Morðið á Nedim Yasar

Þann 19. nóvember síðastliðinn var Nedim Yasar skotinn til bana eftir útgáfuhóf sitt. Hann var þekktur í undirheimum Kaupmannahafnar en bókin hans Rødder fjallar um líf hans þar og þá ákvörðun að snúa baki við undirheimalífinu.

Nedim Yasar
Nedim Yasar
Auglýsing

Mánu­dags­kvöld­ið 19. nóv­em­ber síð­ast­lið­inn var haldið hóf í Kaup­manna­höfn. Til­efnið var útkoma nýrr­ar ­bók­ar, Rødd­er. Tíu mín­útum eftir að hóf­inu lauk lá höf­undur bók­ar­innar örendur við bíl sinn. Skot­inn í höf­uð­ið.

Nedim Yasar, sem skot­inn var til bana þetta mánu­dags­kvöld, var ekki þekktur rit­höf­und­ur. Rødder – en gangsters udvej (Rætur – útleið ­glæpa­manns) var fyrsta og jafn­framt eina bók hans. Hann var hins vegar þekkt­ur í und­ir­heimum Kaup­manna­hafnar en bókin fjallar um líf hans þar og þá ákvörð­un að snúa baki við und­ir­heima­líf­inu.

Nedim Yaser fædd­ist í Tyrk­landi árið 1987 en flutt­ist með­ ­for­eldrum sínum til Dan­merkur árið 1991. Fjöl­skyldan sett­ist að í Ball­er­up, ­skammt norðan við Kaup­manna­höfn. Íbúðin var í blokk og nær allir íbú­arnir þar, og einnig í tveimur öðrum blokkum í næsta nágrenni,  tyrk­neskir inn­flytj­end­ur. Nedim umgekkst nær ein­göngu tyrk­neska stráka sem bjuggu í blokk­unum þrem­ur. Þeir voru, að sögn Nedims, ­uppi­vöðslu­samir og lentu fljótt upp á kant við kenn­ara og skóla­yf­ir­völd. Mörg­um þess­ara stráka var vísað úr skóla, þar á meðal Nedim, þá var hann fimmtán ára. Hann hafði skvett kakói yfir einn kennar­ann. Eitt helsta athvarf strák­anna eftir að ­skóla lauk á dag­inn var að fara í ung­linga­klúbb­inn í hverf­inu. Nedim segir frá­ því  í bók sinni að eftir að hann var rek­inn úr skól­anum hékk hann heima eða var úti með jafn­öldrum, sem líka hafð­i verið vísað úr skóla, þangað til ung­linga­klúbb­ur­inn var opn­aður síð­degis. Einn dag­inn þegar þeir félagar komu að dyr­unum á klúbbnum var þeim sagt að þeir ­fengju ekki að koma inn, hvorki í dag né fram­veg­is. Ástæðan var sú að aðr­ir krakkar væru hræddir við þá tyrk­nesku sem voru yfir­gangs­samir og stríddu þeim yngri.

Auglýsing

Voru ann­ars flokks borg­arar 

Í út­varps­við­tali mörgum árum seinna sagði Nedim að litið hefði verið niður á Tyrk­ina í hverf­inu, þeir hefðu verið kall­aðir ,,fuck­ing perkere“ og sagt að þeir ættu að hypja sig heim til Tyrk­lands. ,,Mamma þorði ekki ein út í búð, vild­i alltaf að ég færi með sér.“ En við Tyrkirnir héldum saman og hjálp­uðum hver öðr­um. Þetta var ekki skemmti­legt líf og dag­arnir hver öðrum lík­ir. Við ­skynj­uðum að við vorum ann­ars flokks borg­arar í Dan­mörku.“

Sog­að­ist inn í vafa­saman félags­skap

Dag nokk­urn, ­Nedim var ekki orð­inn sextán ára, gáfu nokkrir eldri piltar sig á tal við Nedim og félaga hans. Strák­arn­ir, sem alltaf voru skít­blankir kunnu vel að meta þessa ­at­hygli þeirra eldri sem virt­ust hafa næga pen­inga, áttu meira að segja bíla, ­svarta kagga eins og sáust í amer­ískum gang­ster­kvik­mynd­um. ,,Við vorum hissa á þessum vin­gjarn­leg­heitum en veltum því svo sem ekki mikið fyrir okk­ur. Einn dag­inn kom hins vegar að því að þeir eldri gerðu strák­unum grein fyrir því að þeir skuld­uðu þeim greiða. ,, Við þorðum ekki að mót­mæla, vorum hræddir um að missa félags­skap­inn og yrði hafnað eins og oft hafði gerst. Með þessum hætt­i sog­uð­umst við inn í afbrota­heim­inn.“

