Banda­ríska skutl­fyr­ir­tæk­ið U­ber hefur hafið und­ir­bún­ing fyrir skrán­ingu félags­ins á hluta­bréfa­mark­að. Fyr­ir­tækið skil­aði inn fyrstu útboðs­gögnum á fimmtu­dag sam­kvæmt frétt Reuters en stefnt er að félagið verði skrá á markað snemma á næsta ári. 

Lyft stefnir einnig á skrán­ingu á hluta­bréfa­markað

Sama dag til­kynnti Lyft, hel­sti keppi­nautur Uber, að fyr­ir­tækið hefði einnig sótt um skrán­ingu. Sam­kvæmt um­fjöll­un Reuter­s stendur til að ráða stór­bankana Morgan St­anley og ­Gold­man Sachs til þess að hafa umsjón með skrán­ing­unni sem gæti orðið sú stærsta í banda­ríska tækni­geir­anum í nokkur ár.

Uber verður tíu ára á næsta ári en félagið er þegar orðið að risa­fyr­ir­tæki. Skutl­þjón­usta U­ber er í boði í yfir sjö­tíu löndum en Lyft býður aðeins upp á þjón­ustu sína í Banda­ríkj­unum og Kanada. Lyft stefnir að því að skrá félagið á hluta­bréfa­markað í mars eða apríl á næst ári en von er á að skrán­ing U­ber verði um svipað leyti.

Allt að 120 millj­arða dala virði 

Uber var metið á 76 millj­arða dala í síð­ustu fjár­mögn­un­ar­lotu og gæti fyr­ir­tækið reynst allt að 120 millj­arða dala virði í frumút­boð­in­u. Í fyrsta skulda­bréfa­út­boð­i U­ber í októ­ber seldi félagið skulda­bréf fyrir tvo millj­arða dala, jafn­virði 234 millj­arða króna og eft­ir­spurnin reynd­ist meiri en gert hafði verið ráð fyr­ir.

Gert er ráð fyrir að tekj­ur U­ber verði á bil­inu 10 til 11 millj­arðar dala í ár borið saman við 7,8 millj­arða dala í fyrra. Félag­inu hefur ekki enn tek­ist að skila hagn­aði.

Fjöldi hneyksl­is­mála 

Aukið eft­ir­lit og ­at­hygl­i ­fylgir því að skrá félag á hluta­bréfa­markað en röð hneyksl­is­mála hafa fylgt  Uber á síð­ustu árum. Fyr­ir­tækið hefur m.a. þurft að greiða 56 fyrr­ver­andi og núver­andi starfs­mönnum 200 millj­ónir króna í skaða­bætur vegna kyn­ferð­is­legrar áreitni. Auk þess varð sjálf­keyr­andi bíll ­fyr­ir­tæk­is­ins ­konu að bana fyrr á þessu ári. U­ber ­stöðv­aði til­raunir sínar með sjálf­keyr­andi bíla í nokkrum borgum í Banda­ríkj­unum eftir banaslys­ið. ­Fé­lagið hefur reynt að rétta úr kútnum m.a. með því að ráða Dara K­horosrows­hahi sem stjórn­anda fyr­ir­tæk­is­ins.

Uber hefur bætt ýmsu við þjón­ustu sína á síð­ustu árum, til dæmis með því bjóða upp mat­ar­send­ingar og leigu á raf­magns­hjólum og vespum. Félagið kynnti síðan í síð­ustu viku til sög­unn­ar U­ber ­stræt­is­vagna­þjón­ustu í Ka­író. munu not­endur í höf­uð­borg Egypta­lands geta pantað far með smárútu og sér for­rit U­ber um að smala saman í eina rútu fólki sem er á sömu leið.