Einar Þór Sverr­is­son stjórn­ar­for­maður eig­anda Frétta­blaðs­ins og vara­for­maður stjórnar Vinnslu­stöðv­ar­innar hf. í Vest­manna­eyjum hefur sent frá sér yfir­lýs­ingu í kjöl­far þess að Guð­mundur Krist­jáns­son, kenndur við Brim, sak­aði blaðið um að láta störf Ein­ars fyrir Vinnslu­stöð­ina ráða frétta­flutn­ingi af meintum athuga­­semdum Sam­keppn­is­eft­ir­lits­ins við við­­skipta­hætti Guð­­mund­ar.

Einar segir að Guð­mundur ákveði að gera lítið úr öllum blaða­mönnum og rit­stjórum Frétta­blaðs­ins, vega að starfs­heiðri þeirra og dylgi um að þeir lúti boð­valdi stjórnar félags­ins varð­andi frétta­flutn­ing. Sam­kvæmt fjöl­miða­lögum séu rit­stjórnir fjöl­miðla sjálf­stæðar og lúti ekki boð­valdi eig­enda eða stjórn­ar­manna. Þær reglur eru árétt­aðar í rit­stjórn­ar­reglum Frétta­blaðs­ins og er þeim fylgt í starf­semi Frétta­blaðs­ins.

„Ég sem for­maður stjórnar útgáfu­fé­lags Frétta­blaðs­ins skrifa ekki fréttir Frétta­blaðs­ins, ákveð ekki efn­is­tök, eða veit yfir­höfuð hvað birt­ist í blaði morg­un­dags­ins. Þannig er það, hefur verið og mun verða. Störf mín fyrir Vinnslu­stöð­ina í Vest­manna­eyjum og útgáfu­fé­lag Frétta­blaðs­ins tengj­ast ekki á nokkurn hátt,“ segir Ein­ar.

Einar seg­ist oft hafa séð til þess að það fari ekki Guð­mundi vel að umgang­ast sann­leik­ann og lög og reglur með réttum hætti. Þann veik­leika sinn getur hann ekki yfir­fært yfir á aðra. Um yfir­lýs­ingu Guð­mundar verður það eitt sagt að margur heldur mig sig.“