Los Guer­reros

Nedim elt­ist og þroskað­ist. Skyndi­lega hafði hann pen­inga milli hand­anna og ók um á svört­u­m kagga. Pen­ing­ana þén­aði hann á hass­sölu, mikla pen­inga. En hann sá að ­for­ingj­arn­ir, þeir sem stjórn­uðu söl­unni þén­uðu marg­falt meira. Átján ára hlaut hann tveggja ára fang­els­is­dóm fyrir lík­ams­árás.  ­Skömmu eftir að hann var lát­inn laus bauðst honum að verða félagi í glæpa­geng­inu Bandidos. En Nedim dreymdi um að verða for­ingi og í stað þess að ­ganga til liðs við Bandidos varð hann for­ingi  Los Guer­reros – Stríðs­mann­anna sem var eins ­konar stuðn­ings­hópur Bandidos. Nú var hann kom­inn í hóp þeirra sem lokk­uðu til­ sín unga drengi, með nákvæm­lega sömu aðferðum og not­aðar höfðu verið á hann ­sjálf­an. Yngri bróðir Nedim varð líka félagi í Los Guer­rer­os. Nedim sagði að ­móðir sín hefði verið mjög ósátt við þá bræður ,,en okkur var slétt sama um það og að lokum hætti hún alveg að skipta sér af okk­ur.“ 

Sneri við blað­inu

Útvarpsstöðin sem Nedim Yasar vann hjáVorið 2012, sat Nedim, þá orð­inn 25 ára, í fang­elsi i Køge. Dag einn sá hann í sjón­varp­inu sagt frá sér­stöku verk­efni á vegum danskra ­stjórn­valda. Verk­efnið var ætlað þeim sem vildu segja skilið við heim glæpa og af­brota. ,,Ég hafði oft velt því fyrir mér að segja skilið við glæpa­heim­inn og þarna sá ég skyndi­lega mögu­leik­ann“ sagði Nedim í við­tali við danskt dag­blað. Þegar afplán­un­inni lauk skráði hann sig í Exit programmet, eins og verk­efn­ið ­nefn­ist. Það var ekki auð­velt, gömlu félag­arnir vildu fá hann aftur í fé­lags­skap­inn og hót­uðu honum ,, ég svaf með hníf undir kodd­anum mán­uð­u­m ­sam­an“.

Exit- verk­efnið er sér­sniðið fyrir hvern og einn og áhugi Nedim beind­ist að kennslu og því að starfa með vand­ræðaung­ling­um, eins og hann orð­aði það sjálf­ur. Hann þurfti hins­vegar að ljúka grunn­skóla­námi áður en lengra yrði hald­ið. Eftir að hafa lokið grunn­skóla­próf­inu sett­ist hann í und­ir­bún­ings­deild kenn­ara­skól­ans Campus Carls­berg í Kaup­manna­höfn og  hóf ­síðan kenn­ara­nám við sama skóla. Með­fram nám­inu var Nedim þátta­stjórn­andi hjá út­varps­stöð­inni Radi­o24­syv, sá ásamt tveimur öðrum um þátt­inn Politiradio. Við þessa þátta­gerð naut Nedim þekk­ingar sinnar á und­ir­heimunum og því sem þar fer fram. 

Bókin

Marie Lou­ise Toksvig, sam­starfs­kona Nedim hjá Radi­o24­syv hvatti hann til að skrifa bók um líf sitt. Marie Lou­ise hefur ára­tuga reynslu í blaða­mennsku og hefur skrifað nokkrar bæk­ur, úr varð að hún skrif­aði bók­ina sem ber heitið Rødder – en gangsters udvej. Í bók­inni, sem kom út þriðju­dag­inn 20. nóv­em­ber, segir Nedim frá æsku sinni og upp­vexti, hvernig hann dróst inn í heim glæpa og afbrota og hvernig honum tókst að finna leið­ina til baka til sam­fé­lags­ins, eins og hann komst að orði. Í bók­inni nafn­greinir hann hvorki ein­stak­linga né sam­tök en segir hins­vegar ítar­lega frá ,,vinnu­að­ferð­um“ glæpa­gengj­anna eins og hann kynnt­ist þeim.

Rødder, bók Nedim Yasar. Mynd:EPA

Bjóst við hinu versta

Að sögn Mari­e Lou­ise  Toksvig vildi Nedim hvorki fara huldu höfði né njóta lög­reglu­vernd­ar. Í bók­inni kemur fram að for­ingjar danskra ­glæpa­gengja líti nán­ast á það sem dauða­sök að yfir­gefa félags­skap­inn. Mari­e Lou­ise Toksvig sagði í við­tali við dag­blaðið Berl­ingske að Nedim hefði upp­á­ ­síðkastið oft talað um að ,,þeir“ kæmu á eftir sér og í við­tali við Ekstra ­Blaðið vegna útkomu bók­ar­innar sagð­ist hann vita að ekki væru allir fyrr­ver­and­i ­fé­lagar sínir hrifnir af því að hann segði frá aðferðum þeirra. Í síð­ustu viku ­sýndi DR, danska sjón­varp­ið, heim­ilda­þátt um Nedim Yas­ar. Þátt­ur­inn var að ­miklu leyti byggður á við­tali frétta­manns DR við Nedim en við­talið var tek­ið fjórum dögum áður en hann dó. Þar sagði hann frá því að fyrir rúmu ári hefð­i ­maður vopn­aður hnífi bankað á úti­hurð­ina en lagt á flótta þegar Nedim sner­ist til varn­ar.

