VR, Efl­ing og Verka­lýðs­fé­lag Akra­ness munu vera í sam­starfi í yf­ir­stand­andi kjara­samn­inga­við­ræð­um. Þetta kemur fram í til­kynn­ingu frá VR en sam­starfið var sam­þykkt á fundi stjórnar VR í gær­kvöld.

Í yfir­lýs­ingu sem Ragnar Þór Ing­ólfs­son, for­maður VR, Sól­veig Anna Jóns­dótt­ir, for­maður Efl­ingar – stétt­ar­fé­lags og Vil­hjálmur Birg­is­son, for­maður VLFA sendu frá sér vegna máls­ins í dag segir að þau telji að við­ræður síð­ustu vikna við Sam­tök atvinnu­lífs­ins hafi verið árang­urs­lausar og afstöðu stjórn­valda skýra vís­bend­ingu um að þau hygg­ist ekk­ert gera til að liðka fyrir við­ræð­um.

„Lág­marks­laun á íslenskum vinnu­mark­aði eru 300 þús­und krónur á mán­uði sam­kvæmt kjara­samn­ingum við Sam­tök atvinnu­lífs­ins. Hús­næð­iskreppa og til­færsla skatt­byrði frá þeim ríku yfir á þá efna­minni gerir það að verkum að ekki er hægt að lifa af þessum laun­um. Efna­hags­upp­sveifla síð­ustu ára hefur ekki skilað lág­launa­fólki ábata og löngu tíma­bært að snúa við þeirri öfug­þró­un,“ segir í yfir­lýs­ing­unn­i. 

Jafn­framt kemur fram að stétt­ar­fé­lög versl­un­ar­fólks og almenns launa­fólks standi sam­einuð í þeirri kröfu að dag­vinnu­laun dugi fyrir mann­sæm­andi lífi. Krafa þeirra sé um krónu­tölu­hækk­anir sem leiði til sann­gjarn­ari skipt­ingar kök­unn­ar, ekki pró­sentu­hækk­anir og launa­skrið.

„Sam­tök atvinnu­lífs­ins hafa svarað kröfum okkar með gagn­kröfu um upp­stokkun á vinnu­tíma og breyt­ingum á grund­vall­ar­rétt­indum launa­fólks - rétt­indum sem náð­ust með ára­langri bar­áttu vinn­andi fólks. Tólf tíma vinnu­dagur var raun­veru­leiki hér á landi á árum áður. Slíkt verður aldrei liðið aftur á íslenskum vinnu­mark­aði. Skil­grein­ingar á vinnu­tíma er ávinn­ingur af kjara­bar­áttu síð­ustu alda sem aldrei verður fórnað fyrir nafn­launa­hækk­anir sem geta brunnið upp í verð­bólgu.

Við gerum kröfu um rót­tækar breyt­ingar á núver­andi kerfi, sann­gjarnar launa­leið­rétt­ingar og boð­legt líf en fáum lítil sem engin svör. Þeir sem vilja tryggja sann­girni og rétt­læti á vinnu­mark­aði eru sak­aðir um ábyrgð­ar­leysi og jafn­vel öfg­ar. Eini kost­ur­inn sem býðst vinn­andi fólki er kyrr­stöðu­samn­ing­ar,“ segir í yfir­lýs­ing­unn­i. 

Þá segir að enn og aftur sé til þess ætl­ast að lág­launa­fólk á Íslandi sitji eftir á meðan þeir launa­hæstu skammti sjálfum sér tug­pró­senta launa­hækk­anir án þess að blikna. Verka­lýðs­hreyf­ingin standi sterk og muni berj­ast til að ná fram kröfum fólks­ins um mann­sæm­andi líf.

„Við und­ir­rituð teljum að sögu­legt tæki­færi sé fólgið í breiðri sam­stöðu stétt­ar­fé­laga almenns verka­fólks og versl­un­ar­fólks um krónu­tölu­hækk­anir og hækkun lægstu launa.

Við höfum því tekið þá ákvörðun að vísa við­ræðum þeirra stétt­ar­fé­laga sem við veitum for­ystu við Sam­tök atvinnu­lífs­ins til rík­is­sátta­semj­ara,“ segir í yfir­lýs­ing­unn­i.