Larry F­ink, fram­kvæmda­stjóri BlackRock ­sagði í gær fyr­ir­tækið hafa sett saman starfs­hóp til að meta blockchain-­tækni auk raf­mynta, en bætti þó við að eft­ir­spurn fjár­festa eftir því sé ekki gríð­ar­leg. Frá þessu er greint á vef frétta­stofu Reuters. 

Sam­kvæmt Reuter­s yrðu hugs­an­legar fjár­fest­ing­ar BlackRock í blockchain-­tækn­inni gríð­ar­mikil lyfti­stöng fyrir hana og grund­völlur fyrir aukin við­skipti í raf­mynt­um, en slíkir gjald­miðlar hafa ekki enn orðið fyr­ir­ferða­mikil í fjár­mála­við­skipt­u­m á heims­vís­u. 

Við­horf F­ink til við­skipta­tækn­inn­ar hefur breyst frá síð­ast­liðnum nóv­em­ber, en í fyrri við­tali við frétta­stof­una lýsti hann fjár­fest­ingum í gjald­miðl­in­um bitcoin ­sér­stak­lega sem „spá­kaup­mennsku“ vegna óvissu sem væri við­loð­andi raf­mynt­ina. 

„Við erum lær­lingar þegar kemur að blockchain,“ seg­ir F­ink í við­tali við Reuters. Hann bætir við að hann sjái ekki gríð­ar­lega eft­ir­spurn meðal fjár­festa í tækn­inni, en fyr­ir­tækið hafi þó stofnað starfs­hóp til að kanna kosti henn­ar.

­Mik­ill styr hefur verið um bitcoin-raf­mynt­ina und­an­farið ár, en virði hennar tók stökk á seinni hluta síð­asta árs og náði hápunkti í tæpum 20 þús­und Banda­ríkja­döl­um, miðað við gengi nálægt þús­und dölum við byrjun árs­ins. Virði mynt­ar­innar hefur lækkað tölu­vert und­an­farið og stendur nú í um 6.600 döl­u­m. 

BlackRock, sem er stærsta eigna­stýr­ing­ar­fyr­ir­tækið í heimi, skil­aði rúm­leg millj­arða Banda­ríkja­dala hagn­aði á nýliðnum árs­fjórð­ungi, sem er fjórð­ungs­hækkun frá því á sama tíma­bili á síð­asta ári. Fyr­ir­tækið hefur meðal ann­ars hagn­ast gríð­ar­lega á nýlegri skatta­lækkun á fyr­ir­tæki í Banda­ríkj­un­um, en skatt­greiðsl­ur BlackRock ­sem hluti af tekjum lækk­aði úr 30 pró­sentum niður í 24 pró­sent á árin­u.