Freyja: Orðræðan sársaukafull fyrir þolendur og viðheldur ofbeldismenningu

Orðræðan um að ekki allir þingmenn eða karlar séu blindfullir á bar að tala með ofbeldisfullum hætti um konur og jaðarsetta hópa getur verið afar sársaukafull fyrir þolendur, að mati Freyju Haraldsdóttur.

Freyja Haraldsdóttir
Freyja Haraldsdóttir
Auglýsing

Freyja Har­alds­dótt­ir, ­fyrr­ver­andi vara­þing­maður Bjartrar fram­tíðar og þekkt bar­áttu­kona fyrir auknum mann­rétt­indum fatl­aðra, seg­ir að orð­ræðan um ekki allir þing­menn eða karlar séu blind­fullir á bar að tala með ofbeld­is­fullum hætti um konur og jað­ar­setta hópa geti verið afar sárs­auka­full fyrir þolendur og að hennar mati við­heldur hún ofbeld­is­menn­ingu. Orð­ræðan snúi athygl­inni að van­líðan fólks í for­rétt­inda­stöðu en ekki þeirra sem ganga í gegnum alls konar afleið­ingar þess­ara atburða. Þetta kemur fram í stöðu­upp­færslu Freyju á Face­book. 

„Í þessu Klaust­ur­máli hafa karl­menn í umförm­um, líka karl­menn sem ég þekki vel og þykir vænt um, stigið fram eða tekið sér pláss til þess að segja að ekki allir karlar séu eins og þeir þing­menn sem sátu og spúðu hatri á Klaust­ur. Þá hafa þing­menn og fyrrum þing­menn einnig komið fram með yfir­lýs­ingar um að ekki allir þing­menn séu blind­fullir á bar að tala með ofbeld­is­fullum hætti um konur og jað­ar­setta hópa,“ segir Freyja. 

Hún bendir á að það sé vissu­lega rétt að allir karl­menn og allt stjórn­mála­fólk séu ekki ger­endur ofbeld­is. Þá skilji hún pirr­ing karl­manna og stjórn­mála­fólks varð­andi til­raun ger­enda til þess að koma ábyrgð­inni af sér með því að segja að allir hagi sér svona hvort sem er. „Við viljum að þau gang­ist við ofbeld­inu, taki ábyrgð, segi af sér og raun­veru­lega iðrist þess sem þau hafa gert,“ segir hún. 

Auglýsing

Allir þurfa að líta í eigin barm

„Mörg okkar höfum ítrekað orðið fyrir ofbeldi og því geta afleið­ing­arnar verið miklar, t.d. svefn­leysi, síþreyta, lík­am­legir verkir, kvíði, þung­lyndi, doði, end­ur­upp­lif­an­ir, upp­rifin gömul sár, ein­beit­ing­ar­skortur og lyst­ar­leysi. Ég er ekki að segja að sárs­auki eins úti­loki sárs­auka ann­arra en ég er samt að segja að kannski væri nær að karl­menn og stjórn­mála­fólk spör­uðu karllægu, ófötl­uðu og gagn­kyn­hneigðu tárin sín og nýttu til­finn­ingar sínar í að vinna með mark­vissum hætti gegn þess­ari ofbeld­is­menn­ingu og þannig skapa þolendum rými til þess að vinna úr sínum áföll­u­m,“ segir Freyja. 

Hún bendir jafn­framt á að allir séu partur af þessu ófatl­aða og gagn­kyn­hneigða feðra­veldi. „Við erum öll for­dóma­full. Við eigum öll í hættu að vera for­dóma­full og ómeð­vituð um for­rétt­indi okk­ar. Í raun getur engin sagt: það var ekki ég! Svona fyrir utan það að rann­sóknir og reynsla sýna okkur þær svim­andi háu tölur um kyn­bundið ofbeldi. Einnig ofbeldi gagn­vart fötl­uðu fólki. Hinsegin fólki. Ofbeldi er líka ekki bara eitt­hvað eitt. Það er ekki bara það að lemja, nauðga og smána. Ofbeldi getur verið kerf­is­bund­ið, t.d. króna á móti krónu skerð­ing, manna­nafna­nefnd og bleikur skatt­ur. Ofbeldi getur verið menn­ing­ar­bund­ið, t.d. að nota fötlun sem aðhlát­ursefni í ára­mótaskaup­inu nær und­an­tekn­ing­ar­laust í áraraðir og þegar ólík leik­föng senda skila­boð á pakkn­ingu um að þau séu fyrir stelpu eða stráka. Í slíku ofbeldi getum við ekki bent á einn ger­anda heldur bara valda­kerfi og hug­mynda­fræði sem þarf að uppræta.

Við erum öll hluti af því ferli. Við þurfum öll að líta í eigin barm. Á hverjum ein­asta degi. Með því að afneita því erum við að skapa kjörað­stæður fyrir ofbeld­is­menn­ingu. Þetta breytir ekki því að beinir ger­endur þurfa að taka ábyrgð á sínum gjörð­um. Eitt úti­lokar ekki ann­að.

