það er þannig þá er það alveg gar­anterað miðað við þessa þróun að hann mun ná því.“