Ríkisendurskoðandi tjáir sig ekki um fundinn við Ólaf og Karl Gauta

Ríkisendurskoðandi er trúnaðarmaður Alþingismanna og getur því ekki gefið upp hvort Ólafur Ísleifsson og Karl Gauti Hjaltason, fyrrverandi þingmenn Flokks fólksins, hafi átt fund með embættinu á síðasta ári um fjármálastjórnun Ingu Sæland.

Karl Gauti Hjaltason, Inga Sæland og Ólafur Ísleifsson
Karl Gauti Hjaltason, Inga Sæland og Ólafur Ísleifsson
Auglýsing

Rík­is­end­ur­skoð­andi veitir ekki upp­lýs­ingar um hvað fór fram í sam­tali við Ólaf Ísleifs­son og Karl Gauta Hjalta­syni, fyrr­ver­andi þing­menn Flokks fólks­ins, við Rík­is­end­ur­skoð­anda í fyrra eða um hvort sá fundur hafi yfir­höfuð átt sér stað. Í skrif­legu svari rík­is­end­ur­skoð­anda við fyr­ir­spurn Kjarn­ans segir að rík­is­end­ur­skoð­andi sé trún­að­ar­maður Alþingis og því ríki trún­aður um sam­töl þing­manna við emb­ætt­ið. 

Gagn­rýndu að Inga Sæland væri gjald­ker­i ­flokks­ins og færi með próf­kúru

Ólafur Ísleifs­son og Karl Gauti Hjalta­son hafa sagst átt fund með rík­is­end­ur­skoð­anda í fyrra þegar þeir vor­u enn þing­menn Flokks fólks­ins. Ólafur sagði, í sam­tali við Morg­un­blaðið í gær, að ástæða fund­ar­ins væri sú að þeir töldu það skyldu sína að upp­lýsa rík­is­end­ur­skoð­anda um að Inga Sæland, for­maður Flokks fólks­ins, væri gjald­keri flokks­ins og færi með próf­kúru flokks­ins. „­Eft­ir­lit með fjár­­reiðum stjórn­­­mála­­flokka er á hendi Rík­­is­end­­ur­­skoð­un­­ar. Skömmu eftir að nýr maður tók þar við emb­ætti árið 2018 ­greindum við honum frá þessum stað­­reyndum og lýstum áhyggjum okk­­ar. Við áttum ágætt sam­­tal við hann um eft­ir­lit með fjár­­reið­u­m ­­stjórn­­­mála­­flokka,“ sagði Ólaf­­ur. 

­Síð­asta laug­ar­dag ­sagði Karl Gauti, í aðsendri grein í Morg­un­blað­inu, að hann hefði marg­ít­rekað látið gagn­rýni sína á getu Ingu Sæland til að leiða Flokk fólks­ins í ljós áður en slík gagn­rýni náð­ist á upp­­­töku á Klaustur bar 20. nóv­­em­ber síð­­ast­lið­inn. Eins og kunn­ugt er sam­þykkti meiri­hluti stjórnar Flokks fólks­ins að reka Karli Gauta og Ólaf úr þing­flokknum þann 30. nóv­em­ber ­síð­ast­lið­inn eftir Klaust­ur­sam­kom­una með Mið­flokks­mönnum og eru þeir því nú utan flokka á þingi.

Auglýsing

Í grein­inni gagn­rýndi Karl Gauti harð­lega fjár­mála­stjórnun Ingu Sæland, hann sagð­ist meðal ann­ars ekki geta sætt­ sig við að opin­beru fé væri ráð­stafað til fjöl­­skyld­u­­með­­lima stjórn­­­mála­­leið­­toga. „Ég tel ekki for­svar­an­­­legt að for­­­maður stjórn­­­­­mála­­­flokks sitji yfir fjár­­­reiðum hans með því að vera jafn­­­framt pró­kúru­hafi og gjald­keri flokks­ins. Þá get ég heldur ekki sætt mig við að opin­beru fé sé varið til launa­greiðslna í þágu nán­­­ustu fjöl­­­skyld­u­­­með­­­lima stjórn­­­­­mála­­­leið­­­toga. Lands­lög kveða skýrt á um vand­aða með­­­­­ferð þeirra fjár­­­muna sem stjórn­­­­­mála­­­flokkar þiggja úr almanna­­­sjóðum og er mik­il­vægt að eftir þeim sé far­ið,“ sagði Karl Gauti.

