Þrettán nemendafélög gagnrýna niðurskurð til Rannsóknasjóðs

Þrettán nemendafélög lýsa yfir áhyggjum af fyrirhuguðum niðurskurði til Rannsóknasjóðs í fjárlögum 2019. Samkvæmt nemendafélögunum mun niðurskurðurinn hafa gríðarleg áhrif á doktorsnám í landinu, snarminnka möguleika til rannsókna og veikja háskólana.

Háskóli
Auglýsing

Þrettán nem­enda­fé­lög um land allt lýsa yfir alvar­legum áhyggjum vegna fyr­ir­hug­aðs nið­ur­skurðar til Rann­sókna­sjóðs í fjár­lögum 2019. Í fjár­lög­unum er fyr­ir­hugað að skera niður fjá­magn til Rann­sókna­sjóðs um 147 millj­ónir króna nið­ur­skurði. Í yfir­lýs­ingu frá nem­enda­fé­lög­unum segir að þetta sé mikið högg fyrir íslenskt fræða­sam­fé­lag sem reiðir sig í stórum stíl á þennan sjóð. Þau lýsa yfir sér­stökum áhyggjum af stöðu dokt­or­snema og nýrann­sak­anda, en sá hópur byggir afkomu sína nær algjör­lega á úthlut­unum úr sam­keppn­is­sjóð­um.

„Í stóra sam­hengi fjár­laga hljómar þetta kannski ekki sem ­mikil fjár­hæð en fyrir þá sem reiða sig á sjóð­inn er um gríð­ar­legar fjár­hæðir að ræða. Sé talan ­sett í sam­hengi við árs­laun þá kemur í ljós að með þess­ari fjár­hæð væri hægt að fjár­magna tæp ­þrjá­tíu árs­laun dokt­or­snema eða tutt­ugu og ein árs­laun nýdokt­ora.“ segir í yfir­lýs­ing­unni.

Skora á þing­menn að leið­rétta fram­lög til mennta­mála

Nem­enda­fé­lögin taka undir það sem stendur í fjár­mála­áæltun rík­i­s­tjórn­ar­innar fyrir árin 2019 til 2023.„Fjár­mögnun dokt­or­snema er ótrygg og nýliðun akademískra starfs­manna víða ófull­nægj­and­i. Þetta skapar hættu á að sú nýja þekk­ing sem gjarnan fylgir ungum vís­inda­mönnum skili sér­ illa inn í háskól­ana og að það dragi úr tengslum við erlent fræða­sam­fé­lag.“ segir í áætlun rík­i­s­tjórn­ar­inn­ar.

Auglýsing

Í yfir­lýs­ingu nem­enda­fé­lag­anna segir að á seinust­u árum hefur árang­urs­hlut­fall úr Rann­sókna­sjóð lækkað veru­lega, úr 29,6 pró­sentum árið 2015 í 18,4 pró­sent í ár, jafn­vel þó að ekki hafi verið skorið niður til sjóðs­ins að ráði. Því fyll­yrða þau að ef af ­fyr­ir­hug­uðum nið­ur­skurði verði þá sé  ljóst að árang­urs­hlut­fallið mun lækka veru­lega. 

„Við teljum ljóst að fyr­ir­hug­aður nið­ur­skurð­ur­ muni hafa gríð­ar­leg áhrif á dokt­ors­nám í land­inu þar sem brott­fall mun að öllum lík­ind­um aukast og nýliðun minnka. Mögu­leikar nýrann­sak­enda munu að sama skapi snar­minnka sem mun valda atgervis­flótta og veikja vís­inda­rann­sóknir og háskól­ana til lang­frama. Við skor­um því á þing­menn að leið­rétta fram­lög til mennta­mála svo að unnt sé að veita nægi­leg fram­lögtil rann­sókna og vís­inda við háskóla og fræða­stofn­anir á Ísland­i.“ segir að lokum í yfir­lýs­ingu.

