Sænska versl­ana­keðjan H&M seldi fatnað fyrir ríf­lega 2,5 millj­arða króna hér á landi frá því að keðjan opn­aði fyrstu verslun sína á land­inu í lok ágúst í fyrra til loka maí­mán­að­ar. Þetta kemur fram í Frétta­blað­inu í dag.

H&M opn­aði fyrstu verslun sína hér á landi í Smára­lind í lok ágúst­mán­aðar en önnur verslun keðj­unnar var opnuð í Kringl­unni um mán­uði síð­ar. Stefnt er að opnun þriðju H&M versl­un­ar­innar hér á landi á Hafn­ar­torgi í miðbæ Reykja­vík­ur.

Upp­lýs­ingar um sölu sænska versl­un­ar­ris­ans á tíma­bil­inu mars til maí birt­ust í fjórð­ungs­upp­gjöri keðj­unnar í síð­ustu viku. Salan hefur dreg­ist saman frá opnun en hún nam tæp­lega 670 millj­ónum króna á fyrsta fjórð­ungi yfir­stand­andi rekstr­ar­árs H&M, frá byrjun mars til loka maí síð­ast­lið­ins, borið saman við 965 millj­óna króna veltu frá byrjun sept­em­ber til loka nóv­em­ber í fyrra. Salan í versl­un­unum tveimur á því tíma­bili nam um 56 millj­ónum sænskra króna sem jafn­gildir tæp­lega 670 millj­ónum íslenskra króna. Það sam­svarar um 3,6 millj­ónum króna á verslun á dag.

Dróst salan saman um 6,7 pró­sent frá fyrri fjórð­ungi, sem náði frá 1. des­em­ber til 28. febr­ú­ar, en þá seldi H&M fatnað fyrir alls 715 millj­ónir króna. Alls seldi H&M föt fyrir ríf­lega 2.500 millj­ónir króna hér á landi frá opnun 26. ágúst í fyrra til 31. maí. Hefur með­al­velta á verslun á dag því verið um 4,5 millj­ónir króna.