Byrj­un­ar­lið Argent­ínu er klárt fyrir leik­inn gegn Íslend­ingum á morg­un. Hann hefst klukkan 13:00 og fer fram á Spar­tak leik­vang­inum í Moskvu.

Fátt kemur á óvart, nema hvað Sergi­o Agüero tekur sæti fram­herja í lið­inu, en Sampa­oli lands­liðs­þjálf­ari hefur oft­ast verið með Gonzalo Higu­ain, leik­mann Juventus, í þeirri stöðu.

Á blaða­manna­fundi sagði Sampa­oli að byrj­un­ar­liðið í leiknum hefði verið klárt á mið­viku­dag­inn, og að Argent­ína hefði búið sig undir leik­inn mark­visst og skipu­lega.

Hann sagði Argent­ínu bera mikla virð­ingu fyrir Íslandi, og liðið væri sterkt.

Byrj­un­ar­lið Argent­ínu er svo skip­að, í 4-3-2-1 upp­still­ingu, með Lionel Messi sem helstu dri­fjöfður og fyr­ir­liða, númer 10: 

Mark­vörð­ur­: Willy Caball­er­o(Chel­sea)

Hægri bak­vörð­ur­: Edu­ardo Sal­vi­o(Ben­fica)

Vinstri Bak­vörð­ur­: N­icolas Tagli­afico(A­jax)

Mið­verð­ir: N­icolas Ota­m­end­i(M­an.City), Marcos Rojo(M­an.Utd)

Miðju­menn: Ja­vier Maschera­no(Hebei China Fortu­ne), Lucas Bigl­i­a(AC Milan),  Angel Di Mar­í­a(PS­G), Max­im­il­i­ano Meza(Ind­erpendi­ente).

„Tí­a“: Lionel Messi(Barcelona)

Fram­herj­i: Sergio Agu­er­o(M­an.City).

Byrj­un­ar­lið Íslands hefur ekki verið gefið út enn­þá, og skýrist það fyrir leik á morg­un, hverngi það verð­ur. Fyr­ir­liðið Aron Einar Gunn­ars­son hefur verið að glíma við meiðsli, en Heimir Hall­gríms­son, lands­liðs­þjálf­ari, segir að hann verði klár í leik­inn.