Undir yfir­lýs­ing­una rita:

  • Fedon – félag dokt­or­snema og nýrann­sak­enda við Háskóla Íslands

  • Stúd­enta­ráð Háskóla Íslands

  • LÍS – Lands­sam­tök íslenskra stúd­enta

  • SÍNE – Sam­band íslenskra náms­manna erlendis

  • RUPA – félag dokt­or­snema við Háskól­ann í Reykja­vík

  • Arkímedes – félag dokt­or­snema við Verk­fræði- og nátt­úru­vís­inda­svið Háskóla Íslands

  • DNR/HVS – dokt­or­snema­ráð Heil­brigð­is­vís­inda­sviðs Háskóla Íslands

  • Félag dokt­or­snema á Mennta­vís­inda­sviði Háskóla Íslands

  • Hug­dok – félag dokt­or­snema og nýrann­sak­enda við Hug­vís­inda­svið Háskóla Íslands

  • Seigla: Félag dokt­or­snema á Félags­vís­inda­sviði Háskóla Íslands

  • Nem­enda­fé­lag Háskól­ans á Bif­röst

  • Stúd­enta­fé­lag Háskól­ans á Akur­eyri

  • Stúd­enta­fé­lag Háskól­ans í Reykja­vík

Halfdan Rasmussen, eitt vinsælasta skáld Dana.
Hvað gera Kasper, Jesper og Jónatan nú
Danska forlagið Gyldendal ákvað að sleppa átta ljóðum úr safni ljóða eftir skáldið Halfdan Rasmussen, þau eiga það sameiginlegt að í þeim koma fyrir orðin negri og hottintotti. Sú ákvörðun forlagsins hefur vakið mikla athygli í Danmörku.
Kjarninn 19. maí 2019
Áhætta á fasteignamarkaði
Nýjasta spá Hagstofu Íslands um þróun mála í efnahagslífinu bendir til þess að fasteignamarkaðurinn gæti átt erfitt uppdráttar á næstu misserum.
Kjarninn 19. maí 2019
Hatari veifaði Palestínufánum
Liðsmenn Hatara héldu á fána Palestínu þegar tilkynnt var um stigin úr símakosningunni í Eurovison í kvöld. Hatari hafnaði í 10. sæti í keppninni.
Kjarninn 19. maí 2019
Fjárhagslegur ávinningur er af sameiginlegum lyfjainnkaupum
Svandís Svavarsdóttir segir að það bæði ríkissjóður og notendur lyfja muni njóta góðs af samstarfi við hin Danmörk og Noreg um innkaup á lyfjum. Innkaup verði hagstæðari og öryggi í afhendingu meira.
Kjarninn 18. maí 2019
Hlutdeild ferðaskrifstofa í heildarneyslu ferðamanna rúmlega tvöfaldast
Hver ferðamaður sem kom til landsins árið 2017 varði 19 prósent af heildarneyslu sinni í ferðaskrifstofur. Þá hefur hlutdeild ferðaskrifstofa í heildarneyslu erlendra ferðamanna rúmlega tvöfaldast á níu árum.
Kjarninn 18. maí 2019
Starfsfólk ráðuneytanna ólíklegt til að tilkynna #metoo-mál
Skýrsla um #metoo og Stjórnarráð Íslands sem vinnustað var kynnt í ríkisstjórn í gærmorgun.
Kjarninn 18. maí 2019
Íhaldssamt öfga-hægri sem stendur gegn kvenfrelsi
Svandís Svavarsdóttir heilbrigðisráðherra segir að orðræða sumra þingmanna um þungunarrofsfrumvarpið endurspegli bakslag í íslenskum stjórnmálum og pólitíska sveiflu íhaldssamra öfga-hægri sjónarmiða.
Kjarninn 18. maí 2019
Klikkið
Klikkið
Klikkið - Viðtal við Ágúst Kristján
Kjarninn 18. maí 2019
Meira úr sama flokkiInnlent