Ólafur tók undir gagn­rýni Karls Gauta á fjár­mála­stjórnun Ingu Sæland í ofan­greindu sam­tali við Morg­un­blað­ið. Ólafur sagði að þetta væri gagn­rýni sem þeir hefðu báðir haft uppi og sagð­ist sjálfur hafa gert athuga­­semdir við for­­mann flokks­ins um fjár­­­mál­in. „Ég lét uppi við ­for­­mann­inn það ­sjón­­ar­mið að ég teldi ekki rétt að fjár­­­mál flokks­ins væru í hönd­um ­kjör­inna full­­trú­a. Þetta gerðum við strax báð­ir snemma í nóv­­em­ber árið 2017 á þing­­flokks­fund­i, ­skömmu eftir að við vorum kjörin á þing. Þegar upp komu ráða­­gerð­ir nokkru síðar um að ráða ein­stak­l­ing úr fjöl­­skyldu hennar [á skrif­­stofu ­flokks­ins], þá sögðum við við for­­mann­inn að þetta væri eitt­hvað sem ætti ekki við. Þetta var á fyrri hluta árs­ins 2018,“ sagði Ólaf­­ur.

Inga ætlar ekki að láta próf­kúr­una frá sér 

Inga Sæland hef­ur svar­að ­gagn­rýni fyrr­ver­andi flokks­manna sinna og sagði það sorg­leg­t að sjá hvernig fyrr­ver­andi vara­þing­flokks­for­maður stigi nú fram fullur hefnigirni, í sam­tali við Vísi síð­ustu helgi. Hún sagð­ist hvorki hafa fengið gagn­rýni á störf sín sem gjald­keri og próf­kúru­hafi né að sonur hennar hafi verið ráð­inn til flokks­ins fyrr en Karl Gauti hafi sett hana fram.

Inga sagði það rétt að hún hefði gegnt emb­ætti gjald­kera áður en Jón­ína Björk Ósk­ars­dóttir tók við emb­ætt­inu í des­em­ber í fyrra. „Ég stofn­aði Flokk fólks­ins og er allt í öllu í upp­hafi og var því gjald­keri en lét af því emb­ætti í des­em­ber þeg­ar Jón­ína Björk Ósk­ars­dóttir tók við,“ sagði Inga.  

Hún sagð­ist enn­þá vera með próf­kúru á reikn­ingi flokks­ins og að hún ætli ekki að láta hana frá sér. Hún sagði enn fremur að stjórn og kjör­dæma­ráð hafi ákveðið að ráða son hennar á skrif­stofu flokks­ins fyrir síð­ustu borg­ar­stjórn­ar­kosn­ing­ar. 

Eng­ar ­at­huga­semd­ir verið gerðar við fjár­mál flokks­ins 

Stjórn Flokks fólks­ins sendi frá sér yfir­lýs­ingu í gær og sögðu frá því að öll fjár­mál flokks­ins hefði verið lögð fram árlega og á réttum tíma undir skoðun lög­gilts end­ur­skoð­anda og Rík­is­end­ur­skoð­anda. 

Guð­mundur Ingi Krist­ins­son, vara­for­maður flokks­ins og þing­flokks­for­mað­ur, sagði í þætt­in­um 21 á Hring­braut í gær­kvöldi að ekki væri neinn fótur fyrir gagn­rýni á störf Ingu eða flokks­ins. Hann sagði að sonur Ingu hefði þá unnið sem sjálf­boða­liði fyrir flokk­inn og væri nýkom­inn á launa­skrá og væri þar með eini starfs­mað­ur­inn. Stjórnin hefði ráðið hann og sóst eftir því en Inga stigið til hliðar og reyndar ætlað að finna ein­hvern annan í verk­efni sonar síns vegna tengsl­anna.

Karl Gauti vill að brott­rekst­ur s­inn sé tek­inn til baka 

Karl Gaut­i ­sagði í við­tali í þætt­in­um 21 í gær­kvöldi að hann vilji að brott­rekst­ur s­inn verði tek­inn til baka, og hann fái aftur þing­sætið sitt fyrir flokk­inn ef Inga Sæland hætti sem for­mað­ur. Hann neit­aði alfarið að vilja ganga í Mið­flokk­inn þótt honum hafi boð­ist það og sagð­ist haafa fengið boð frá fleiri flokkum sem hann vildi þó ekki nefna. 

