Samkaup kaupir allar Iceland verslanir og fimm 10-11 búðir

Samkeppniseftirlitið hefur tekið til rannsóknar samkeppnisleg áhrif samruna vegna kaupa Samkaupa á alls eignum 14 verslana af Basko verslunum.

Iceland
Auglýsing

Sam­kaup hf. hyggst kaupa allar versl­anir Iceland af félag­inu Basko versl­anir ehf. Sam­keppn­is­eft­ir­litið hefur tekið til rann­sóknar sam­keppn­is­leg áhrif sam­runa vegna kaupa Sam­kaupa á alls eignum 14 versl­ana af Basko versl­un­um. Auk Iceland versl­an­ana eru í sam­run­anum fimm versl­anir 10-11 og tvær Háskóla­búð­ir.

Í til­kynn­ingu frá eft­ir­lit­inu segir að þar sem um sé að ræða sam­runa á mörk­uðum sem varða almenn­ing miklu hefur Sam­keppn­is­eft­ir­litið ákveðið að óska opin­ber­lega eftir sjón­ar­miðum almenn­ings og fyr­ir­tækja um áhrif sam­run­ans á sam­keppni.

„Til að gefa almenn­ingi og öðrum hag­að­ilum kost á að kynna sér málið hefur Sam­keppn­is­eft­ir­litið birt sam­runa­til­kynn­ingu máls­ins á heima­síðu sinn­i,“ segir í til­kynn­ingu frá eft­ir­lit­inu.

Auglýsing

Þær versl­anir sem Sam­kaup hyggst kaupa eru:

Iceland Við Engi­hjalla í Kópa­vogi

Iceland við Vest­ur­berg í Reykja­vík

Iceland við Arn­ar­bakka í Reykja­vík

Iceland í Glæsibæ í Reykja­vík

Iceland við Stað­ar­berg í Hafn­ar­firði

Iceland við Hafn­ar­götu í Reykja­nesbæ

Iceland í Kaupangi á Akur­eyri

10-11 við Hjarð­ar­haga í Reykja­vík

10-11 í Grímsbæ í Reykja­vík

10-11 við Lauga­læk í Reykja­vík

10-11 við Borg­ar­tún í Reykja­vík

Háskóla­búðin við Mennta­veg í Reykja­vík

Háskóla­búðin við Egg­erts­götu í Reykja­vík

Eftir við­skiptin munu Basko versl­anir áfram reka 18 versl­anir undir nafn­inu 10-11 auk versl­un­ar­innar Kvosar­inn­ar, Inspired by Iceland versl­unar og veit­inga­stað­ar­ins Bad Boy Burgers & Grill. Basko á einnig 50 pró­sent í félag­inu Eldum rétt ehf.

Velta Sam­kaupa árið 2017 var 25.570 millj­ónir króna en velta Basko versl­ana var 9.528 millj­ón­ir.

Í mál­inu ber Sam­keppn­is­eft­ir­lit­inu að rann­saka hvort við­kom­andi sam­runi hindri virka sam­keppni með því að mark­aðs­ráð­andi staða eins eða fleiri fyr­ir­tækja verði til eða slík staða styrkist, eða að sam­keppni á mark­aði rask­ist að öðru leyti með umtals­verðum hætti.

Við rann­sókn­ina hefur Sam­keppn­is­eft­ir­litið m.a. til skoð­unar hver stað­bundin áhrif sam­run­ans kunna að vera á svæðum þar sem keppi­nautum mun fækka í kjöl­far sam­run­ans. Hefur Sam­keppn­is­eft­ir­litið sér­stak­lega til skoð­unar hvort þeir keppi­nautar sem eftir standa á til­teknum svæðum muni veita sam­runa­að­ilum nægi­legt sam­keppn­is­legt aðhald í kjöl­far sam­run­ans. Í þessu sam­hengi horfir Sam­keppn­is­eft­ir­litið m.a. til dag­vöru­mark­aðar á Akur­eyri og í Reykja­nes­bæ. Einnig horfir Sam­keppn­is­eft­ir­litið til mögu­legra áhrifa á til­teknum svæðum á höf­uð­borg­ar­svæð­inu.

Súrnun sjávar og áhrif þess á sjávardýr
Súrnun sjávar leiðir meðal annars til þess að kuðungar snigla sem búa í sjónum verða þynnri, skemmdari og að á þá vanti oft felulitina sem einkennir þá.
Kjarninn 18. október 2018
Þjóðlegir þræðir
Þjóðlegir þræðir
Þjóðlegir þræðir – Jurtalitir
Kjarninn 18. október 2018
Hermundur Sigmundsson
Hoppum út í laugina!
Kjarninn 18. október 2018
Svandís Svavarsdóttir, heilbrigðisráðherra.
Engri beiðni um fóstureyðingu synjað á síðasta ári
Samkvæmt svari heilbrigðisráðherra við fyrirspurn á Alþingi var þrettán einstaklingum heimilað að rjúfa þungun eftir 16. viku meðgöngu árið 2017.
Kjarninn 18. október 2018
Segir rammaáætlun þurfa að meta efnahagslega þætti
Ragna Árnadóttir, aðstoðarforstjóri Landsvirkjunar, segist ekki vita almennilega í hvaða stöðu rammaáætlun sé. Hún virðist láta meta alla aðra þætti en efnahagslega þegar fundið er út úr því hvaða landsvæði eigi að vernda gagnvart orkunýtingu.
Kjarninn 18. október 2018
Sigríður Halldórsdóttir og Þóra Arnórsdóttir
Óþarfa viðkvæmni
Kjarninn 18. október 2018
Samkeppnishæfni Íslands batnar
Ísland er nú í 24. sæti hvað varðar samkeppnishæfni af 140 þjóðríkjum. Ísland hefur farið upp um fimm sæti á síðustu þremur árum og íslenska hagkerfið er skilgreint sem nýsköpunardrifið.
Kjarninn 18. október 2018
Tæknivarpið
Tæknivarpið
Tæknivarpið – Fréttir vikunnar og Elon Musk
Kjarninn 18. október 2018
Meira úr sama flokkiInnlent