Mað­ur­inn ­sem skaut Nedim Yasar var einn að verki, að sögn sjón­ar­votta. Eftir að hafa hleypt af tveimur skotum sem bæði hæfðu Nedim hvarf mað­ur­inn út í myrkrið og hefur ekki náðst. 

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Icelandair Group er efst á lista, enda með meira en eitt og hálft prósent íslenska vinnumarkaðarins í hlutastarfi í mars og apríl.
Fyrirtækin sem fengu mest út úr hlutabótaleiðinni í mars og apríl
Í skýrslu Ríkisendurskoðunar um hlutabótaleiðina má finna niðurbrot á því hversu mikið fé rann frá Vinnumálastofnun til starfsmanna fyrirtækja sem nýttu hlutabótaleiðina í mars og apríl. Kjarninn tók það helsta saman.
Kjarninn 28. maí 2020
Samkeppniseftirlitið sektar Símann um 500 milljónir
Samkvæmt Samkeppniseftirlitinu hefur Síminn brotið gegn skilyrðum í sáttum sem fyrirtækið hefur á undanförnum árum gert við eftirlitið. Það telur að brotin séu alvarleg og sektar Símann vegna þessa um 500 milljónir króna. Síminn ætlar að áfrýja.
Kjarninn 28. maí 2020
Skúli Eggert Þórðarson er ríkisendurskoðandi.
Talin hafa breytt launaseðlum til að ná hærri greiðslum úr ríkissjóði vegna hlutabótaleiðar
Ríkisendurskoðun telur að leiða megi líkum að því að ákveðinn hópur sem nýtti sér hlutabótaleiðina hafi breytt áður uppgefnum launum til hækkunar svo þeir myndu fá hærri greiðslur úr ríkissjóði. Hækkunin í heild nemur 114 milljónum króna.
Kjarninn 28. maí 2020
Oddný G. Harðardóttir vill að uppsagnarstyrkjum verði breytt.
Vill banna þeim sem átt hafa í fjárhagslegum tengslum við skattaskjól að fá uppsagnarstyrk
Oddný G. Harðardóttir hefur lagt fram breytingartillögu við frumvarp um stuðning úr ríkissjóði vegna greiðslu launakostnaðar í uppsagnarfresti. Kallar eftir aðgerðum fyrirtækja í loftslagsmálum, endurgreiðslu styrkja og þaki á laun stjórnenda.
Kjarninn 28. maí 2020
Svört skýrsla um hlutabótaleiðina sýnir grun um misnotkun
Ríkisendurskoðun gagnrýnir framkvæmd hlutabótaleiðarinnar harðlega í skýrslu sem hún hefur unnið. Of margir sem áttu ekki í bráðum rekstrarvanda hafi nýtt sér hana til að sækja fjármuni í ríkissjóð og misbrestur hafi verið á eftirliti.
Kjarninn 28. maí 2020
Smári McCarthy, þingmaður Pírata.
Hægt sé að lesa á milli línanna og sjá hvaða fyrirtæki uppsagnarstyrkir séu hugsaðir fyrir
Þingmaður Pírata telur líklegt að sagan muni dæma frumvarp um að greiða 27 milljarða króna í styrkti til fyrirtækja til að hjálpa þeim að segja upp fólki, sem mistök. Stöðugleika þorra launamanna sé fórnað fyrir hagsmuni nokkurra fyrirtækjaeigenda.
Kjarninn 28. maí 2020
Framhaldsskólinn var styttur úr fjórum árum í þrjú.
Vísbendingar um lægri meðaleinkunn í HÍ eftir styttingu framhaldsskólanáms
Andlegri heilsu nemenda, aðallega stúlkna, hefur hrakað frá því að framhaldsskólanámið var stytt um eitt ár. Sú þróun hófst þó talsvert fyrr en námstímanum var breytt, segir í skýrslu menntamálaráðherra um áhrif styttingarinnar á ýmsa þætti.
Kjarninn 28. maí 2020
Tæknivarpið
Tæknivarpið
Tæknivarpið – Apple gleraugu á leiðinni
Kjarninn 28. maí 2020
Meira úr sama flokkiFréttaskýringar