Írönsk stjórn­völd huga að því að svara við­skipta­þving­unum Banda­ríkj­anna auk hót­ana Trumps gegn for­seta lands­ins með banni á öllum olíu­út­flutn­ingum úr Persaflóa. Frá þessu er greint í frétt Reuters fyrr í dag.

Sam­skipti milli stjórn­valda í Íran og Banda­ríkj­unum hafa versnað á síð­ustu dög­um, en Don­ald Trump Banda­ríkja­for­seti hót­aði Írans­for­seta í hástöfum með Twitt­er-­færslu sinni í gær. Kjarn­inn fjall­aði um færsl­una, en hún kom í kjöl­far ummæla Rou­hani um að átök við Íran yrði „móðir allra stríða.“ Trump var­aði hins vegar við afleið­ing­unum af því að vera með hót­anir í garð Banda­ríkj­anna. Þeim myndi Íran gjalda með afleið­ingum sem fáir hafi þurft að ganga í gegnum áður. Tístið má sjá hér að neð­an.

„Sterk, óhugs­an­leg og hörmu­leg“ við­brögð

„Ef Banda­ríkin vilja raun­veru­lega stíga í þessa átt er öruggt að þeir munu mæta við­brögðum og jöfnum mót­að­gerðum frá Íran,“ sagði tals­maður utan­rík­is­ráðu­neytis lands­ins, Bahram Qas­semi. Hers­höfð­ingi varn­ar­liðs Írans, Mohammad Bag­heri, tók í sama streng og var­aði við „sterk­um, óhugs­an­legum og hörmu­leg­um“ við­brögðum frá stjörn­völdum Íslamska lýð­veld­is­ins í Íran fyrr í dag, sam­kvæmt írönsku frétta­veit­unni IRNA. 

Í góðri stöðu

Enn fremur bætir Bag­heri við að landið sé í góðri stöðu varð­andi örygg­is­gæslu olíu­flutn­inga um Persafló­ann og Hormuz-sundi og hafi getu til að bregð­ast við hvers konar við­skiptum í þessum heims­hluta. Sam­hljlómur virð­ist vera innan írönsku rík­is­stjórn­ar­innar um aðgerð­irn­ar, en síð­ast­lið­inn laug­ar­dag studdi þjóð­ar­leið­togi Írans, Aya­tollah Ali Khamenei til­lögu for­set­ans Hassan Rou­hani um stöðvun olíu­út­flutn­ings úr Persafló­anum verði útflutn­ingur Írans stöðv­að­ur. 

For­seti þjóð­þings Írana lýsti ummælum Trumps sem „orðum vand­ræða­gemsa“ í gær og sagði Banda­ríkja­menn upp­lifa mikla óreiðu í alþjóð­legum sam­skiptum sínum við önnur lönd þessa stund­ina.