Mikil spenna er nú farin að byggj­ast upp fyrir leik­inn sögu­lega gegn Argent­ínu á HM á morg­un, en Íslend­ingar eru farnir að streyma til Moskvu þar sem leik­ur­inn fer fram. 

Hann hefst klukkan 13:00 á morgun og fer fram á Spar­tak Stadi­um. 

Spá Google fyrir leiknum segir að 71 pró­sent líkur séu á sigri Argent­ínu, 18 pró­sent líkur a jafn­tefli og 11 pró­sent líkur á sigri Íslands. 

Fót­bolta­vef­ur­inn www.­fot­bolt­i.­net hefur verið með yfir­grips­mikla umfjöllun um und­ir­bún­ing lands­liðs­ins. 

Ólafur Ingi Skúla­son, miðju­maður í íslenska lands­lið­inu, segir í við­tali við Fót­bolta.­net að íslenska liðið þurfi að verj­ast betur en það hafi gert nokkurn tím­ann, og nýta síðan styrk­leika Íslands þegar færi gefst. Sem er ekki síst að nýta skynd­i­sóknir og föst leikatriði til að skapa hættu við mark and­stæð­ing­ana. 

Aron Einar Gunn­ars­son, lands­liðs­fyr­ir­liði, hefur verið í kapp­hlaupi við tím­ann vegna meiðsla, en Heimir Hall­gríms­son, lands­liðs­þjálf­ari, hefur gefið það út að hann verði klár fyrir leik­inn mik­il­væga gegn Argent­ín­u. 

Fjöl­miðlaum­fjöllun um íslenska lands­liðið hefur verið gríð­ar­lega mikil um allan heim, í aðdrag­anda HM og birti New York Times meðal ann­ars ítar­legt við­tal við Heimi Hall­gríms­son í blað­inu og á vefnum í gær. Þar er talað um að Ísland sé með þjálfar sem sem togi tennur úr fólki til að slaka á, en Heimir er tann­læknir að mennt og sinnir því starfi þegar færi gefst, þó þjálfun íslenska lands­liðs­ins eigi að sjálf­sögðu hug hans all­an. 

Time og Sports Ill­u­strated hafa verið með Ísland á for­síðum sínum í aðdrag­anda keppn­inn­ar, og sjón­varps­stöðv­arnar ESPN og FOX Sports hafa báðar fjallað mikið um Ísland und­an­farna daga, í aðdrag­anda keppn­inn­ar. Útgangs­punkt­ur­inn í umfjöll­un­inni er oftar en ekki hvernig á því stend­ur, að 350 þús­und manna þjóð hafi náð svo góðum árangri í fót­bolta, en Ísland er sem kunn­ugt er fámenn­asta landið í sög­unni til að koma lands­liði í úrslita­keppni HM.