Segir Bjarna ekki geta unnið störukeppni við ljósmæður

Kári Stefánsson skrifar opið bréf til fjármálaráðherra sem birtist í Fréttablaðinu í dag.

Kári Stefánsson
Kári Stefánsson
Auglýsing

Kári Stef­áns­son for­stjóri Íslenskrar erfða­grein­ingar skrif­ar opið bréf til Bjarna Bene­dikts­sonar fjár­mála­ráð­herra í Frétta­blaðið í dag þar sem hann gagn­rýnir ráð­herra fyrir hvernig hann hefur tekið á kjara­bar­áttu ljós­mæðra. 

Hann segir að Bjarni verði að gera sér grein fyrir því að hann vinni ekki störu­keppni við ljós­mæð­ur. Það eina sem hafi áunn­ist með til­raun Bjarna til þess sé að hrekja stóran hóp þeirra í flug­freyju­störf og fleiri séu á leið­inni. Sú hætta sé fyrir hendi að afleið­ingin verði löskuð börn og auk­inn ung­barna­dauð­i. 

„Ég veit fyrir víst að þú ert mér og öllum öðrum Íslend­ingum sam­mála um að slíkt sé óásætt­an­legt. Þess vegna ráð­legg ég þér að bjóða þeim bet­ur, vegna þess að aðrar stéttir munu ekki nota þær sem for­dæmi, til þess er fram­lag þeirra til vel­ferðar í sam­fé­lagi okkar of sér­stakt,“ segir Kári. 

Auglýsing

Hann bendir á að ung­barna­dauði á Íslandi hafi um miðja síð­ustu öld verið ein­hver sá hæsti sem skráður hefur verið í mann­kyns­sög­unni eða 238 af hverjum þús­und börnum fædd­um. Í dag sé hann um það bil hund­rað sinnum minni eða 2 af hverjum þús­und og sé lægstur í heimi hér. 

„Það er ólýs­an­legur harm­ur­inn for­eldra þegar börn þeirra deyja og ekki síst þegar þau deyja ung. Afleið­ingar harms­ins eru marg­vís­legar og meðal ann­ars þær að lífslíkur for­eldr­anna minnka og þá sér­stak­lega mæðra. Þær lifa nokkrum árum skemur fyrir vik­ið. Sagn­fræð­ingar og félags­fræð­ingar hafa sett fram þá kenn­ingu að mæður á öldum áður hafi verndað sig fyrir afleið­ingum mik­ils ung­barna­dauða með því að tengj­ast ekki nýfæddum börnum sínum sterkum bönd­um.

Rann­sóknir okkar og ann­arra sýna fram á að þetta er rangt vegna þess að lífslíkur mæðra á þeim tíma sem ung­barna­dauð­inn var mestur í land­inu minnk­uðu við barns­missi til jafns á við það sem ger­ist í dag. Móð­ur­ástin er ekki smíðuð í kon­una. Það verður ekki við hana ráð­ið. Hún er með­fædd. Síðan er móð­ur­ástin eitt af mik­il­væg­ustu hreyfiöflum sam­fé­lags manna. Hún kemur börnum á legg. Hún býr til konur og menn til þess að taka við land­inu. Prís­inn sem móð­irin borgar fyrir þessa ást sem býr til sam­fé­lög er hættan á harm­inum mikla ef hún missir barn sitt. Það er því skylda okkar sem sam­fé­lags að gera allt sem í okkar valdi stendur til þess að það ger­ist ekki. Þannig launum við móð­ur­inni sem sam­fé­lag fyrir ást­ina sem bjó okkur til,“ segir Kári.

