Útflutn­ings­fyr­ir­tæki á Íslandi hafa lítið sem ekk­ert nýtt sér nýjar leiðir í greiðslu­miðl­un, en þróun í þeim geira hefur verið nokkuð hæg hér­lend­is. Þó er lík­legt að það muni breyt­ast með nýrri lög­gjöf Evr­ópu­sam­bands­ins, sam­kvæmt nýlegri skýrslu Íslands­stofu.

Skýrslan, sem ber heitið „Banka-og milli­færslu­kostn­aður íslenskra útflutn­ings­fyr­ir­tækja,“ tók við­töl við 41 fyr­ir­tæki hér á landi sem starfa að nokkru eða öllu leyti í útflutn­ingi á vörum og þjón­ustu. Af við­töl­unum að dæma töldu fyr­ir­tækin banka­kostnað sinn vera óveru­legan hluta af árlegri veltu fyr­ir­tæk­is­ins, eða í mesta lagi 0,1%. 

Sömu­leiðis sögð­ust engin þeirra hafa nýtt sér þjón­ustu fjár­tækni­fyr­ir­tækja, en að sögn skýrslu­höf­unda er lík­legt að það muni breyt­ast í kjöl­far inn­leið­ingar svo­kall­aðra PSD2-laga Evr­ópu­sam­bands­ins. 

Útskýr­ing á breyt­ingum vegna PSD2 lög­gjaf­ar­inn­ar. Heim­ild: Star­l­ing Bank.

Kjarn­inn hefur áður fjallað um PSD2, en lögin urðu að umfjöll­un­ar­efni nýjasta tíma­rits Pen­inga­inn­viða Seðla­bank­ans. Sam­kvæmt Seðla­bank­anum gætu lögin leitt til lækk­unar á verði fjár­mála­þjón­ustu auk fleiri greiðslu­mögu­leika en eru til núna í hefð­bund­inni banka­starf­sem­i. 

Eft­ir­bátur Norð­ur­landa

Í skýrslu Íslands­stofu er einnig vikið að þróun í fjár­tækni­lausnum hér­lendis í alþjóð­legu sam­hengi, en Ísland er eina nor­ræna ríkið sem hefur ekki sam­ein­ast um eina sam­eig­in­lega greiðslu­miðlun í gegnum app sem allir bankar lands­ins nota. Sömu­leiðis hafi fjár­tæknin þró­ast hægt hér á landi, en við­skipta­módel fjár­mála­fyr­ir­tækja á Íslandi sé almennt sú sama og fyrir hrun. 

Skýrslu­höf­undar leiða að því líkum að meg­in­á­stæða þess sé að fjár­mála­kerfið hér­lendis hafi verið skil­virk­ari fyrir vegna mið­lægrar stjórn­unnar Reikni­stofu bank­anna ásamt Greiðslu­veit­unn­i.  Þar sem fyr­ir­tækin tvö hafi nú þegar skapað skil­virka og not­enda­væna banka­þjón­ustu hafi ekki verið jafn­mikil eft­ir­spurn eftir fjár­tækni­fyr­ir­tækjum líkt og í öðrum lönd­um. 

­Þrátt fyrir til­tölu­lega hæga þróun á Íslandi hingað til telur Íslands­stofa að fjár­mála­þjón­usta muni breyt­ast tölu­vert með inn­leið­ingu PSD2-lag­anna, neyt­endum og útflutn­ings­fyr­ir­tækjum til hags­bóta. Lögin gætu þó verið erf­iður biti fyrir hefð­bundna banka­starf­semi þar sem þrengt yrði að rekstri þeirra auk þess sem erf­ið­ara yrði fyrir þá að skera sig úr í flóru fjöl­breyttra fjár­mála­fyr­ir­tækja.