Samherji hefur hagnast um 100 milljarða á sjö árum

Samherji hagnaðist um 14,4 milljarða króna í fyrra. Samstæðunni var skipt upp í innlenda og erlenda starfsemi í fyrrahaust. Félagið utan um erlendu starfsemina keypti fjórðungshlut í Eimskip í sumar.

Þorsteinn Már Baldvinsson, forstjóri Samherja.
Þorsteinn Már Baldvinsson, forstjóri Samherja.
Auglýsing

Samherji, stærsta útgerðarfyrirtæki landsins, hagnaðist um 14,4 milljarða króna í fyrra. Það þýðir að samanlagður hagnaður fyrirtækisins á sjö ára tímabili, frá byrjun árs 2011 til síðustu áramóta, nemur yfir 100 milljörðum króna. Rúmlega helmingur starfsemi Samherja er erlendis.

Samherji birti frétt á heimasíðu sinni á föstudag þar sem kemur fram að samanlagðar tekjur dóttur- og samstarfsfélaga samstæðu Samherja, sem eru í alls fimmtán löndum, hafi verið 77 milljarðar króna í fyrra. Hagnaðurinn var líkt og áður segir 14,4 milljarðar króna sem er nánast sá sami og hann var árið áður, þegar hann var 14,3 milljarðar króna.

Í fréttinni segir að söluhagnaður eigna hafi vegið þungt í uppgjöri ársins eða um fimm milljörðum króna. Þá hefur styrking krónunnar áhrif á uppgjörið, enda ársreikningur Samherja gerður í evrum. Ef krónan hefði ekki styrkst eins mikið og hún gerði á árinu 2017 væri hagnaður Samherja umreiknaður í íslenskar krónur enn hærri.

Auglýsing
Aðalfundur Samherja ákvað að 8,5 prósent af hagnaði, alls rúmlega 1,2 milljarðar króna, verði greiddur í arð til eigenda Samherja. Helstu eig­endur Sam­herja eru frænd­urn­ir, for­stjór­inn Þor­steinn Már Bald­vins­son og útgerð­ar­stjór­inn Krist­ján Vil­helms­son.

Eigið féð 94,4 milljarðar

Rekstur Samherja hefur verið lyginni líkastur á undanförnum árum. Hagn­aður Sam­herja árið 2011 var 8,8 millj­­arð­­ar, árið 2012 16 millj­­arð­­ar, árið 2013 22 millj­­arð­­ar, árið 2014 ellefu millj­­arðar og árið 2015 var hagn­að­­ur­inn 13,9 millj­­arðar króna. Árið 2016 var hann svo 14,3 millj­arðar króna og í fyrra 14,4 milljarðar króna. Samanlagt hefur samstæðan því hagnast um 100,4 milljarða króna á sjö ára tímabili.

Eigið fé Samherja um síðustu áramót var um 94,4 milljarðar króna og eiginfjárhlutfallið 67,1 prósent.

Ráðist var í töluverðar breytingar hjá Samherja í fyrra, og sú stærsta var að skipta samstæðunni upp í tvö félög þar sem innlend starfsemi var aðgreind frá erlendri starfsemi. Innlenda starfsemin verður áfram rekin undir hatti Samherja hf. en sú erlenda í félaginu Samherji Holding ehf. Skiptingin var gerð 30. september 2017 og því er afkoma beggja eininganna dregin saman í ofangreindum tölum.

Keyptu risahlut í Eimskip

Í ár hefur samstæðan ráðist í miklar fjárfestingar og þar ber hæst að Samherji Holding keypti 25,3 prósent hlut í Eimskipafélagi Íslands á 11,1 milljarða króna í júlí síðastliðnum. Um var að ræða öll hlutabréf banda­ríska fjárfestingasjóðsins Yucaipa í Eim­skipa­fé­lagi Íslands hf.

Baldvin Þorsteinsson, sonur Þorsteins Más, settist nýverið í stjórn Eimskipafélagsins í krafti þess eignarhlutar.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Sonja Ýr Þorbergsdóttir
Lífskjarasamningurinn leiðir launaþróun en ekki opinberir starfsmenn
Kjarninn 6. maí 2021
Þórólfur Guðnason sóttvarnalæknir
Vonandi hægt að aflétta nokkuð hratt á næstu vikum
Helsta áskorunin í faraldrinum nú er sá fjöldi ferðamanna sem hingað er að koma sem er umfram spár. Breyta gæti þurft fyrirkomulagi á landamærum því heildargeta til skimunar takmarkast við 3-4.000 sýni á dag.
Kjarninn 6. maí 2021
Saga Japans
Saga Japans
Saga Japans – 36. þáttur: Nunnusjóguninn II
Kjarninn 6. maí 2021
Deilan snýst um verksamning á milli ÍAV og 105 Miðborgar um fyrstu þrjú húsin sem eru þegar risin á reitnum í Laugarnesi. Hér má sjá tölvuteikningu af því hvernig áformað er að svæðið líti út í framtíðinni.
ÍAV stefna og setja fram 3,8 milljarða kröfur vegna deilu á Kirkjusandsreit
Íslenskir aðalverktakar eru búnir að stefna Íslandssjóðum og félaginu 105 Miðborg til greiðslu 3,8 milljarða króna vegna deilu um verksamning á Kirkjusandsreit. Verktakafyrirtækið missti verkið í febrúarmánuði.
Kjarninn 6. maí 2021
Andrés Ingi Jónsson
Þegar Tyrkir þjörmuðu að þingmönnum
Kjarninn 6. maí 2021
Gunnþór Ingvason, framkvæmdastjóri Síldarvinnslunnar í Neskaupstað.
Síldarvinnslan einnig í vandræðum með tæknilegu hliðina á aðalfundi SFS
Mistök urðu þess valdandi að Síldarvinnslan náði ekki að greiða atkvæði í kjöri til stjórnar SFS á aðalfundi á föstudaginn. Tillaga um að greiða atkvæði á ný var þó samþykkt í kjölfarið, en þá lentu Samherji og Nesfiskur í svipuðum vandræðum.
Kjarninn 6. maí 2021
Kolbrún Benediktsdóttir varahéraðssaksóknari í dómsal í dag.
„Hér er ekki um leikaraskap, slysni eða eitthvað grín að ræða“
Það er mat ákæruvaldsins að Marek sé ekki að segja nákvæmlega allt sem hann muni frá deginum sem bruninn á Bræðraborgarstíg varð. Verjandi fer fram á að ef hann verði fundinn sekur og ósakhæfur verði hann ekki dæmdur til öryggisgæslu.
Kjarninn 5. maí 2021
Birna Einarsdóttir bankastjóri segir ljóst að spennandi tímar séu framundan, vegna fyrirhugaðrar sölu ríkisins á hluta af hlut sínum í Íslandsbanka.
Íslandsbanki hagnaðist um 3,6 milljarða á fyrsta ársfjórðungi
Eigið fé Íslandsbanka nam 185 milljörðum króna í lok mars. Bankastjórinn segir spennandi tíma framundan, í ljósi þess að stefnt sé að skráningu bankans á verðbréfamarkað að undangengnu útboði á hluta af hlut ríkisins í honum.
Kjarninn 5. maí 2021
Meira úr sama flokkiInnlent