Guð­björg Matth­í­as­dótt­ir, meiri­hluta­eig­andi Ísfé­lags Vest­manna­eyja, greiddi sér rúmar 3,25 millj­arða króna í gegnum félag sitt ÍV fjár­fest­inga­fé­lag ehf. Þetta kemur fram í nýjum árs­reikn­ingi ÍV fjár­fest­inga­fé­lags, en Frétta­blaðið greindi fyrst frá mál­inu fyrr í dag. 

Sam­kvæmt árs­reikn­ingi ÍV, sem á tæpan 90% hlut í Ísfé­lagi Vest­manna­eyja, auk hlutar í HB Granda og Sím­an­um, skil­aði félagið rúm­lega 630 millj­óna króna hagn­aði með eigið fé upp a 13,6 millj­arða króna. Hagn­aður félags­ins árið 2016 var öllu hærri, eða um 2,59 millj­arð­ar, en þá greiddi  greiddi félagið 1,11 millj­arð í arð.  ÍV fjár­fest­inga­fé­lag er í eigu fjár­fest­inga­fé­lags­ins Fram ehf. sem er að mestu leyti í eigu Guðbjargar.

Kjarn­inn hefur áður fjallað um umdeildt frum­varp um lækkun veiði­gjalda, en Lilja Raf­ney Magn­ús­dótt­ir, fyrsti flutn­ings­maður frum­varps­ins, sagði afkomu útgerða vera komna að þol­mörk­um. 

Hins veg­ar, þrátt fyrir versn­andi afkomu, er arð­semi grein­ar­innar góð og var hagn­aður sjáv­ar­út­vegs­fé­laga á árinu 2016 um 55 millj­arðar króna. Sam­an­lagðar arð­greiðslur sjáv­ar­út­vegs­fyr­ir­tækja frá byrjun árs 2010 og út árið 2016 voru 65,8 millj­arðar króna. Eigið fé þeirra frá hruni og til loka árs 2016 batn­aði um 300 millj­arða króna. Því hefur hagur sjáv­ar­út­vegs­ins vænkast um 365,8 millj­arða króna á örfáum árum. 

Þrátt fyrir háar arð­greiðslur Guð­bjargar var hún neð­ar­lega á list­anum yfir ein­stak­linga í sjáv­ar­út­vegi og land­bún­aði í síð­asta Tekju­blaði DV, en þar var hún með 481 þús­und í mán­að­ar­laun.