„Stjórnarformaður Fréttablaðsins er einnig lögmaður meirihlutaeigenda Vinnslustöðvarinnar“

Guðmundur Kristjánsson hefur sent frá sér yfirlýsingu vegna forsíðufréttar Fréttablaðsins í morgun. Samkeppniseftirlitið sendi einnig frá sér tilkynningu vegna málsins.

guðmundur fréttablaðið
Auglýsing

Guð­mundur Krist­jáns­son, for­stjóri og stærsti eig­andi HB Granda, setur frétta­flutn­ing Frétta­blaðs­ins af meintum athuga­semdum Sam­keppn­is­eft­ir­lits­ins við við­skipta­hætti Guð­mundar í sam­hengi við það að Einar Þór Sverr­is­son, stjórn­ar­for­maður Frétta­blaðs­ins, sé einnig lög­fræð­ingur meiri­hluta­eig­enda í Vinnslu­stöð­inni í Vest­manna­eyj­um. Guð­mundur hefur lengi átt í ill­deilum við þann hóp, en hann var minni­hluta­eig­andi í Vinnslu­stöð­inni þar til í vik­unni, þegar hann seldi þann hlut á 9,4 millj­arða króna til FISK Seafood, útgerð­­ar­hluta Kaup­­fé­lags Skag­­firð­inga.

Í frétt Frétta­blaðs­ins sagði að Sam­keppn­is­eft­ir­litið hefði gert fjórar alvar­­legar athuga­­semdir við við­­skipta­hætti Guð­­mundar Krist­jáns­­son­­ar, aðal­­eig­anda Brims og HB Granda, og segir að ef frum­mat ­stofn­un­­ar­innar sé á rökum reist sé um að ræða „al­var­­leg brot“ á sam­keppn­is­lög­­um.

Nið­ur­staða í mál­inu liggur ekki fyrir

Eft­ir­litið sendi sjálft frá sér til­kynn­ingu í dag vegna umfjöll­un­ar­innar þar sem segir að til­kynnt hafi verið um það í júlí til kaup­hallar og birt opin­ber­lega að til skoð­unar væru mál tengd Guð­mundi. Einkum væri til skoð­unar hvort breyt­ingar hafi orðið á yfir­ráðum í HB Granda þegar Brim eign­að­ist veru­legan hlut í félag­inu í maí síð­ast­liðnum og tengsl fyr­ir­tækja í gegnum eign­ar­hluti og stjórn­ar­setu Guð­mundar sem til staðar voru á þeim tíma eða áður. 

Auglýsing
Í til­kynn­ingu Sam­keppn­is­eft­ir­lits­ins seg­ir: „Rétt er taka skýrt fram að end­an­leg nið­ur­staða í fram­an­greindu máli liggur ekki fyr­ir. Það frum­mat sem kynnt var aðilum máls byggði á fyr­ir­liggj­andi upp­lýs­ingum á þeim tíma. Var frummatið sett fram til þess að gefa hlut­að­eig­andi aðilum tæki­færi til þess bregð­ast við því og koma skýr­ingum og sjón­ar­miðum á fram­færi. Af eðli máls leiðir að umrætt frum­mat getur því breyst.

Aðilar máls­ins hafa nú komið á fram­færi skýr­ingum og sjón­ar­miðum vegna máls­ins, þ.á.m þess efnis að Guð­mundur var geng­inn úr stjórn Vinnslu­stöðv­ar­innar þegar athugun Sam­keppn­is­eft­ir­lits­ins hófst. Er Sam­keppn­is­eft­ir­litið nú að fara yfir fram komnar skýr­ingar og upp­lýs­ingar og afla frek­ari upp­lýs­inga áður en ákvörðun verður tekin um hvort þörf sé íhlut­unar í mál­in­u.“

Stjórn­ar­for­maður er lög­fræð­ingur VSV

Guð­mundur sendi síðan sjálfur til­kynn­ingu rétt eftir hádegi í dag. Þar segir að Sam­keppn­is­eft­ir­litið hafi kaup Brims á hluta­bréfum í HB Granda í athugun og hafi sent félög­unum af því til­efni erindi í júlí á þessu ári. „Þar kemur fram að Sam­keppn­is­eft­ir­litið skoðar fjögur atriði. Í fyrsta lagi hvort til­kynn­ing­ar­skyldur sam­runi hafi átt sér stað þegar Brim hf. eign­að­ist þann 4.maí 34 pró­sent hlut í HB Granda. Það er enn í skoð­un.

