Elon Musk mun segja af sér sem for­stjóri Twitt­er. Musk, einn rík­asti maður í heimi, setti óvænt könnun í gang á sam­fé­lags­miðl­inum í gær þar sem hann spurði hvort hann ætti að halda áfram að stýra Twitt­er. Þar sagð­ist hann enn­fremur ætla að una nið­ur­stöðu könn­un­ar­inn­ar. 

Nið­ur­stöð­urnar voru afger­andi. Af þeim 17,5 millj­ónum sem greiddu atkvæði sögðu 57,5 pró­sent að Musk ætti að hætta sem for­stjóri en 42,5 pró­sent að hann ætti að halda áfram.

Standi Musk við fyrri yfir­lýs­ingar má því búast við að hann hætti sem for­stjóri í nán­ustu fram­tíð. Musk hafði reyndar sagt í síð­asta mán­uði að hann ætl­aði sér, með tíð og tíma, að fá ein­hvern annan til að reka fyr­ir­tæk­ið. Fyrst vildi hann þó koma Twitter í „sterka stöð­u“. 

„Fugl­inn er frjáls“

Musk greiddi 44 millj­­­arða Banda­­­ríkja­dala fyrir Twitt­er, sem hann eign­að­ist og afskráði af mark­aði í lok októ­ber síð­ast­lið­ins. Kaupin gengu ekki snurð­u­­­laust fyrri sig. Musk keypti fyrst hluta­bréf í Twitter í upp­­­­hafi árs og í byrjun apríl var hlutur hans í fyr­ir­tæk­inu kom­inn yfir níu pró­­­­sent og var hann þar með orð­inn meðal stærstu hlut­hafa í Twitter og bauðst að taka sæti í stjórn fyr­ir­tæk­is­ins. Hann afþakk­aði boðið og sagði ljóst að sam­­­­fé­lags­mið­ill­inn gæti hvorki dafnað né þjónað til­­­­­­­gangi sínum í núver­andi formi.

Í kjöl­farið gerði hann yfir­­­­­­­tökutil­­­­boð upp á 44 millj­­­­arða Banda­­­­ríkja­dala sem stjórn Twitter hafn­aði í fyrstu en ákvað svo að ganga að. Yfir­­­­takan komst þó í nokkuð upp­­­­­­­nám í maí, áður en hlut­hafar höfðu tekið afstöðu til til­­­­­­­boðs­ins, þegar Musk sak­aði Twitter um að standa í vegi fyrir því að hann fengi upp­­­­lýs­ingar um hversu hátt hlut­­­­fall not­enda mið­ils­ins eru gervi­menni (e. bots).

Í tísti sem hann sendi frá sér greindi hann frá því að kaup hans á sam­­­­­fé­lags­mið­l­inum hefðu verið sett á ís þar sem hann væri að bíða eftir gögnum sem gætu rök­­­­­stutt full­yrð­ingar Twitter um að hlut­­­­­fall gervi­menna á sam­­­­­fé­lags­mið­l­inum væri innan við fimm pró­­­­­sent.

Allt stefndi í að mög­u­­­leg yfir­­­­­taka rík­­­asta manns heim yrði gerð upp fyrir dóm­stólum en í lok októ­ber gekk Musk loks frá kaup­un­um, degi áður en loka­frestur til þess rann út. „Fugl­inn er frjáls!“ tísti Musk. 

Nán­ast allt sem Musk hefur gert á Twitter er umdeilt

Yfir­lýstur til­gangur Musk með kaup­unum er að end­ur­reisa máls­frelsið, sem honum finnst hafa átt undir högg að sækja á und­an­förnum árum, meðal ann­ars vegna rit­skoð­un­ar­til­burða sam­fé­lags­miðl­arisa. Musk hefur líka verið opin­skár með það að rekstr­ar­módel Twitter gangi ekki upp og að ráð­ast þurfi í nýjar rót­tækar tekju­öfl­un­ar­að­gerðir til að tryggja til­vist fyr­ir­tæk­is­ins til fram­tíð­ar.

Á meðal fyrstu verka hans sem eig­andi Twitter var að segja upp mörgum helstu stjórn­end­um, tæp­­­lega helm­ingi starfs­­­fólks og leggja mann­rétt­inda­­­deild fyr­ir­tæk­is­ins nið­­­ur.

Musk hefur líka hleypt ýmsum sem höfðu verið bann­aðir á Twitter aftur á mið­il­inn. Þar er um að ræða fólk sem hafði verið sett í bann vegna hat­urs­orð­ræðu, upp­lýs­inga­óreiðu eða fyrir að fleyta sam­sær­is­kenn­ingum sem eng­inn fótur var fyr­ir. Á meðal þeirra sem hann bauð vel­kom­inn til baka var Don­ald J. Trump, fyrr­ver­andi for­seti Banda­ríkj­anna, en hann hefur ekki viljað þiggja það boð og haldið sig við eigin sam­fé­lags­mið­il, Truth Soci­al.

Musk hefur líka sagt að hann ætli sér að end­ur­skoða svo­kallað verification-­kerfi, en það var sett á fót svo til dæmis blaða­menn gætu fengið blátt stað­fest­ing­ar­tákn á eftir nafni sínu á Twitter sem sýndi að þeir væru þeir sem þeir sögð­ust vera. Musk ætlar að afnema það kerfi og rukka átta Banda­ríkja­dali á mán­uði fyrir þá sem vilja slíkt stað­fest­ing­ar­tákn. 

Nýlega voru ýmsir blaða­menn sem höfðu verið að fjalla um Musk bann­aðir frá Twitter eftir að hafa fjallað um Twitt­er-­reikn­ing sem fylgd­ist með flug­ferðum Musk. Þeim var síðan flestum hleypt aftur inn eftir að Musk fram­kvæmdi skoð­ana­könnun þar um. 

Síð­asta útspil Twitter undir stjórn Musk sem hefur valdið úlfúð er bann við því að hlekkja á aðra sam­fé­lags­miðla.