Enn fremur kemur fram í greinn­inni að sú stað­reynd að ung­barna­dauði sé minni á Íslandi en ann­ars staðar bendi til þess að Íslend­ingar séu að þessu leyti að standa í nokkuð góðum skilum við mæð­ur. Þetta eigi meðal ann­ars rætur sínar í því að ljós­mæð­urnar skoða verð­andi mæð­ur, taka á móti börnum við fæð­ingu og hafa eft­ir­lit með mæðrum og börnum að fæð­ingu lok­inni. Þær þyrftu ekki að kom­ast upp úr riðli og lifa af útslátt­ar­keppni til þess að sanna fyrir löndum sínum að þær séu heims­meist­ar­ar.

„Í þeirra til­felli gildir gamla slag­orð Silla og Valda að af ávöxt­unum skuluð þið þekkja þær. Börnin okkar lifa frekar en börn ann­arra þessa erf­iðu ferð inn í harðan heim. Bjarni, þú hlýtur að hafa þetta allt í huga þegar þú metur fram­lag þeirra til íslensks sam­fé­lags. Stað­reyndin er svo sú að á meðan stöðu­gildum ljós­mæðra hjá rík­inu hefur fjölgað um 33% og fæð­ingum hefur fækkað um meira en 8% hafa við­fangs­efni ljós­mæðra orðið flókn­ari með ári hverju, konur eign­ast börn sín eldri, og þyngri, sem fylgir aukin tíðni með­göngu­vanda­mála, og ýmis­legt af því sem áður var á höndum lækna hefur flust yfir á þær,“ segir Kári. 

Magnús Halldórsson
Skynsamleg veiðigjöld og framþróun í sjávarútvegi
Kjarninn 25. september 2018
Kvóti Ögurvíkur metinn á 14,5 milljarða króna
Hluthafafundur hefur verið boðaður hjá HB Granda 16. október til að ræða kaup félagsins á Ögurvík af Brimi, félagsins sem forstjóri HB Granda, Guðmundur Kristjánsson, á að stærstum hluta.
Kjarninn 25. september 2018
Kristján Þór Júlíusson kynnir nýtt frumvarp á blaðamannafundi í dag.
Álagningu veiðigjalda breytt - Afkomutengingin færð nær í tíma
Töluverðar breytingar verða gerðar á því hvernig veiðigjöld í sjávarútvegi verði innheimt, samkvæmt frumvarpi til laga þar um.
Kjarninn 25. september 2018
N1 mun heita Festi
Hluthafafundur N1 hf. samþykkti í dag nýtt nafn á félagið og starfskjarastefnu sem gerir ráð fyrir lægri kaupaukagreiðslum en áður höfðu verið fyrirhugaðar hjá stjórn félagsins. Björgólfur Jóhannsson kemur nýr inn í stjórn.
Kjarninn 25. september 2018
Hannes segir Breta skulda Íslendingum afsökunarbeiðni
Beiting hryðjuverkalaganna bresku gegn Íslandi var ruddaleg og óþörf aðgerð og bresk stjórnvöld skulda þeim íslensku afsökunarbeiðni vegna hennar. Þetta kemur fram í skýrslu Hannesar Hólmsteins Gissurarsonar sem hann skilaði til fjármálaráðherra í dag.
Kjarninn 25. september 2018
Hefnendurnir
Hefnendurnir
Hefnendurnir CLXX – Miðgarðsormarnir
Kjarninn 25. september 2018
Spá lítilli fjölgun ferðamanna næstu árin
Arion banki segir flugfargjöld einfaldlega of ódýr og að horfur séu á að íslensku flugfélögin borgi með hverjum farþega á þessu ári. Fargjöldin hafi ekki fylgt eldsneytisverði eftir að það tók að hækka í fyrra. Þetta kemur fram í nýrri ferðaþjónuskýrslu.
Kjarninn 25. september 2018
Alþingi
Leggja til að launatekjur undir 300 þúsund verði skattfrjálsar
Flokkur fólksins og Miðflokkurinn leggja fram þingsályktunartillögu um 54 milljarða tilfærslu á skattbyrði, af láglaunafólki og yfir á annars vegar hærri launaða og eignafólk og hins vegar ríkið.
Kjarninn 25. september 2018
Meira úr sama flokkiInnlent