Í yfir­lýs­ingu frá stjórn Flokks fólks­ins í gær voru Karl Gauti og Ólafur Ísleifs­son hvattir til að axla ábyrgð á eign gjörðum og segja af sér þing­mennsku.

Kanntu vel við Kjarnann?

Við á Kjarnanum þökkum lesendum fyrir það traust sem þeir sýna með því að styrkja Kjarnann. 

Frjáls framlög frá lesendum hafa vaxið jafnt og þétt síðustu árin og eru mikilvæg tekjustoð undir reksturinn. Þau gera okkur kleift að halda áfram að taka þátt í umræðunni og greina kjarnann frá hisminu. 

Við tökum hlutverk okkar sem fjölmiðill í þjónustu almennings alvarlega. Kjarninn birti 409 fréttaskýringar og 2.367 fréttir á árinu 2019. Kjarninn er vettvangur umræðu og á nýliðnu ári voru 539 skoðanagreinar birtar, stærstur hluti þeirra aðsendar greinar. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari.

Já takk, ég vil styrkja Kjarnann!
Eignir Lífeyrissjóðs verzlunarmanna hækkuðu um 155 milljarða á síðasta ári
Árið 2019 var metár í 63 ára sögu Lífeyrissjóðs verzlunarmanna.
Kjarninn 21. febrúar 2020
Fossinn Rjúkandi
„Stórtækar“ breytingar á framkvæmd Hvalárvirkjunar kalla á nýtt umhverfismat
Það er mat Vesturverks að bráðnun Drangajökuls muni engin áhrif hafa á vinnslugetu fyrirhugaðrar Hvalárvirkjunar. Í skipulagslýsingu er lagt til að svæði ofan áformaðs virkjanasvæðis fái hverfisvernd vegna nálægðar við jökulinn.
Kjarninn 21. febrúar 2020
Rúmlega 600 milljónir króna í eftirlaun til ráðherra og þingmanna í fyrra
Árið 2003 voru umdeild eftirlaunalög sett sem tryggðu þingmönnum og ráðherrum mun betri lífeyrisgreiðslur en öðrum landsmönnum. Þau voru afnumin 2009 en 203 fyrrverandi þingmenn og ráðherra njóta sérkjara þeirra þó ennþá.
Kjarninn 21. febrúar 2020
Björgólfur Jóhannsson, tímabundinn forstjóri Samherja, þegar hann tók við starfinu.
Björgólfur kominn með prókúru hjá Samherja
Tímabundinn forstjóri Samherja hefur loks formlega verið skráður í framkvæmdastjórn fyrirtækisins og með prókúru fyrir það, þremur mánuðum eftir að hann tók við starfinu. Hann er hins vegar enn ekki skráður með prókúru hjá Samherja Holding.
Kjarninn 21. febrúar 2020
Donald Trump verður út um allt á Youtube á kjördegi
Framboð Donalds Trumps Bandaríkjaforseta hefur nú þegar keypt bróðurpartinn af auglýsingaplássi á Youtube, fyrir kjördag í nóvember.
Kjarninn 21. febrúar 2020
Freyr Eyjólfsson
Neysla og úrgangur eykst á heimsvísu – Ákall um nýjar, grænar lausnir
Kjarninn 20. febrúar 2020
Ísold Uggadóttir og Auður Jónsdóttir
Himinhrópandi mistök í máli Maní
Kjarninn 20. febrúar 2020
Haraldur Johanessen var enn ríkislögreglustjóri þegar samkomulagið var gert. Hann lét af störfum skömmu síðar
Samkomulag ríkislögreglustjóra hækkaði laun yfirmanna um 48 prósent
Þeir yfirmenn hjá ríkislögreglustjóra sem skrifuðu undir samkomulag við embættið í fyrra hækkuðu samtals grunnlaun sín um 314 þúsund krónur á mánuði og sameiginlegar lífeyrisgreiðslur um 309 milljónir.
Kjarninn 20. febrúar 2020
Meira úr sama flokkiInnlent