Í öðru lagi hvort það stand­ist 10.gr. sam­keppn­islaga að aðal­eig­andi Brims hf. sé for­stjóri HB Granda. Það er enn í skoð­un.

Auglýsing
Í þriðja lagi hvort að stjórn­ar­seta aðal­eig­andi Brims hf. í stjórn Vinnslu­stöðv­ar­innar brjóti gegn 10.gr. sam­keppn­islaga. Það er rangt að Guð­mundur Krist­jáns­son hafi í vor verið í stjórn Vinnslu­stöðv­ar­innar og þarfn­ast því ekki frek­ari skoð­un­ar.

Í fjórða lagi er athugað hvort að til­kynn­inga­skyldur sam­runi hafi átt sér stað þegar Brim hf. keypti allt hlutafé í Ögur­vík árið 2016. Sam­skipti áttu sér stað við Sam­keppn­is­eft­ir­litið á þeim tíma og var það sam­eig­in­leg nið­ur­staða þá að þessi við­skipti væru ekki til­kynn­inga­skyld og er það atriði ekki lengur til skoð­un­ar.“

Síðan segir Guð­mundur að málið hafi verið til umfjöll­unar í fjöl­miðlum í byrjun júlí á þessu ári og þá hafi hann sagt í við­tali við Morg­un­blaðið að eðli­legt væri að eft­ir­lits­stofn­anir væru að fylgj­ast með við­skipta­líf­inu og er hann enn þeirrar skoð­un­ar. „En vegna for­síðu­fréttar Frétta­blaðs­ins má geta þessa að stjórn­ar­for­maður Frétta­blaðs­ins er einnig lög­maður meiri­hluta­eig­enda Vinnslu­stöðv­ar­innar  í Vest­manna­eyjum hf. og vara­for­maður stjórnar VSV.“



Einar Óli – „Mind like a maze“
Húsvíkingur safnar fyrir sinni fyrstu plötu.
Kjarninn 21. júlí 2019
Eigið fé Síldarvinnslunnar 42 milljarðar króna
Hagnaður Síldarvinnslunnar jókst í fyrra frá árinu á undan, um 21 prósent. Hagnaðurinn var 4,1 milljarður króna.
Kjarninn 21. júlí 2019
Bókasafn framtíðarinnar
Hundrað handrit eftir hundrað af þekkustu rithöfundum samtímans verða geymd í Bókasafni framtíðarinnar í hundrað ár.
Kjarninn 21. júlí 2019
Umdeild græn skírteini skila 850 milljónum í hagnað á ári
Upprunaábyrgð raforku, eða svokölluð græn skírteini, hefur verið hampað sem ein af lykilstoðunum í baráttunni við loftslagsbreytingar og lastað sem aflátsbréf í loftslagsmálum.
Kjarninn 21. júlí 2019
Hundruð milljarða til að verjast sjónum
Vegna hækkandi sjávarborðs þurfa Danir að eyða milljörðum til að koma í veg fyrir að sjórinn leggi undir sig stórt landsvæði.
Kjarninn 21. júlí 2019
Kristbjörn Árnason
Peningaelítan á í heiftugri baráttu um völdin á fjármálakerfinu
Kjarninn 20. júlí 2019
Rafbílasala heldur áfram að aukast
Hreinir rafmagnsbílar, tengiltvinnbílar og hybrid bílar voru 22 prósent af heildar fólksbílasölu fyrstu sex mánuði ársins. Ríkisstjórnin hefur sett sér það markmið að árið 2030 verði 100.000 skráðir rafbílar og önnur vistvæn ökutæki hér á landi.
Kjarninn 20. júlí 2019
Össur kaupir fyrirtæki í Detroit
Markaðsvirði Össurnar hefur aukist mikið að undanförnu en félagið er skráð á markað í Kaupmannahöfn.
Kjarninn 20. júlí 2019
Meira úr sama flokkiInnlent