Ef karl­menn og stjórn­mála­fólk eiga í miklum erf­ið­leikum með að liggja undir grun verða þeir að taka þá umræðu þar sem hún á heima. Hjá ger­end­um. Ekki agn­ú­ast út í konur og jað­ar­setta hópa um þau óþæg­indi sem rétt­inda­bar­átta okkar veld­ur. Sú til­finn­inga­vinna á ekki að vera í höndum þolenda!“ segir Freyja. 

Í þessu Klaust­ur­máli hafa karl­menn í umförm­um, líka karl­menn sem ég þekki vel og þykir vænt um, stigið fram eða tek­ið...

Posted by Freyja Har­alds­dóttir on Sunday, Decem­ber 16, 2018


Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Meðalverð flugmiða með Ryanair stendur nú í 40 til 50 Evrum og segir O‘Leary að búast megi við því að það hækki í 60 Evrur.
Forstjóri Ryanair boðar ringulreið í flugbransanum næstu árin
Michael O‘Leary segir flugferðir orðnar of ódýrar fyrir það sem þær eru og að dæmið gangi því einfaldlega ekki upp.
Kjarninn 3. júlí 2022
Notkun tölva gegnir sífellt stærra hlutverki í leik og starfi hjá flestum. Á síðustu misserum hefur margföldun orðið í tilraunum til netsvindls.
Sjö ráð til að koma í veg fyrir netsvindl
Margföldun hefur orðið á tilraunum til netsvindls og reglulega eru fluttar fréttir af nýjum svikapóstum í umferð. Framkvæmdastjóri CERT-IS segir mikilvægt að huga vel að netöryggi og að margar einfaldar lausnir séu í boði í þeim efnum.
Kjarninn 3. júlí 2022
Bryndís Friðriksdóttir svæðisstjóri höfuðborgarsvæðisins og Arndís Ósk Ólafsdóttir Arnalds forstöðumaður verkefnastofu Borgarlínu.
Áskorun að tryggja flæði á meðan það verður grafið og byggt
Á næstu árum fara í hönd miklar samgönguframkvæmdir víða á höfuðborgarsvæðinu. Kjarninn ræddi við svæðisstjóra Vegagerðarinnar og forstöðumann verkefnastofu Borgarlínu um stóru verkefnin sem eru á döfinni og hvernig á að láta umferðina ganga upp á meðan.
Kjarninn 3. júlí 2022
Herlufsholmen var áður munkaklaustur en í aldir var þar rekinn skóli.
Uppnám í elítuskólanum og prinsinn hættur
Herlufsholmskólinn á Sjálandi hefur verið talinn fyrirmynd annarra skóla í Danmörku, skóli hinna útvöldu og ríku. Ný heimildamynd svipti hins vegar hulunni af ýmsu sem tíðkast hefur í skólanum og nú er skólastarfið í uppnámi.
Kjarninn 3. júlí 2022
Katrín Jakobsdóttir, formaður Vinstri grænna og forsætisráðherra.
Fylgi Vinstri grænna hefur aldrei mælst minna í könnun Gallup – 7,2 prósent styðja flokkinn
Píratar hafa næstum því tvöfaldað fylgi sitt frá síðustu kosningum og Samfylkingin hefur aukið sitt fylgi um tæplega 40 prósent. Sjálfstæðisflokkur mælist undir kjörfylgi en Framsókn siglir lygnan sjó.
Kjarninn 2. júlí 2022
Það sem er sérstakt við spjöld þessi er að í stað þess að á þeim séu myndir og upplýsingar um landsliðsmenn í knattspyrnu eru þar að finna sögur verkafólks sem látist hafa við undirbúning mótsins.
Gefa út „fótboltaspil“ með verkafólki sem látist hefur við undirbúninginn í Katar
Þúsunda farandsverkamanna er minnst í átaki sænsku rannsóknarblaðamannasamtakanna Blankspot til að vekja athygli á mannlega kostnaðnum við Heimsmeistaramótið sem hefst í nóvember.
Kjarninn 2. júlí 2022
Alls fóru 0,0002% af fjármagni í COVID-viðbragðsáætlunum í að uppræta kynbundið ofbeldi
Ríki sem eiga sterka femíníska hreyfingu hafa verið talsvert líklegri til að taka tillit til kynjasjónamiða í COVID-19 áætlunum sínum en þau ríki þar sem engin eða veik femínísk hreyfing er við lýði, samkvæmt nýrri skýrslu.
Kjarninn 2. júlí 2022
Heimili eru talin ábyrg fyrir tonnum á tonn ofan af matvælum sem fara í ruslið.
Svona spornar þú við sóun í sumarfríinu
Það vill enginn koma heim í ýldulykt eftir gott frí. Þá vilja eflaust flestir ekki umturnast í umhverfissóða á ferðalaginu. Hér eru nokkur ráð til njóta sumarleyfisins langþráða án þess að koma heim í fýlu.
Kjarninn 2. júlí 2022
Meira úr sama flokkiInnlent