Heimir Hallgrímsson er hættur að þjálfa A landslið karla í knattspyrnu. Þetta kemur fram í nýbirtri fréttatilkynningu frá KSÍ.
Í fréttatilkynningunni segir að allir aðilar knattspyrnusambandsins sem komu að ráðningu Heimis urðu ásáttir um að gefa sér góðan tíma til að meta stöðuna í aðdraganda nýliðins heimsmeistaramóts og taka upp þráðinn að móti loknu. Niðurstaðan hafi hins vegar verið sú að Heimir hætti með liðið.
Tilkynningin hefur einnig eftir Guðna Bergsson, formann KSÍ, að sambandið hafi bundið miklar vonir við að Heimir yrði áfram, en niðurstaðan væri þó sú að hann hætti með liðið að eigin ósk. Enn fremur þakkar Guðni Heimi kærlega fyrir samstarfið og segir KSÍ muni nú taka næstu skref í ráðningu nýs landsliðsþjálfara.
Sjálfur segist Heimir skilja sáttur og þakklátur fyrir að hafa fengið að vera hluti af þessari sterku liðsheild sem landsliðshópurinn hafi fyrst og fremst staðið fyrir. „Það eru forréttindi að geta yfirgefið verkefnið á tímapunkti eins og í dag,“ bætir Heimir við.
