Vextir óverðtryggðra lána hækkað um allt að 1,25 prósentustig á árinu

Hjá bönkum landsins hafa fastir vextir óverðtryggðra lána hækkað mest allra vaxta. Frá janúar 2018 hafa fastir vextir óverðtryggðra lána hækkað um 1,25 prósentustig hjá Íslandsbanka og eru nú hæstir vaxta eða 7,40 prósent í desember.

Birna Stefánsdóttir 17. desember 2018

Vextir óverðtryggðra lána hafa hækkað mest allra vaxta hjá bönkum landsins, Arion banka, Landsbankanum og Íslandsbanka árið 2018. Vextir óverðtryggðra íbúðalána, bæði fastir og breytilegir, eru nú komnir yfir 6 prósent hjá öllum bönkunum. Mest hafa fastir vextir óverðtryggðra lána hækkað en hjá Íslandsbanka hækkuðu þeir vextir um 20 prósent á árinu 2018 eða um 1,25 prósentustig og um 1 prósentustig hjá Arion banka. Fastir vextir óverðtryggðra lána í Íslandsbanka eru nú hæstu íbúðalánavextir lánsins eða 7,40 prósent. Þetta má sjá í samantekt Aurbjargar um vaxtaþróun íbúðalána hjá bönkunum árið 2018. Tekin voru saman grunnlán íbúðalána, óverðtryggt, verðtryggt, breytilegir vextir og fastir vextir í 5 ár.

Vextir óverðtryggðra lána allt að 7,40 prósent

Í heildina hafa íbúðalánavextir hækkað mest hjá Arion Banka á árinu 2018 en vextir óverðtryggðra lána, bæði fastir og breytilegir, hækkuðu um 1 prósentustig hjá bankanum á árinu. Vextir verðtryggðra lána hækkuðu einnig hjá Arion banka á árinu, um 0,24 prósentustig og 0,17 prósentustig

Mest hafa fastir vextir á óverðtryggðum lánum hækkað hjá Íslandsbanka en þeir vextir hafa hækkað um 1,25 prósentustig frá janúar 2018 og voru 7,40 prósent þann 16. desember 2018. Fastir vextir óverðtryggðra lána hjá Arion banka hækkuðu um 1 prósentustig á árinu og fóru úr 5,95 prósentum í 6,95 prósent. Hjá Landsbankanum hækkuðu sömu vextir um 0,75 prósentustig og eru nú 6,80 prósent.

Tölur frá Aurbjörgu

Breytilegir vextir óverðtryggðra lána hafa hækkað mest hjá Arion banka eða um 1 prósentustig frá janúar 2018. Arion er með hæstu breytilegu vextina á óverðtryggðum lánum eða 6,60 prósent þann 16.desember 2018. Hjá Landsbankanum og Íslandsbanka hafa sömu vextir hækkað um 0,25 prósentustig og eru nú 6 prósent hjá báðum bönkunum.

Vextir verðtryggðra lána ekki hækkað jafn mikið.

Vextir hafa hækkað minna þegar kemur að verðtryggðum lánum hjá bönkunum. Ef bornir eru saman vextir í janúar 2018 og vextir þann 16. desember 2018 má sjá að vextir verðtryggðra lána hafa hækkað mest hjá Arion banka. Breytilegir vextir verðtryggðra lána hafa hækkað um 0,24 prósentustig hjá Arion Banka og er nú 3,89. Hjá hinum bönkunum hafa sömu vextir aftur á móti lækkað eilítið, breytilegir vextir verðtryggðra lána hafa lækkað um 0,05 prósentustig hjá Íslandsbanka og 0,1 prósentustig hjá Landsbankanum, eru nú 3,6 prósent og 3,55 prósent.

Verðtryggð lán með föstum vöxtum hafa hækkað um 0,17 prósentustig frá janúar 2018 hjá Arion banka og vextirnir komnir upp í 3,97 prósent. Fastir vextir verðtryggðra lána hafa hins vegar lækkað eilítið frá janúar 2018 hjá Íslandsbanka um 0,1 prósentustig og Landsbankanum um 0,2 prósentistig.

Mikil aukning í óverðtryggðum íbúðalánum

Í mánaðarskýrslu Íbúðarlánasjóðs um húsnæðismarkaðinn sem birt var í síðustu viku kom fram að mikil aukning hefur verið í óverðtryggðum lánum á nýliðnum haustmánuðum. Í októbermánuði námu ný íbúðalán, að frádregnum umfram- og uppgreiðslum eldri lána, alls um 14,3 milljörðum króna en þar af voru óverðtryggð lán að fjárhæð 13,4 milljörðum króna.

Mynd: Íbúðalánasjóður Óverðtryggð lán voru því um 94 prósent af hreinum nýjum íbúðalánum fjármálastofnana til heimilanna í október. Í heildina eru íbúðalán heimila landsins um 79 prósent verðtryggð á móti 21 prósent óverðtryggðra.

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.

Já takk, ég vil styrkja Kjarnann!

Orðafjöldi: 588 Færslan var síðast uppfærð: 17. desember 2018, kl. 13:27
Færslan birtist fyrst: 17. desember 2018, kl. 11:30

Athugasemd frá ritstjórn: Í upprunalegu fréttinni stóð að vextir lána höfðu hækkað um 1,25 prósent en rétt er að vextir lána hafa hækkað um 1,25 prósentustig.